رواية رائعة للكاتبة ياسمينا

دخلت الطوارئ وبعد الكشف عليها الدكتور خرج ل اخواتها .
هشام خير يا دكتور
الدكتور انتوا تقربولها ايه 
طه بعصبيته المعهوده هتفرق يعنى فى تقييمك للحاله 
هشام اهدى يا طه احنا اخواتها يا دكتور
الدكتور يؤسفنى اقولكم انها .......... وسكت
. طه وهشام اتثبتوا مكانهم وبصوا ل بعض والقلق باين عليهم .
هشام انها ايه يا دكتور 
الدكتور .......................
الدكتور يؤسفنى اقولكم انها .......... وسكت
. طه وهشام اتثبتوا مكانهم وبصوا ل بعض والقلق باين عليهم .
هشام انها ايه يا دكتور 
الدكتور انها جالها جلطه فى الرحم ومنعت الډم يوصل للجنين والجنين بيتغذي على الډم اللى بيوصله داخل الرحم وبناءا على كده الجنين ماټ
طه احسن
هشام بص ل طه بقرف وهى يا دكتور اخبارها
الدكتور هى فى غيبوبه
طه غيبوبه !! ليه
الدكتور عضويا احنا مش قادرين نعرف السبب يعنى هى معندهاش حاجه عضويه تؤدى الى غيبوبه
هشام قصد حضرتك ان السبب ممكن يكون نفسي
الدكتور ده السبب الوحيد المنطقى لكن مفيش اى حاجه عضويه
طه اوكى يا دكتور متشكرين جدا
الدكتور العفو ربنا يطمنكم عليها عن اذنكم ومشى
هشام انت معندكش ډم على فكرة
طه ليه يعنى 
هشام الراجل بيقولك ابن اختك ماټ وانها عندها جلطه تقوم تقوله احسن
طه انا مقولتش احسن انها جالها جلطه انا قصدى احسن ان الجنين ماټ
هشام وايه الاحسن فى كده
طه هى مش قالت انها عايزة تطلق ايه بقى يربطها ب طفل
هشام واحنا كنا عرفنا السبب اصلا مش ممكن حاجة تتلم ودى وميحصلش طلاق
طه هى اصلا تستاهل كسر رقبتها ياريتها كانت ماټت وارتحنا منها ومن فضايحها
هشام انا مش قولتلك من سنين وافق على اللى هى عايزه عملتلى فيلم هندى عشان متجوزهاش انس وتجوزها محى وكانت ايه النتيجه اطلقت من محى وراحت اتجوزت انس من ورانا ل ثقتها انك مش هتوافق
طه انت هتستعبط بقى هو كل من حب ومطالش ه يهد حياته ويبدأ حياة جديدة مع اللى كان بيحبه وبعدين كان ماله محى كان بيعاملها احس معامله واهى اتجوزت اللى حبته وبعد كام شهر طلبت الطلاق
هشام احنا برضه مش عارفين القصة ايه 
طه والنبى كفايه مش ناقصة الفلسفة بتاعتك دى دلوقتى
هشام اهم حاجة تقوم بالسلامه وبعدين نشوف هنعمل ايه
طه انا رايح الكافتريا اشرب قهوه ه تجى ولا قاعد هنا
هشام لا روح انت 
فى بيت انس وشيرين ...
. شيرين لمت هدومها وهدوم عيالها وماشيه .
انس انت رايحه فين يا شيرين
شيرين انا هروح بيت اهلى يا انس 
انس ليه طيب احنا مش اتفقنا انى هطلقها
شيرين لما تطلقها هبقى ارجع
انس يا شيرين انا عمال اعتذرلك كل شويه وانت مش عايزة تقبلى اعتذارى
شيرين بص يا انس انا عشت معاك خمس سنين لا ستة سنين انا نسيت ان عيد جوازنا كان اول امبارح كنت واثقة انك مبتحبنيش وانك عايش معايا عشان محمد ونانسي ومش معترضه اطلاقا وقررت انا كمان اضحى عشان خاطر ولادى قولت بيني وبين نفسى يعنى الراجل يضحى وانا لا وعشت معاك ونسيت انى ست وانثى وكمان دكتورة جردت نفسي من اى حاجة الا امومتى وفوق ده كله بقيت شغاله وكنت راضيه وبحمد ربنا لكن انت تروح تعيش حياتك عادى وانا حياتى وقفت اهو ده اللى مش هقبل بيه ابدا
انس انا عارف انى غلطت وانى ظلمتك بس ربنا بيسامح انت مش هتسامحى
شيرين انا مش ب قوة وعظمة وسماحة ربنا عشان اسامحك
انس طيب اديني فرصة اخيرة
شيرين انا فى بيت بابا يا انس لحد ما تخلص موضوعك ده وبعدها نتحاسب
انس يعنى ايه !! يعنى لو طلقت نورهان مش هتسامحيني
شيرين لا اكيد لسه ليا حق عندك هاخده
انس انا مش فاهم حاجة
شيرين ه تفهم لما تخلص موضوعك ده عن اذنك ومشيت
عند مستشار العلاقات الزوجيه 18...
. ممدوح وبهيرة قاعدين بره فى انتظار الدور .
بهيرة مالك يا ممدوح 
ممدوح انا محرج اوى يا بهيرة
بهيرة بص يا حبيبي هدخل انا ل الدكتور الاول احكيله كل حاجة بالتفصيل وبعدين انت تدخل يقولك

________________________________________
على طريقة العلاج 
ممدوح اشمعنى يعنى
بهيرة عشان متبقاش محرج وانت بتحكى
ممدوح مانا هبقى محرج وانا بسمع طريقة العلاج
بهيرة طيب يا ممدوح انا هسأله لو ينفع يقولى طريقة العلاج 
ممدوح يارب ينفع 
سكرتيرة مدام بهيرة سعيد
بهيرة ايوة 
سكرتيرة دور حضرتك
بهيرة ل ممدوح انا هدخل عشان خاطرى متمشيش
ممدوح حاضر
. ودخلت بهيرة .
بهيرة مساء الخير
الدكتور مساء النور اتفضلى
بهيرة شكرا 
الدكتور ايه مشكله حضرتك بقى
بهيرة لا لا انا معنديش اى مشكله ده جوزى
الدكتور ماله جوزك 
بهيرة جوزى مدمن افلام جنسيه بيشوفها بطريقة رهيبه والاخطر من كده انه بيبقى عايز يعيش اللى يشوفه بيطلب حاجات غريبة
الدكتور حاجات غريبة زى ايه 
بهيرة اتكسفت ووشها احمر ووطت دماغها
الدكتور معلش اديني مثال بسيط
بهيرة ممكن يطلب حاجة حرام او حاجة مقززة
الدكتور هو جوزك عارف انك جايه هنا
بهيرة هو موجود معايا بس اتحرج يدخل
الدكتور لا ياريت يدخل انا محتاج اشوفه
بهيرة اوكى ثوانى
. خرجت بهيرة ل ممدوح واقنعته ب طلوع الروح انه يدخل وبالفعل دخل واتكلم مع الدكتور شوية .
الدكتور بتشوف الافلام دى من امتى
ممدوح من زمان من ايام سن المراهقة تقريبا
الدكتور كنت بتشوفها ب معدل كام مرة فى الاسبوع
ممدوح زمان كان صعب اشوفها اكتر من مرة فى الاسبوع لان النت مكنش زى كده وكنا بقى بنشوف شرايط ڤيديو وكده ف تقريبا كل ما كان يتوفر شريط و ڤيديو ومكان
الدكتور وبعد انتشار النت
ممدوح ممكن مرة فى اليوم
الدكتور هل فى كل مرة كنت بتشوف فيها فيلم جنسي ب تقوم ب اداء العادة السرية
. ممدوح بص ل بهيرة وهو محرج ف الدكتور فهم الاجابه من نظره عينه ومسألش تانى .
الدكتور علاقتك مع مراتك طبيعيه بصرف النظر عن الطلبات الغريبة
ممدوح اه بتهيألى وبيبص ل بهيرة
بهيرة اه يا دكتور طبيعيه يعنى مفيش ضعف ولا برود
الدكتور تمام بص يا استاذ ممدوح مبدأيا كده تقريبا مفيش شاب مبيشوفش الافلام دى بس المفروض مع التقدم فى السن الاهتمامات بتختلف والشاب ممكن يشوف الافلام دى بس مش بنفس القوة واللهفة بتاعة زمان وهو لسه مراهق او جامع معندوش مسئوليات تمام
ممدوح تمام
الدكتور بس لو وصل للمرحلة دى لازم تتعالج الدكاترة النفسيين بيتعاملوا مع مدمن الافلام الچنسية انه لا يقل ضررا عن مدمن المخډرات او الكحوليات
ممدوح يعنى انا مدمن 
الدكتور بغض النظر عن المسميات دى حاجة وبقت للاسف منتشره ومش بين الرجاله بس لا كمان فى ستات بتدمن الافلام دى وهى اللى بتطلب الحاجات الغريبة
بهيرة باستغراب ستات !!
الدكتور بصي يا مدام خلينا نتفق ان مفيش اى حاجة حراام بين الزوجين الا اللى ربنا حرمه فى القرآن الكريم ما بقى ايا كان مش حرام لان مفيش حاجة ذكرت فى القرآن ولا السنه عنه
ممدوح ل بهيرة شوفتى
الدكتور بيبص ل ممدوح بس مينفعش اى حاجة تحصل بدون موافقة الطرف التانى والا يعتبر اڠتصاب يعنى لازم الطرف التانى يكون موافق وعايز كده زيك بالظبط غير كده مش من حقك تمارس معاها حاجة هى مش عيزاها
ممدوح بتوتر ايوة