جمعهما الحب
الله الله الله عاامر مرة واحدة عاش من شافك ياصاحبى خير ان شاء الله
عامر هو اللى بيشوف وشك يبقى جاى فى خير حرامى هكون جايله ليه علشان يوزع بلالين
وائل ايه ياعم براحة عليا وبعدين شغلانتى دى ليها سمعة هدى صوتك
عامر هههههه بلا سمعة بلا جمعة بقولك ايه انا عايزك معايا مشوار
وائل عينيا ياصاحبى بس مشوار ايه
تانى يوم فرحة كانت قاعدة على مكتبها وبتشوف شغلها لقت شريف قدامها وقالها ازيك ياانسة فرحة
فرحة باحترام الحمد لله يااستاذ شريف
بعدين شريف فضل شوية من غير كلام وكل شوية يمسح وشه بالمنديل من التوتر
فرحة استغربت وقالت خير يا استاذ شريف حضرتك عايزنى فى حاجة
فرحة طب اتفضل اقعد وقول ايه الموضوع ده طالما ليه علاقة بالشغل
شريف احم احم فى الحقيقة الموضوع مالوش علاقة بالشغل الموضوع شخصى شوية
فرحة استغربت ومعرفتش قصده وقبل ماترد سمعت
بدر ايه ياشريف سايب مكتبك ليه فى هناك زباين كتير
فرحة وهى مش فاهمة حاجة هزت راسها بنعم
بدر بغرور هاتى ملفات النهاردة على مكتبى وتعالى وسابها ومشى
فرحة وهى بتلم في الملفات قالت بتذمر جاتك ضړبة فى صباع رجلك الصغير
فرحة نعم حضرتك بتكلمنى انا
بدر يرفع احدى حاجبيه لا بكلم الهوا اللى وراكى هو فى حد هنا غيرك وانا مش عارف
فرحة بصوت واطى هو انا اقول كلمة يرد بعشرة
بدر بتقولى حاجة مسمعتش
فرحة بقول حاضر يافندم
فرحة وهى مش فاهمة حاجة نعم مبروك مبروك على ايه
بدر قال وهو لسه مبصلهاش على خطوبتك مع شريف باين عليه معجب بيكى
فرحة اتنرفزت من كلامه ولكن قالت لتغيظه بجد مكنتش اعرف وبعدين دى حاجة خاصة بيا ومش هاسمح لحد يتدخل فيها عن اذنك
بدر فرحة
بدر بغموض تتجوزينى
فرحة غمضت عينيها وفتحتها ايه انت قلت ايه
بدر بقولك تتجوزينى
فرحة انا مش موافقة يابشمهندس عن اذنك
بدر ببرود مستفز على فكرة انا مش باخد رايك انا بعرفك بس انا هاجى اطلبك وولى امرك هو اللى هيدينى الرد
فرحة اتنرفزت من كلامه وكانت عايزة تروح تديله بوكسين يظبطوه او تضربه بفازة على راسه يمكن يفقد الذاكرة ويتعدل شوية قالتله پغضب عن اذنك ومشيت
طلعت فرحة وقعدت على مكتبها وفضلت تفكر فى تصرفات بدر الغريبة حاسة انه يعرفها او بيحاول يوصل لحاجة قطع عليها صوت والدته صباح سلام عليكم
فرحة بادب وعليكم السلام اى خدمة يافندم
صباح بابتسامة باين عليكى جديدة هنا
فرحة وهى تبادلها الابسامة اه اانا متوظفة قريب حضرتك تؤمرينى بحاجة
صباح مش يؤمر عليكى ظالم يابنت انا والدة بدر
فرحة بدهشة بجد اهلا بحضرتك تشربى حاجة
صباح لا شكرا انتى اتخضيتى كده ليه
فرحة بعفوية اصل هو مش زيك خالص ده هو مغرور اوى وبار
بعدين حطت ايديها على بقها وقالت احم احم انا اسفة
صباح هههههههه متتاسفيش محصلش حاجة بس انت واخدة فكرة غلط عنه ده عمره ماكلم بنت ده بيتكسف اوى ده ادبه الزائد وكرمه طمع الناس فيه
طول لما صباح كانت بتتكلم فرحة كانت مبرئة وفاتحة بقها مش مصدقة كلامها وبعدين قالت فى نفسها القرد فى عين امه غزال بعدين قالت باستغرب حضرتك تقصدى الاستاذ بدر اللى قاعد جوه
وقبل ماتجاوب طلع بدر واتفاجأ ان والدته هنا راح ليها وباس اديها وقال لفرحة بادب من غير مايبصلها لو سمحتى ياانسة فرحة ممكن لو فاضية تقولى لعم عبده يجيب اتنين شاى
فرحة ببلاهة هزت راسها باه ومشيت وهى مستغربة قالت والله الرجل ده عنده انفصام فى الشخصية
كانت ورد فى رايحة الجامعة وهى فى الطريق عند المدخل لقت طفل بيبع اقلام ومناديل ومفيش حد بيشترى منه كله بيبصله نظرة تقزز وقرف ولما راح لواحدة وقرب منها وقالها مناديل يا ابلة زقته وقالتله ابعد احنا ناقصين قرف ايه اللى جايبكم هنا ووقع على الارض جريت ورد ناحيته وقومته ونفضت هدومه وبصت على عينيه لقتها مدمعة طبطبت عليه بحنبة ومسحت دموعه وقالتله ممكن اشترى قلم
الطفل بصلها بفرحة اه ممكن وبعدين فضل يوريها تاخدى النوع ده ولا ده
ورد بابتسامة حلوة وبعدين قالت زى ما تكون بتفكر اممم صراحة انا محتارة كلهم حلوين خلاص اختارلى انت خمسة
الطفل فرحته زادت وقال بصى خدى من كل نوع واحد
ورد قرصت خده وقالت فكرة كويسة باين عليك زكى انت فى
سنة كام
الطفل انا فى خمسة ابتدائى بس بساعد بابا وماما بحب اعتمد على نفسى
ورد سقفتله وقالت برافو انت كده بطل وباين عليك هتكون ناجح لما تكبر وهتكون مشهور اوى اووى وابقى اقول للناس انا عارفة الرجل المشهور ده
الطفل عينيه دمعت ومسحها بكمه وقال انتى طيبة اوى ياابلة مفيش حد قالى كده قبل كده كله بيحسسنى انى مش انسان
ورد مسحت عنيه تانى وقالتله لا يا حبيبى انت ربنا بيحبك وقدرك كبير اوى عند ربنا ومش تسمح لحد انه يقلل منك وخلى راسك دايما مرفوعة ولازم تفرح باباك ومامتك بيك وتنجح وتطلع الاول
الطفل حاضر ياابلة انا هنجح واشتغل علشان افرح اهلى وبعدين جاب قلم تانى وقالها خدى ده هدية منى
ورد وهى بتعمل روحها متفاجأة ايه ده انا اول مرة حد يجيبلى هدية انا هحتفظ بيه على طول علشان لما تبقى مشهور اخد توقيعك بيه يلا بقى ياحبيبى عايز حاجة
الطفل بابتسامة وكان كلامها اعاد الروح اليه لا
وبعدين مشيت وسمعته بينادى عليها تانى ابلة
لفت ليه وقالت نعم
قالها شكرا
ضحكت ليه ولوحتله بايديها وهو كمان كل ده وعمار شايفها شاف حنيتها وطيبة قلبها غار من الطفل وحسده لانها كلمته وطبطبت عليه كان عايز هو يكون مكان الطفل ده وابتسامتها اه ثم اه منها انها سهام تخترق الصدور لتتملك كل خلية فى الجسد قطع عليه تفكيره ياسر ايه ياعم اللى واخد عقلك
عمار اعمل فيك ايه مش قتللك كذا مرة اعمل صوت سلم كح يا اخى مش تخض الواحد كده
ياسر بشقاوة اخص عليك يامورى بقى انا حد يشوفنى ويتخض ده انا كيوت خالص
عمار مورى اختك الصغيرة وانا مش عارف امشى يالا من قدامى علشان مش فايقلك
ياسر ههههههههه خلاص ياعم قولى عملت ايه فى موضوعك
عمار رحت بيتها وطلبتها من والدتها بس قلبى مش مطمن خاېف اوى يا ياسر لامها ترفض ساعتها انا مش عارف هعمل اييه
ياسر ياعم سيبها على الله واتوكل وان شاء الله اللى فيه الخير يقدمه ربنا
عمار ونعم بالله
ياسر صحيح عملت ايه مع اهلك لسه رافضينك
عمار وهو يتنهد اه لسه انت لو شفت الضغط اللى عملوه عليا علشان ارجع مسيحى كنت صعبت عليك وجكاية اهلى دى كمان قلقانى لان والدة ورد لما تعرفها هترفض مش عارف
