رائعة منال جميعي
ماتجيش دلوقتي ټندم خلاص فات أوان الندم
فؤاد.. أنا نفسي افهم والله انتي مراتي أنا ولا مراتهم هما
ابتسمت صفاء قائلة.. الله يجازي شيطانك يا فؤاد حلوة مراتهم هما دي كمان وبعدين يعني هو انا عشان مراتك لازم أقف في صفك حتي لو كنت غلطان احمد ربنا إنك بتلاقي اللي يرجعك للحق
فؤاد بتهكم.. وبعدين بتقوليلي انا اللي اخترت اه صحيح انا اللي اخترت تقدري تقوليلي طفل عنده ست سنين أبوه بيخيره بين إنه يسافر ويقعد معاه بعد ما يتجوز أو إنه يفضل مع جده وجدته تفتكري ده يقدر يقرر مصيره كان لازم وهو رايح إسكندرية عشان يتجوز ويستقر هناك جنب شغله ياخدني معاه ولو ڠصب عني لما قلتله لأ كان المفروض ياخدني قلمين ويقولي اسكت انت انت مش عارف مصلحتك فين لكن أنا أبوك وادري بمصلحتك كان كفاية عليا وقتها إن أمي ماټت واتحرمت من حنانها مكنش المفروض اني اعيش يتيم الام والأب وأبويا علي وش الدنيا لكن هو زي ما يكون ماصدق اول ما أمي ماټت خد شقة في اسكندرية جنب شغله واستقر هناك واتجوز وخلف وعاش حياته وسابني انا هنا لجدي يربيني ويملا دماغي بكلامه ويقنعني إن الشهادات دلوقتى مبتأكلش عيش وانها ملهاش لازمة طول ما الفلوس والشغل موجودين.
فؤاد.. وماعملش معايا انا كمان كده ليه ده انا لما قلتله بعد ما خلصت الثانوية العامة اني هاسمع كلام جدي ومش هكمل كل اللي عمله انه قعد يتحايل عليا ويترجاني ولما لاقاني مصمم كبر دماغه وانا كنت فاكر وقتها اني باعند معاه اتاريني كنت بعند مع نفسي وانا مش واخد بالي بقولك ايه انتي عماله تقلبي عليا المواجع من ساعة ماقعدتي قفلي علي السيرة دي بقي وقومي هاتيلي دوا الضغط احسن حاسس ان دماغي ھتنفجر من الصداع
فؤاد.. تسلم عينيكي عارفة يا صفاء رغم انك يعني لسانك طويل وبتناقريني وبتردي عليا كلمة بكلمة بس مش عارف ليه برضه بحبك وبموت فيكي ومقدرش استغني عنك
صفاء.. المفروض بقي ان انا افرح وان ده كلام حب ورومانسية وكده يعني
اطلق فؤاد ضحكة عالية ثم اردف قائلا..لا بجد ما تعرفيش ايه السبب
صفاء.. عشان انا كمان بحبك وماليش غيرك في الدنيا دي .
صفاء.. حاضر يا حبيبي والله ده يمني وطنط نادية وحشوني خالص
فؤاد بتهكم.. وحشوكي طيب قومي يا اختي روحي هاتيلي الدوا.
يتبع
