رواية حصاد المر بقلم ډفنا عمر

روحي زي اخوكي غيري هدومك واغسلى أيدك كمان! 
بعد الغداء!
عصام بقولك ايه ياهند اعملي حسابك بكرة ظبطي أكل كويس لأني عزمت عادل صاحبي ومراته وولادهم على الغدا!
أتسعت عيناها بذهول نعم
أجاب ببرود هو ايه اللي نعم!! بقولك عامل عزومة بكرة هو مش من حقي أعزم الناس في بيتي ولا أيه

أتكلمنا والكلام جاب بعضه وقولتله مستنيك أيه المشكلة مش فاهم!
هتفت بضيق المشكلة إنك عارف يا عصام إن بكرة عليا الدور أروح لأمي وكمان محدش بيتعزم فجأة من حقي اعرف قبلها بوقت كافي عشان احضر البيت واقرر هطبخ أيه واجيب طلباتي بدري أجل العزومة دي يومين بس وأنا هعمل افضل وليمة وأشرفك!
قال باستنكار يعني أطلع عيل مع صاحبي عشان خاطر الهانم مراتي اللي مابقيتش فاضية لبيتها!
ماقولتش كده قوله إن المدام تعبانة وأجل بس العزومة يومين أكون رجعت من عند ماما وجيب كل لوازمها وحضرتها وظبطت البيت وهعملك والله وليمة تشرفك!
أجابها بعناد لأ مش هرجع في كلامي العزومة بكرة وخلي فريال تروح هي مكانك مرة من المرات الكتير اللي بتنوبي فيها عنها هي فاضية عنك وولادها كبار ومتجوزين وكل واحد عنده ست تخدمه وتخدمها كمان. أنتي اللي المفروض تراعي هي ظروفك شوية بس هقول أيه أختك أنانية!!
أنا ما اسمحلكش تقول كده على أختي يا عصام أنا وهي أحرار مع بعض! 
وأنا كمان حر وبستخدم حقي إني اعزم حد في بيتي وانتي لازم تعملي الي عليكي يامدام!
رمقته بنظرة مشبعة بالقهر وأجابت بنبرة مخټنقة حاضر. هتصرف!
تركها فتحررت عبراتها بصمت واستدعت كل طاقة داخلها كي يصمد جبل صبرهاولا ينهار برياح ڠضب تحاول تحجيمه فلو أطلقت له العنان لأخد بطريقه كل أستقرار باقي حتى اللحظة!
عبر الهاتف! 
عايدة أنا زهقت من حماتنا دي كنت عاملة حسابي إن دوري مش هايجي دلوقت مع أمها لقيتها بتتصل بخالد جوزي وتقوله خلي مراتك تجيب العيال وتروح لماما انهاردة عشان هند مش هتقدر تيجي!
رجاء معلش يادودو أهو يوم ويعدي وبعدين ياعبيطة ما قلنا احنا بنستفيد من وراها أنتي روحي اقعدي ساعتين تكوني عطيتها علاجها وغدتيها وتقومي مشغلة التليفزيون وسيبيها وأنزلي وتعالي على بيتك من غير ما حد يعرف واما حماتك تكلمك ولا جوزك قولي إنك هناك عندها وانتي ارتاحي ع الأخر واتفرجي على الهندي بتاعك وسيبي لحماتك العيال تأكلهم وتشربهم وانتي سلطانة في البيت!
عايدة ماشي خليها يطلع عينها مع عيالي وأنا هعمل بنصيحتك ساعتين وهسيب الكركوبة دي قدام التليفزيون هي هتحتاج أيه أكتر من كده!
مضى الوقت واستعدت عايدة للمغادرة بالفعل تاركة الأم فاطمة بمفردها!
فتمتمت لها قبل المغادرة أظن كده مش ناقصك حاجة أخدتي علاجك وأكلتي والتليفزيون أهو شغال يسليكي لحد بكرة الصبح ماتيجي يمنى مرات ابنك تستلم دورها. ثم ضحكت هاتفة
عيالك العبط فاكرين اختهم فريال بتيجي وتبات معاكي وتمشي قبل ما يجوا هما مايعرفوش إنها أصلا مابتجيش وبتبعتنا أحنا أشمعني دي اللي في عيالك طلعت ناقصة وجاحدة كده يا حجة فاطمة! 
يلا ادينا بنعمل اللي علينا وكله بثوابه!
لمع بتلك اللحظة خاتم الجدة حول إصبعها ببريق سطع بعين عايدة

فتمتمت پحقد لضميرها وملبسينك دهب كمان! على أيه مش عارفة بقى الخاتم الفخم ده يبقى في ايد كركوبة أيدها مكرمشة زيك وأنا ايدي الحلوة دي فاضية!!!! 
أقتربت رويدا رويدا بهيمنة من شيطانها وصدى صوته يوسوس بعقلها خديه يابت ومين هياخد باله! هيفتكروه وقع من إيدها وضاع!!!
وانتزعته رغما عن الأم فاطمة التي استنكرت بعينيها فعلتها المشينة وأطلقت همهمة اعتراض لم تهتم لها عايدة وعجزت الأم عن حماية خاتمها هدية ابنائها أحمد وهند! وأنحدرت عبرة بين ثنايا وجهها المجعد واشتكت حالها لخالقها! 
تعب شديد يسري بسائر جسدها بعد مغادرة ضيوف زوجها الذين أعدت لهم وليمة كبيرة وبذلت الكثير من الجهد بنظافة المنزل لجعله بشكل لائق!
أضجعت على فراشها لتنال قسطا يسير من النوم فالغد حافل بداية من روتين أبنائها الصباحي اليومي قبل ذهابهما للمدرسة ثم جلي صحون وطناجر العزيمة التي لم تقدر على جليها لإرهاقها وترتيب البيت ثانيا بعد خروج الجميع وتشغيل الغسالة على ملابس الصغار ثم تذهب لوالدتها كم تحتاج حضنها الآن تقسم داخلها لو ربتت عليها بتلك اللحظة لزالت كل آلامها كأنها لم تكن! من يمكن أن يشعر بها في هذا العالم سواها من يحبها وېخاف عليها مثلها! لا أحد! قطعا لا أحد يساوي حنان أم صادق!
هند هند أنتي لحقتي نمتي
تجاهلت صوت عصام جانبها واغلقت أجفانها ونظمت أنفاسها هي تحتاج غفوة ټدفن بها ڠضبها منه ستغفو حتى تعود لها القدرة على تحمل الواقع وأعباءه!
عبر الهاتف! 
يعني هتروحي لماما أنهاردة ياهند
أيوة يا أحمد محتاجة اقعد معاها شوية وحشتني
شعر بالكثير بصوتها فتسائل مالك يا حبيبتي صوتك مضايق أوي هو عصام اټخانق تاني معاكي
ألتوت شفتيها بتهكم وهل تخلف يوما عن إغضابها
لا يا أحمد اطمن أنا عشان ماروحتش لماما في دوري امباح مضايقة وعايزة اشوفها انت استغل النهار كله لو هتعمل حاجة وتعالى بالليل وبات مع ماما.!
استسلم لعزوفها عن البوح وهتف بمزاح منغمس بحنان ذكرى بعيدة بينهما حاضر ياروح أخوكي تحبي اجيبلك حاجة وانا جاي!
وأكمل حديثه دون إنتظار 
فاكرة يابت ياهنود أما كنت أجيبلك الشيكولاته رشوة عشان تكويلي قمصان الأسبوع كله!
ابتسمت لتلك الذكرى المطعمة بلمحة دلال أخيها 
وفاكرة أما كنا كل يوم نتخانق عشان ما كانش يحلى ليك الطلبات إلا وأنا بتفرج على اي فيلم أو مسلسل!
ضحك متمتما كنت بتردي تقوليلي أما يخلص الفيلم وأنا اقوم متعصب وطافي التليفزيون تحلفي ما هتعملي حاجة أقوم واخد الريموت نفسه وخارج!
أزدات ابتسامتها وهي تسبح بتلك الذكريات 
بس أنت كنت حنين يا أحمد كنت بترجع بعدها جايبلي حاجة بحبها وتقولي ماتزعليش!
أجاب وشفتيه تقاسمها نفس البسمة 
عبيطة من يومك ياهند ماهو كان في مقابل مش كنت بضحك عليكي واخليكي تكوي هدوم جديدة كنت بسټغلك عشان بكره المكوة

ومابعرفش لحد دلوقت أكوي حاجة!
وكأنه ذكر ما تحتاجه! فقط الحنان! 
نعم كانت تقدم له مقابل ولكن برضا! 
فرحتها بما ابتاعه لها كان يجعلها راضية! 
ليت عصام يفعل مثله ويعرف كيف يراضيها بأشياء شديدة البساطة لو فعلها لجنبهما معا شبح انفجار تشعر أنه بات وشيكا الضغط يزداد وهي ما عادت لديها القدرة الكافية لتصمد!
أنطلق صوتها ببهجة حقيقية 
ياحجوجة يا جميلة وحشتي هنودة!
أحتضنتها هند وقبلت رأسها هاتفة عاملة أيه يا طمطم وحشتيني اوي صدقيني اليوم اللي مش بشوف عيونك العسلي الحلوة دي بحس إن ناقصني كتير!! ثم واصلت بمرح 
هو أنا ليه يا ماما ما أخدتش جمال عنيكي ولون شعرك أكيد كنت اتغريت ع الأخر لأني كنت هكون أجمل بنت طلعت لأمها!
تبسمت الأم ببشاشة لحديث هند المحبب! 
فهتفت الأخيرة أنهاردة بقي هعملك أكلة بتحبيها بس بشكل صحي خالص وهدلعك أخر دلع ياطمطم
وهحميكي وأخليكي جشطة يا عسل نحل أنت
تنهدت الأم فاطمة وعيناها تدور على ملامح ابنتها وفاضت لها بسيل حنان شديد لمس قلب هند وجعلها تحيط براحتها وجه والدتها هاتفة بنبرة تختلف عن تلك التي اتسمت بالمرح منذ قليل تعرفي ياماما كان نفسي أوي امبارح تحضنيني كنت