رواية ممكن شيكولاته من دي كامله بقلم الكاتبة حسناء عطوان
-ملكش دعوة بيها وكلمني أنا، عامل ايه في مذاكرتَك؟
=الحمدلله، مش ناوية تيجي تعيشي معايا أنا وماما؟
-لأ، مقدرش اسيب المكان اللي عيشت فيه أنا وخالد، وبعدين مش احنا اتكلمنا في الموضوع ده أكتر من مرة، وبعدين روح معايا مش محسساني اني قاعدة لوحدي.
لأ، خليك في مذاكرتَك احسن، متشغلش بالك انت.
=عسولة أوي روح.
= مش قصدي والله، دي طفلة زي م قولتي، أنا آسف.
بلاش تلعب ببنات الناس وركز في مُذاكرتك.
يا ترىٰ خالد كان يقصُد ايه لما قالي هياخدوها منك؟ يا رب.
"عدىٰ حوالي ٣ شهور علىٰ ظهور روح في حياتي، هي روح فعلًا، محستش أبدًا إني وحيدة، رجعتلي روحي من جديد، فعلًا زي ما خالد قالي في الحلم هي عوض ربنا ليا، فجأة سمعت صوت موبايلي بيرن"
ألف مبروك يا حبيبي، عقبال التخرج. هجيلك كمان شوية وهجيب معايا الهدية اللي وعدتَك بيها.
= هاتي روح معاكِ.
-انت مش ملاحظ انك بقيت مُهتم أوي بروح.
= أنا بقولك جبيها معاكِ وبس.
~ماما مش هتاخديني فين؟
مفيش حاجة يا روح..
=طيب كنتِ بتكلمي مين؟
مفيش كنت بكلم أدهم ونجح.
= هيدخُل هندسة صح؟
-عرفتي منين انه عاوز يدخل هندسة؟
=مهو قالي قبل كده انه هيدخل هندسة علشان يتجوزني لما اكبر، هو أنا هكبر امتىٰ؟
-ايه! قالك كده امتىٰ.
=لما كنا عند تيتة هو قالي كده.
متتكلميش معاه تاني فاهمة، اتفضلي ادخلي اوضتك.
= هتضربيني؟
مش هضريك اتفضلي ادخلي اوضتك.
اللي عنده قولته خلاص، محدش هياخد روح مني يا ماما.
= يا بنتي انا خايفة عليكِ.
خالد كان عنده حق لما قالي هيودوها الجحيم، أنا دلوقتِ عرفت هو كان يقصُد مين.
=خالد! وقالك! انت بجد اتهبلتي، أنا استحالة اسيبك لدماغِك دي.
-اعملي اللي انتِ عاوزاه، أنا قررت خلاص.
"بعد مرور ١٠ سنين"
-ماماااااااااااااا....أنا جيت.
= روح، يلا ادخلي اغسلي ايدك وتعالي علشان نحط الغدا سوا.
