رائعة منال جميعي
مش زي الأول طبعا بس لسه مضايقة شوية
عمرو..طيب لو قلتلك ان عندي ليكي خبر حلو تسامحيني
يمني..والله ده يتوقف على الخبر اللي هتقوله
عمرو..لا لو علي الخبر يبقى أنا متأكد انك سامحتيني خلاص
يمني..طيب قول بقى أما اشوف
ابتسم وقال ممازحا إياها..طيب اتحايلي عليا شوية الأول
وكزته في كتفه قائلة..يا عمرو قول بقى وبطل غلاسة
لم تستطع إستيعاب الخبر بسرعة فقالت مستفهمة..هي النتيجة ظهرت
عمرو..مش عيب عليكي تسألي السؤال ده وانتي مرات دكتور عمرو الألفي طبعا لسه بس خلاص ادامها يومين وتظهر
قفزت من مكانها وهي تصفق بيديها كالأطفال ثم لفت ذراعيها حول رقبته قائلة بفرح..متشكرة اوي يا حبيبي متشكرة اوي
ابدلت يمني ملابسها وخرجت مع عمرو الذي توقف بالسيارة أمام أحد المطاعم الفاخرة ثم ترجل من السيارة وفتح لها الباب قائلا وهو يشير بيده في حركة مسرحية..اتفضلي يا مولاتي
ترجلت من السيارة هي الأخرى وهي تبتسم في سعادة دلفا معا إلي داخل المطعم لتفاجأ يمنى باخلو المطعم من الرواد ولكنها وجدته ممتلأ بالورود والبالونات في كل مكان اقترب عمرو من إحدي الطاولات التي وضعت عليها بعض الشموع بعناية فائقة وسحب لها المقعد قائلا بحب..اتفضلي يا حبيبتي
عمرو..يا حبيبتي المكان ده كله النهاردة بتاعنا احنا الاتنين وبس أنا حجزته عشان احتفل معاكي بمناسبة نجاحك اتفقت معاهم على كل اللي انتي شايفاه ده
دمعت عيناها في سعادة ولم تستطع سوى أن تتفوه بكلمة واحدة ..بحبك
أجابها قائلا بإبتسامة..يا حبيبتي أنا عديت مرحلة الحب دي من زمان
يمنى بدعاء..ربنا مايحرمنيش منك ابدا
يمنى..ده أنا علي كده بقى هابقى اطلب منك تزعلني على لطول
ابتسم لها وقال برقة..مش أنا سبق وقولتلك لو اخترتيني عمرك ما هتندمي علي اختيارك ده
باك
خرج عمرو من الحمام ليجدها مازالت في الفراش فقال بجدية..معقول يا يمني كل ده ولسه مالبستيش
يمني..أنا اسفة معلش سرحت شوية حالا وأكون جاهزة
يتبع
