الدكتوره وكبير الحاره بقلم رحاب القاضي

نور بدموع _
سيب ايدي ي خالد احنا فالشارع..

خالد _
يعني مشكلتك الشارع..

_شدها من ايدها ودخل العماره اللي فيها بيتهم..

خالد بزعيق _
لاخر مره هسألك بلساني قبل ايدي كنتي فين؟..

دمعت عينيها وردت عليه _
روحت اتغديت انا علا حتي اسألها..

خالد _
ومقولتليش لي، افتحي موبيلك شوفي كلمتك كام مره وانتي مش بتردي ومعرفش انتي فين وكنت قلقان عليكي وفالاخر لما اتعصب عليكي تيجي وتبكي..

مسحت دموعها _
الموبيل كان صامت عشان كنت فالمحاضره ونسيت اعليه لما طلعت، وانا مش صغيره عشان تقلق كده عليا..

قرب منها وقال بهدوء _
انا مش ببقي مطمن غير وانتي جنبي او فبيتكم وطول مانتي بره ببقي قلقان ومش برتاح غير لما اشوفك راجعه..

اتوترت من كلامه وهدوءه واتكسفت غص/ب عنها وهي تبتص للارض، وقبل ميتكلم خالد تاني..

دخل يوسف وقاله _
خالد ابويا عايزك ضروري..

بعد خالد عنها شويه وقاله _
طيب جاي..

قال لنور _
اطلعي يلاا فوق..

نور _
انا كنت طالعه ع فكره وانت اللي وقفتني..

ضحك ع طريقتها هو ويوسف وهي طلعت بيتهم وهو راح لباباه عشان يشوف شغله..

ــــــــــــــــــــــــــــــــــــــــ

_كانت نور قاعده مع باباها فاوضته وهي بتتكلم معاه بعد مخد الدوا..

احمد _
مالك ي نور زعلانه لي؟..

نور _
هيكون لي ي بابا هو في غيره بيزعلني..

احمد_
والله خالد بيحبك افهميه انتي بس وهترتاحو..

نور _
مش عايزه افهمه ومش عايزه اتجوزو..

احمد _
بصي ي نور الجواز ده نصيب البني ادم يبنتي بيفضل يقول عايز وعايز وعايز ومش بياخد غير اللي ربنا كاتبه ليه وديما بيكون اللي كاتبه ربنا خير، فلما تيجي تدعي قولي يارب قدملي الخير وربنا كبير قادر يغير القلوب..

دخلت ام نور _
بدل مقاعده كده ومش بتذاكري تعالي ساعديني فالمطبخ ولا عايزه  نعمه مرات الحج حامد تقول عليكي ست بيت خايبه..

نور _
مين قالك اني هتجوز عند. نعمه ولا هتجوز فالحاره دي اصلا..

ام نور _
هو خالد قالك انه هيجيباك شقه بره الحاره..