اڼتقام الندى

تسعدها
ادرك صادق انها فهمت مقصده جيدا فسكت
فقالت سوسن الوو يا صادق بيه عموما ردك وصلنى حالا بسكوتك ده اكدت لى ظنونى
صادق ظنون ايه حضرتك
سوسن سرحت ثم قالت بتماسك عموما فكر فكلامى ولو عجبك الفيلا تحت امرك تنور وتشرف وكمان الخاتم الالماز اعتبره هديه محفوظة ومش هتلبسه الا لما تتاكد فعلا انك جدير بيها
صادق طب طمنينى على ندى هتيجى الشركة ولا لا
سوسن عموما هى كويسة بس افضل ترتاح شويه
صادق خلاص اللى تشوفيه حضرتك مع السلامه
سوسن الله يسلمك ياصادق بيه
واغلقت الخط
فى فيلا حامد اخذت سوسن تسترجع ذكرياتها مع فاطمة زوجه اخيها الراحله
فلاش باك 12 مايو 1996 فى الاسكندرية يرن الهاتف الارضى فى منزل سوسن فترد الوو ايوة ياحبيبتى اهلا اهلا يابطة وحشانى
فاطمة وانتى كمان وحشانى اكتر ياروحى وائل عامل ايه
سوسن_بخير يا حبيبتى ايه مش ناويه تخلصى شهر العسل وترجعوا مصر نفسى اجى ازوركو
فاطمة والله هيحصل يابطة ان شاء الله انا حتى زهقت ونفسى ارجع الفيلا فمصر
ثم تنهدت وسكتت
سوسن فيه ايه يافاطمة ساكته ليه طمنينى هو انتى وحامد اټخانقتوا ولا ايه ده دانتو لسه عرايس
فاطمة بضيق مفيش متشغليش بالك احنا بخير
وتتغير نبرات صوتها لتوشك بالبكاء
سوسن بانزعاج ايه يافاطمه فى ايه قلقتينى كده انتو هترجعوا امتى
فاطمة بعد بكرة بالكتير
سوسن طب تيجوا بالسلامة بلغينى امتى وانا يومين واكون عندك
انتهى حامد وزوجته من شهر العسل بالغردقة وعادا الى القاهرة وفى فيلا حامد بالقاهرة بعد الغداء جلست فاطمة وسوسن على انفراد فى الصالون قوليلى بقى يابطة ايه الحكاية.
فاطمة پاختناق صادق يا سوسن بيطاردنى
سوسن صادق ده كان زميلك فالكليه مش كده
فاطمة بضيق_ ايوة هو
سوسن طب مش انتى خلاص اتجوزتى ايه علاقته بيكى
فاطمة هو كان بيحبنى وعاوزنى قبل حامد مايتقدملى وبابا ماوافقش وانا كمان
سوسن اه وانتى فضلتى حامد عليه
فاطمة من ساعتها وهو بيكرهنى فحامد وبيشككنى فانه بيخوننى وعايزنى اتطلق منه باى طريقة ويتجوزنى هو
سوسن بانزعاج _ يادى المصېبة طب قولتى لحامد
فاطمة بارتباك لا طبعا مينفعش يعرف حاجة زى دى
سوسن طب كبرى دماغك من ناحيته ولا كأنك سمعتى منه حاجة هو حامد اخويا اه وانا عارفة انه كان له مغامرات قبل مايجوزك بس ربنا هداه بعد الجواز والبركه فيكى
فاطمة بانفعال مش هى دى المشكله المشكله انى لاقيته نازل ف الاوضة اللى جمبنا ف الفندق بتاع شهر العسل
سوسن بذهول يانهار اسود ده بجح اوى
فاطمة بصوت مخټنق وتنزل دموعها وبيتعمد يتصل بيا وانا لوحدى فالاوضة وعايزنى اروحله
سوسن ده اټجنن ولا ايه هو ناسى انك متجوزه
فاطمة باڼهيار لا هو

مش ناسى ان حامد خطفنى منه
سوسن ايه شغل الافلام الهندى ده
فاطمة انا خاېفة اضعف يا سوسن انا بحب حامد وهو بيحبنى
سوسن وانا واثقة من ده ياحبيبتى ربنا يسعدكم
فاطمة پبكاء وترتمى فى احضان سوسن اعمل ايه ياسوسن خلاص انا تعبت
سوسن تواسيها معلش ياحبيبتى ربنا ع المفترى
Back تجلس سوسن شارده عندما ينزل وائل ويجلس بجوارها ويقول القمر سرحان في ايه ويقترب منها ويدغدغ خصرها
سوسن بضحك الله ياواد بغير اوعى كده بطل دلع
وائل وهو يقبل خدودها بمرح ان مكنتش اتدلع عليكى ياست الكل هتدلع على مين
سوسن ربنا يخليك ليا ي حبيبى
وائل ها بقى مش هتقولى لى سرحانه ف ايه
سوسن ابدا افتكرت خالك ومراته الله يرحمهم
وائل الله يرحمهم ياامى ندى اخبارها ايه دلوقتى
سوسن الحمد لله احسن ياوائل
وائل خلى بالك منها كويس جدا ياامى انا متطمن انى مسافر وسايبك معاها
سوسن باستغراب انت اللى بتقول كده
وائل انا مش زعلان من ندى ولا بكرهها دى مهما كانت بنت خالى انا زعلان عليها بس مش اكتر
سوسن بضيق _ ياريت يابنى تفكر تانى فموضوع السفر ده
وائل بنبره حزينة انا خلاص قررت ابعد ياامى ومفيش رجعه فى القرار ده عن اذنك هكمل توظيب الشنط
سوسن احضتنته بحرارة ودموع على عينى فراقك يابنى ربنا يجعلك فكل خطوه سلامة
وائل وهو يمسح دموعه ايه ياست الكل ده السفر الاتنين والنهارده الجمعة يعنى انا قاعد معاكى ليلتين لسه عن اذنك ياماما
سوسن اتفضل ياحبيبى
فى فيلا صادق عبد الرؤوف كان جالسا فى مكتبه يفكر فى مكالمته مع سوسن عندما نزلت سما من غرفتها متجهه اليه فبحثت عنه فى الصاله ولم تجده فتوجهت الى غرفه المكتب فى مرح ودفعت الباب الجرار برفق واتجهت نحو ابيها ووضعت يدها امام عينيه من الخلف وهو سارحا وقالت بصوت رقيق انا مين
صادق اكيد حبيبه بابا وروحه وحياته سمسمة صح
سما صح يابابى وتعلقت بعنقه واخذت تقبله بحنان
صادق انا مش قد الدلع ده ياست سما بوس واحضان مش عادتك يعنى انتى مبتعمليش كده الا اذا كنتى عايزة فلوس قرى واعترفى عايزة تجددى credit card مش كده
سما بدلال لا مش كده دايما حضرتك ظالمنى يابابى
صادق بجديه ممزوجه بالحنان ماعاش اللى يظلمك يابنتى ولا يقدر حد يعملها وانا على وش الدنيا وحتى بعد مااموت
سما بعد الشړ عليك يابابى ربنا يديك طول العمر لغايه ماتشوف ولادنا انا وزياد
ثم يتنهد ويقول بحنان اقعدى يابنتى عاوزك فى كلمتين
سما تحت امرك يابابى وجلست مقابله ولاحظت شروده بعض الشىء
فقالت مالك يابابى سرحان فايه مش عادتك
صادق باسى انا اكتشفت ان العمر جرى بيا يابنتى وانى متمتعتش بحياتى او بمعنى اصح مش عايش بعد ما امك ماټت
سما sorry يابابى اللى شفته فى الحفله امبارح بيقول غير كده دانت كنت عريس الليله اكتر من زياد وكنت حاسه بالفرحة فعينيك ولو ان البنت الى حضرتك خطبتها دى مبتنزليش من زور
صادق بابتسامة بكرة تتعودى عليها زى ما انا تعودت
سما بحزن ونسيت الله يرحمها بسرعة كده
صادق بتأثر_ الله يرحمها ابدا انا عمرى مانسيت مها ده محبيتش حد زيها
سما نظرت له باستغراب غريبة!
صادق انا يابنتى فاواخر الاربعين ونفسى احس برجولتى مامتك سابتنى وانتو صغيرين وملحقتش احس بالمشاعر الحلوة اللى بيطلبها وبيعشها الراجل مع اى ست وكنت قربت انساها لغايه ماقابلت ندى
سما باستنكار انا مش فاهمة اللى عجب حضرتك فيها دى ادى فالسن تقريبا وحضرتك اكبر منها بكتيرعاوز تقنعنى انها حركت غرايزك المدفونه يعنى
صادق بمرح ممزوج بالحده عيب يابنت انتى بتكلمى باباكى ايه البجاحة دى
سما بابتسامه هو حضرتك نسيت انى اداب علم نفس ولا ايه والكلام ده عادى يابابى احنا ف 2018 وداخلين 2019
صادق معاكى حق يابنتى ندى حركت مشاعرى انا بقالى 15 سنه مشفتش ستات
سما يعنى عايز تفهمنى انك معملتش علاقة مع ست طول المده دى ولا حتى...
صادق بمرح ممزوج بالحده لا ده انتى زوتيها اوى لا احنا متفقناش على كده اخر التربية
الامريكانى
سما بمرح لا يا حبيبى ماقصدش اضايقك وبعدين مش حضرتك ادتنا الحرية الكاملة
صادق بس انتى فمصر ياسما مش فى امريكا والكلام ده خطړ يودى ف 60 داهيه
سما طب بلاش دى وجاوبنى بصراحة حبيت بجد
صادق بتنهد ويسرح قليلا ايوة يابنتى حبيت وانا قدك كده كنت طالب فالجامعة والبنات بيترموا تحت رجليا بس انا محبيتش غير واحده بس
سما احكى لى عنها
صادق بوله كانت احلى بنت فى الدنيا كانت النسمة لما تعدى تغير منها والشمس