الدكتوره وكبير الحاره بقلم رحاب القاضي

وقف بسرعه وسأله _
مالها نور؟..

حامد _
اقعد وقولها تدخل تسلم ع حماها وعيلة جوزها الاول..

خالد _
مش وقته ي حج هشوفها عايزه اي و..

قاطعه حامد بزعيق _
ورحمة امك ي خالد لهتدخل وتقعد تفطر معانا كمان ولا احنا مش قد المقام..

ادايق خالد، وقال حامد ليوسف _
روح ي يوسف قول لخطيبة اخوك الحج حامد عايزك..

طلع يوسف وقال لنور، فقلقت نور هي من لما كانت عيله صغيره مدخلتش البيت ده..

نور _
انا مش هقدر ادخل متاخره ع محاضراتي، قول لخالد بس يجي..

يوسف _
ابويا حلف عليه انك لازم تدخلي، وبعدين متخافيش مش هناكلك ي نور..

ادايقت نور، بس دخلت ورا يوسف لجوه واول مدخلت بصتلها لبني ونعمه بغيظ..

حامد _
خير ي عروسة ايني مكسوفه تدخلي ولا اي؟..

اتوترت نور _

لا مش كده بس متأخره ع محاضراتي..

حامد _
مش مهم النهارده محاضراتك دي، اقعدي افطري معانا..

بصت نور لخالد اللي شاورلها تقعد، بس هي رفضت وقالت لحامد _
شكرا جدا ليك ي حج حامد بس اما مش جعانه..

وقف حامد وقالها _
وانا مسالتكيش انتي جعانه ولا لا انا قولتلك اقعدي افطري هتكسري كلمتي ي بت احمد..

مسك خالد ايد نور وقالها بهدوء _
اقعدي ي نور معلش..

اتنهدت نور وقعدت جنب خالد من غير متاكل ولا لقمه، حتي يوسف قعد تاني وهو قلقان من ان تحصل مشكله بين نور وحامد..

نعمه بسخريه _
افطري ي ختي شكلك مفترطيش، ولا ملقتيش فطار فبيتكم..

بص خالد لامرات ابوه بعصبيه ورد عليها _
نور مبتحبش تفطر ي مرات ابويا..

اتعصبت نور وقالت لخالد _
عايزاك فكلمتين ممكن..

حامد _

نور_
بعداذن حضرتك اكيد. سمعت خالد. لما قال اني مبحبش افطر وقعدت. عشان خاطرك بس انا اسفه مش هقدر اكل..

حامد _
عرف يربي احمد وعلمك طولت اللسان..

وقفت نور واتعصبت وردت عليه _
الحج احمد رباني احسن ربايه وهي اللي خلتني احترم حضرتك واقعد وانا مش عايزه اقعد..

وقفت وقالت _
بعد اذنكم مستنياك بره ي خالد..

وقف خالد ومشي وراها، فقامت لبني لما شافته طلع وراها وطلعت اوضتها وفضلت تبكي...

خبط يوسف ع الباب، فمسحت لبني دموعها وفتحت الباب..

لبني _