الدكتوره وكبير الحاره بقلم رحاب القاضي

نور _
طيب متزعلش ي عمر..

عمر _
لا متشغليش بالك ازعل ولا لا، المهم انتي تكوني مرتاحه..

مشي من قدامها وقال _
همشي عشان اتاخرت ع العياده سلام..

نور بضيق بعد. مهو مشي _
منك لاه ي خالد انت السبب، هضيع عريس لقطه مني بسببك ربنا ينتقم منك ويخلصني من همك ده..

_قامت وراحت حضرت محاضراتها وبعد مخلصت، راحت قابلت علا صحبتها وجارتها اللي فكلية التجاره..

علا _
بصراحه كده ي نور انتي بتغلطي..

نور _
بغلط فاي ان شاء الله؟..

علا_
الحاره كلها عارفه انك مخطوبه لخالد، وانتي مستنيه اقرب فرصه عشان تتجوزي عمر حرام انتي كده بتخدعي خالد..

نور_
يعني انا لو روحت لخالد وقالتله مش عايزاك هيسيبني فحالي؟..

علا_
لا عشان بيحبك والمثل بيقول خدي اللي يحبك ومتاخديش اللي تحبيه..

نور _
مثل غلط وعشان اطبقه اروح ارمي نفسي لخالد، افرض ده حصل واتجوزتو وخلفت منه عيالي لما يكبرو يقولولي انتي ازاي دكتوره وبابا جاهل..

علا بضيق _
انتي بتاعت مظاهر ي نور، وخالد اكتر واحد بيحبك ولو خسرتيه هتندمي جدا..

نور _
انا بفكر كويس فالمستقبل ي علا، المشكله بس دلوقتي فعمر لما يجي هيحصل اي؟..

علا _
ربنا يستر ده خالد مش بيتحمل حد يتكلم عليكي حتي لو ستات فمبالك يجيلك عريس..

اتنهدت. نور _
من لوقتها يحلها حلال..

علا _
بقولك اي تعالي نتغدي بره وبعدين نروح..

نور _
ماشي يلاا...

_فالحاره كان يوسف قاعد ع القهوه اللي قدام بيت نور، فشاف لبني معديه من قدامه، فقام بسرعه..

وقالها _
ع فين ي لبني؟..

لبني _
رايحه اجيب شوية حاجات من الصيداليه..

يوسف _
طيب مقولتيش لي كنت خليت حد. من العيال يجيبهم ويبعتهم ليكي...

لبني _
لا تسلم ي يوسف انا قولت انزل امشي رجلي شويه..

كان لسه هيرد بس جه ولد فسن لبني ويبقي ابن عمها ووقف قدامهم وهو بيبص ليوسف بعصبيه..

علي _
تعالي ي لبني عايزك فكلمتين...

وقف يوسف قدامها ورد عليه _
عايز اي ي علي قول اللي عندك..

علي _
انت اسمك لبني وانا معرفش، وبعدين عايز اقول كلمتين لبنت عمي اطلع براها انت..

لبني _
انا مش عايزه اتكلم معاك..