روايه مشاعر كامله

👈الحلقة الاولى👈( مشاعر)👇
الحجة زهرة ست فقيرة عايشة فى منطقة شعبية جوزها م١ت وسابها هى وبنتها مشاعر لوحدهم مكنش عندهم حد غير بعض
زهرة رفضت نتجوز عشان تربى بنتها كانت بتشتغل حجات كتير عشان تقدر تصرف عليها 
مشاعر كبرت ودخلت ثانوى عام زهرة فضلت تشتغل عشان تقدر تجيب مصاريف تعليم مشاعر وكانت بتتمنى ان بنتها تتعلم كويس وتبقى حاجة تفتخر بيها مشاعر كانت بنت جميلة جدا وكانت شاطرة فى دراستها

وفى يوم مشاعر الصبح اول لما صحيت من النوم طلعت تجرى على امها وباستها وقالتلها ادعيلى انا نازلة اجيب نتيجتى ادعيلى اجيب مجموع عالى وادخل كلية الهندسة الى نفسى فيها فامها خضنتها وقالتلها يارب يابنتى اشوفك أكبر مهندسة وافتخر بيكى مشاعر نزلت وراحت المدرسة وجابت نتيجتها وكانت فرحانة اوى ورجعت البيت وفضلت تستنى امها لما ترجع عشان تفرحها 
واول لما زهرة رجعت البيت مشاعر جرت عليها وقالتلها انا نجحت ياماما وجبت مجموع كبير يدخلنى هندسة زهرة اخدتها فى حضنها والفرحة مكانتش سيعاها وبعدين اخدت مشاعر فى حض-نها لحد لما نامت

زهرة فضلت تبص عليها وهى نايمة وقالت لنفسها انا هجيب مصاريف الكلية دى ازاى انا بشتغل خدامة فى البيوت وببيع مناديل وبمسح السلالم ومستعدة اعمل اى حاجة عشان اعلمك واشوفك مبسوطة

وفى يوم مشاعر كانت قاعدة بليل مستنية امها ترجع من الشغل وفضلت تقول لنفسها ماما بتشتغل من الصبح لحد بليل عشان تقدر تعلمنى بس انا عارفة ان مصاريف كلية الهندسة كتير ومستحيل هتقدر عليها انا لازم اشتغل انا كمان عشان اساعدها شوية فى المصاريف
ولما زهرة رجعت البيت مشاعر قالتلها ماما انا عاوزة اشتغل عشان اساعدك شوية فى المصاريف فزهرة قامت وقفت وبعدين قالتلها هو انا اشتكيتلك انا مش تعبانة من الشغل انا هفضل اشتغل لحد لما تتخرجى وتشتغلى بشهادتك وساعتها انا هبطل شغل وارتاح فمشاعر قالتلها انا عاوزة اساعدك المصاريف زادت عليكى اوى فزهرة مسحت على راسها وقالتلها عوزاكى تذاكرى وبس مش عاوزة حاجة تانية تشغلك عن دراستك
فمشاعر قالتلها فاضل شهرين على الدراسة انا هشتغل الشهرين دول بس واوعدك اول لما الدراسة تبدا هسيب
تحياتي لكم أصدقائي ومتابعين صفحتي احمد السفن

الشغل
فزهرة قالتلها ومين الى هيوافق انك تشتغلى عنده فى الاجازة وتسييى الشغل فى الدراسة فمشاعر قالتلها هدور واكيد هلاقى