رواية فتاة سيئة السمعة بقلم عادل عبدالله

رواية فتاة سيئة السمعة 
للكاتب عادل عبد الله 
الحلقة الاولي 
اليوم من أهم الأيام في حياتي فهو موعد استلامي لعملي الجديد .
صحوت مبكرا وارتديت ملابسي الانيقة وذهبت الي مقر الشركة لأستلم عملي الجديد 
قابلت رئيس شئون العاملين الذي قام بتوجيهي لمكتب التصدير داخل الشركة لأستلام عملي .
دخلت المكتب وبدأ في تعريفي بزملائي الجدد في المكتب .
الاستاذ عبد المنعم مدير مكتب التصدير ٤٨ سنة يعمل بالشركة منذ اكثر من ١٥ سنة 
الاستاذة ايناس ٣٢ سنة مديرة التعاقدات والتسويق بالشركة وتعمل بالشركة منذ ٨ سنوات .

الاستاذ شادي مساعد مسئول التصدير ٣١ سنة ويعمل بالشركة منذ ٤ سنوات .
الاستاذ طارق ٣٣ سنة مسئول التسليم ومدير الفحص الفني ويعمل بالشركة منذ عامين 
الانسة هدي ٢٨ سنة سكرتيرة المكتب وتعمل بالشركة منذ عامين .
دخلت المكتب وبدأت في التعرف علي خريطةواسلوب العمل في الشركة ومهام كل فرد فيها .
و بدأ زملائي في التعريف بانفسهم والتعرف علي انا شخصيا .
عرفتهم بنفسي وقولتلهم انا اسمي عز الدين عندي ٣٠ سنة وساكن في حلمية الزتون ومتخرج من ٧ سنين واشتغلت قبل كده في شركة في عباس العقاد في مدينة نصر .
رد عليا طارق طيب دي كانت قريبة منك كتير احسن من هنا مشوار مدينة نصر من حلمية الزتون قريب انما مشوار المهندسين من حلمية الزتون ابعد كتير .
ايناس اسكت يا طارق انت فعلا معندكش ډم ده من حظنا يا استاذ عز ان حضرتك انضميت لشركتنا وان شاء الله هتكون مرتاح معانا هنا كتير .
ربنا يخليكي يا استاذه ايناس ده من ذوق حضرتك وانت يا طارق عندك حق فعلا في كلامك لكن الشركة اللي سبتها كنت مش مرتاح فيها علشان كده انتظرت اول فرصة وسبتها وجيت اشتغل هنا .
شادي منور الشركة يا استاذ عز .
بلاش كلمة استاذ دي احسن قولي عز بس . بقلم عادل عبد الله 
طارق وانت كمان نادينا بأسمائنا بدون استاذ .
يبقي افضل اكيد احنا كلنا اخوات وفي سن قريب من بعض ما عدا استاذ عبد المنعم طبعا ده استاذنا كلنا .
ضحك استاذ عبد المنعم وقال اعتبرني اخوكم الكبير بعيدا عن الشغل انما في الشغل التزام تام و مفيش مجاملات .
ضحكت وقولتله طبعا طبعا مفهوم يا استاذ عبد المنعم .
في نهاية اليوم بدأت في تكوين فكرة عن شخصية كل واحد في المكتب .
وكانت اهم ملاحظاتي كانت ان استاذ عبد المنعم شخصية جادة وملتزم جدا في العمل اما طارق فهو انسان كثير الكلام كثير الحركة خفيف الظل واجتماعي بشكل كبير ولم يتزوج حتي الان .
اما شادي فهو انسان خجول بعض الشئ ولكنه منضبط بشكل كبير في العمل ومتزوج منذ ما يقرب من سنتين .
اما ايناس فهي جميلة انيقة خفيفة الظل وهي اكثر فريق العمل نشاطا في الشركة .
اما هدي فهي جميلة ورقيقة جدا مجتهدة جدا في عملها الا انها قليلة الكلام ولا تتحدث كثيرا . بقلم عادل عبد الله 
ذهبت تاني يوم للعمل وظللت طول اليوم مع الاستاذة ايناس بحكم عملي كمدير الشئون القانونية وعملها كمسئولة للتعاقدات .
قمنا بمراجعة بعض تعاقدات الشركة ثم طلب مني الاستاذ عبد المنعم بعض مهام العمل ثم عدت لاستكمل عملي مع ايناس .
بدأت الاحظ بعض الهمسات بين طارق وشادي و لاحظت انهما يراقبوني انا و ايناس في صمت !! 
لم اهتم كثيرا الا عندما جاء عامل البوفيه ومعه كوبين من عصير الليمون ثم قال استاذ طارق بيصبح عليكم .
اندهشت قليلا وقولت في خاطري اشمعني عصير لمون يعني !!! المفروض لو عاوز يعزمنا كان يعزمنا علي شاي او قهوة او حاجة سقعة انما لمون !!! اكيد يقصد حاجة .
و عرفت انني كنت محق في اندهاشي من نظرة عين ايناس الذي ظهر بها الدهشة الممزوجة بالڠضب !!
و بعد حوالي نص ساعة استأذن طارق و طلب ايناس للحديث علي انفراد !!!
خرجت ايناس ووقفت تتحدث مع طارق قرابة العشر دقائق ثم عادت وكان يظهر عليها الانفعال والڠضب !!!
فسألتها في حاجة يا ايناس شكلك متضايقة من حاجة !!! 
لا أبدا مفيش حاجة .
لو في حاجة مضيقاكي قوليلي يمكن اقدر اساعدك .
لا أبدا مفيش جديد الدنيا مليانة حاجات تضايق .
يااااه !!! ليه نظرة التشاؤم دي خليكي متفائلة شوية .
اتفائل !!! حاضر حاضر ان شاء الله .
ممكن اعرف سبب الهم والحزن اللي باين في كلامك وملامحك ده  
مفيش جديد يا عز الدنيا كده كلها هم ومشاكل .
لا لا لا كده كتير بجد عليكي حاولي تخرجي اللي جواكي علشان مش تتعبي .
من ساعة ما اتطلقت وانا واخدة علي كده .
انتي مطلقة 
ايوه من ٣ سنين .
ربنا يعوضك خير .
ان شاء الله .
هو طارق بيضايقك في حاجة  
ارتبكت قليلا طارق !! لا