اڼتقام الندى
العروسة تدلع عقبالك زيي ياقمر
ندى لا انا لسة بدرى اوى مش جاهزه للجواز ي حبيبتى
مايسة لحد امتى لحد ماتعجزى وسنانك تقع صدقينى يانوال الجواز حلو وعال
ندى والنبى مش وقت تريقه سخيفة انا بجد تعبت م المشى كويس انى ركنت العربية قريب
مايسة وانا كمان رجلى وجعتنى دخلنا ع العصر واحنا بنلف لما اروح هحطهم ف مية وملح
ندى وانا كمان عايزة اروح انقع نفسى ف البانيو 3 ايام
ندى بابتسامة انتى اكتر من اختى ياميسه وربنا اعلم
مايسة وانا كمان بحبك لله ف لله كده زى مابيقولوا م القلب للقلب رسول
ندى اه على فكرة نسيت اقولك سوسو بتسلم عليكى وبتباركلك
مايسة الله يسلمها بجد وحشتنى جدا سوسو نفسى اشوفها الست دى طيبة واصيلة زى ماما فريده تمام خلى بالك منها ياندى
مايسة بابتسامة دامعة مفيش حد يعوض الام والاب مهما كانوا تصدقي انا نفسى ف مين دلوقتى
ندى مين ياحبيبتى
مايسة بحزن كان نفسى ماما رقيه تبقى هى اللى معايا بس للاسف جوزها اهم منى ولا انا ف بالها اصلا
مايسة بحزن والدموع فعينيها عارفة انا دلوقتى حاسة بيتم فظيع وابويا وامى على وش الدنيا
ندى جرى ايه ياعروسة انتى هتقلبيها غم ليه بطلى نكد بقى بكرة خطوبتك ي قمر
مايسة بنبرة حزينه انا اسفة ياندى نكدت عليكى مكنتش اقصد
ندى ولا يهمك ي روحى اضحكى بقى اقولك على مفاجئة حلوة تبسطك
ندى عمتو سوسو جايه معايا بكرة
مايسة بفرح بجد بتكلمى بجد ولا بتهزرى
ندى لا بجد طبعا انا اقنعتها وهى وافقت مبدائيا واحتمال وائل ييجى معانا كمان
مايسة بمزاح الراجل الغامض بسلامته
ندى بمرح اتلمى يابت والله لو مكنتش شايلة اكياس فايديا الاتنين كنت ضربتك
مايسة تضحك بدموع والله بهزر ولا تزعلى حقك على الاستاذ وائل بية ابن عمتك
اقتربت ندى من سيارتها ثم قالت بقولك ايه نزلى الشنط والأكياس اللى معاكى ف الارض وانا كمان هنزل الشنط اللى معايا
على ماطلع المفاتيح من الشنطة اللى فكتفى
انزلت كلتاهما المشتريات على الارض واخرجت ندى المفاتيح من حقيبتها الخاصة واعطت مايسة منديلا لتمسح دموعها ثم فتحت سيارتها ونقلت الاكياس بمساعده مايسة الى المقعد الخلفى للسيارة وركبتا كلتاهما في المقاعد الامامية وادارت ندى السياره
ندى مش هكدب عليكى انا كمان عاوزه اكل وشكلنا كده اتاخرنا على البيت ومش هلحق الغدا
مايسة انا عارفة انك مزنوقة ف الفلوس فهنطلب اكل مع بعض النص بالنص
ندى انا اعرف مطعم وكافيه شيك وحنين وقريب من هنا
مايسة ماشى ياللا بينا وبالمرة تحكيلى الحكاية من الاول
ندى عارفاكى انتى مش هترتاحى الا لما تعرفى ماشى ي فضوليه
وفى المطعم دخلت مايسة بانبهار قائلة الله المكان هنا حلو اوى انا بقالى كتير عايشة فالبلد ومجيتش هنا انتى عرفتي المطعم ده منين
ندى بابتسامة اصل بابا الله يرحمه كان بيعزمنى هنا على طول بنقعد نتغدى هنا وبعدين نطلع نشرب حاجة فالكافيه فوق
مايسة الله يرحمه فى الجنة ان شاء الله ياندى
ندى مش هناكل بقى انتى مش كنتى جعانه
مايسة اه صح بس محتارة اطلب ايه اصلى اول مره اروح مطعم
ندى يابنتى ال قدامك اهو اه صح انا نسيت اقولك انى جددت credit card قبل ماجي لك
مايسة بشك جددتيها برضه انتى كنتى قايله لسه يوم الحد الجاى بعد خطوبتى
ندى بارتباك جددتها وخلاص ياستى هتفرق ف ايه
مايسة باستغراب طب عينى فعينك كده
ندى تقصدى ايه
مايسة لا ولا حاجة
ندى فلاش باك
فى السيارة يوم عزومة صادق الساعة 1030مساءا
صادق بتساؤل انتى معاكى credit card ياندى
ندى لا ياصادق بيه دى خلصت ولسه مجددتهاش
صادق بانفعال وده اسمه كلام برضة ياندى سكرتيرة صادق عبد الرؤوف معاهاش credit card على الاقل علشان متطلباتك الشخصية انتى هتبقى سكرتيرتى الخاصة يعنى واجهه الشركة ولازم تبقى انيقة وتغيرى استايل فاطمة رشدى اللى انتى لابساه ده تجيبى كام طقم حلوين وجداد كده بدل الالوان الباهته اللى بتلبسيها دى وكام ازازة perfume من الغالى انتى لسة صغيرة ولازم تنطلقى وتعيشى سنك انتى جميلة بس للاسف مش مقدره جمالك
ندى بنظرة حانقة نعم
صادق بصى وسحب كارت ائتمان جديد من تابلوة السيارة امامه ال credit ده جديد وسارى وانا مش محتاجة خديه ياندى ده بتاعك من بكره واعطاه لها
ندى بضيق متشكرة ياصادق بيه بس انا مش محتاجاه واذا كان ع اللبس والماكياج وال عندى اللى مكفينى وزياده كفايه اللى حضرتك عملته علشانى وهديه عيد ميلادى اللى
مش عارفة ايه مبررها
صادق بابتسامة خبيثة معلش مسير الايام هتثبتلك صدق نوايايا ناحيتك
ندى پحده انا اسفة ياصادق بية مقدرش اخده من حضرتك هقولهم ايه فالبيت لو حد لاقاه بالصدفة فدولابى ولا فدرج الكومودينو عمتى بتبات معايا فنفس الاوضه وان سألتنى مش هعرف اقولها مبرر
صادق بمسكنة طب لو قولتلك علشان خاطرى هتكسفينى زى عادتك
ندى بتلعثم اص اصل...انا يعنى
صادق برقة مبالغ فيها انتى ايه ياندى ياستى اعتبريها هديه من حبيب لحبيبته
وبعدين احنا مش اتفقنا واحنا فالباخرة انك خطيبتى فى واحده تكسف خطيبها برضة
ندى بجديه بس انا لسه موافقتش ي صادق بيه وعلى فكرة مش مجبرة اوافق على عرضك المغرى ده ولو سمحت ممكن امشى من فضلك وفتحت باب السيارة وكادت تنزل لولا سحبها من زراعها قائلا بنعومة انتى رايحة فين بس
ندى بتوتر انا اتاخرت ولازم ارجع الفيلا
صادق ادار وجهها له وداعب خصلات شعرها برقة ثم قربها منه بضمھ دافئه
قائلا انا ابقى مچنون لوسبتك ياندى واحضتنها بحرارة ثم فتح بيده الاخرى حقيبتها المعلقة فى كتفها cross ووضع كارت الائتمان بداخلها واغلقها كان شيئا لم يكن
ندى بانفعال روحنى حالا دلوقتى ياصادق بيه
صادق ماشى ياندى براحتك بس انا مش هصبر كتير على نشفان دماغك ده
باك فى المطعم
سرحت ندى لدقائق قبل ان تقول مايسة ايه يابنتى روحتى فين انا بكلمك م الصبح
ندى لا ولاحاجة سرحت شويه
مايسة بمرح اللى واخد عقلك يتهنابه
ندى بارتباك لا ولاحاجة
مايسة بابتسامة عليا انا برضة
ندى بانفعال مقلتلك مفيش الله انتى حشرية ليه ياساتر
مايسه هى بقت كده يعنى الله يسامحك بس اقولك على حاجة اقطع دراعى ان ماكنتيش بتحبى وواقعة لشوشتك ف الحب ياندى
ندى بارتباك انا لاأأ ... لأطبعا
مايسه اه يا لئيمة يكونش وائل هو اللى مديكى ال credit card ده وانتى بتحورى عليا
ندى ريحى نفسك مش هو
مايسة ايا كان مين هعرفه
ندى فسرها نفسى اقولك انه البيه المحترم حماكى
ثم قالتم انا مش هخلص من زنك طالما حطيتى حاجة ف مخك يبقى ياللا السلام
مايسة طب كويس يعنى معاكى كريديت و هتعزمينى على حسابك بقى
ندى هفوتها بس علشان انتى عروسة بس المره الجايه...
مايسة بمزح ايه لايمكن تنزل ابدا
ندى هههه لا يابت هعزمك برضة ي هبله احنا اخوات مفيش
