رواية ضريبة العشق
صحت غزل من النوم وهي بتفرك عينها، بصت جمبها لقت مفيش حد على السرير، قامت وعدلت نفسها وهي بتتمطع بتعب وهي بتقول: نِذار
قالت كده وهي بتدور عليه بعيونها في الاوضه، قامت من على السرير وبدأت تدور عليه في الشقه كُلها بس ملقتهوش فخافِت أكتر وهي بتقول بقلق: يا ربنا... انا معرفش حد هِنا
جرس الباب رن فلوت بوزها وهي بتقول بعصبيه: ما يفتح إبن التِ"لمه ده
راحت ناحيه الباب وفتحت وشعرها منعكش وهي لسه لابسه القميص بتاعه بس، ولما فتحت لقت شاب طويل متعرفوش و...
يتبع...
لقت راجل قُدامها وهي لابسه القم"يص بتاع نِذار وهو مف"توح، فقفلت الباب بسرعه وهي بتقول بعصبيه: أنت مين يا أفندي أنت ؟
الراجل: يا مدام نِذار بيه بعتلك شويه هدوم.. إفتحي لو سمحت
غزل بصوت عالي من ورا الباب: سيب اللبس قدام الباب وأنزل
الراجل بطاعه: حاضر يا مدام غزل
بصت غزل من العين السحريه لقيته نزل، فتحت الباب وأخدت الهدوم وبدأت تشوفها، كلها بيچامات وقم"صان نوم وبلوزات وتشيرتات ألوان وأشكال، وبناطيل چينس
أخدت غزل بيچامه موڤ ولبستها وقعدت فتره كبيره من غير أكل وهي ضامه نفسها جمب الشباك، وهي بتبص بخوف على الناس.. ملامحهم غريبه عنها، شكلهم غريب ومرعب بالنسبه ليها، كلهم لابسين طواقي وعاملين دقنهم الطويله ضفاير وشعرهم كذلك، فضلت تدقق فيهم لحد ما واحد منهم بص عليها، خافت وحست برعشه في جسمها وهي سامعه نِذار بينادي عليها من بره
بقلم #هنا_سلامه #عشاق_الروايات.
نِذار بصوت عالي: غزل.. يا غزل
طلعت غزل ليه وهي بتبص لملامحه بتوهان، ملامحه مصريه عربيه، فيها كتير من ملامحها وملامح أهلها، الملامح الوحيده الي بتحسسها بالأمان في إ"سر"ائي"ل هي ملامحه، جريت عليه وحض"نته بعزم ما فيها وهو غمض عينه وهو بيسند دقنه على كتفها وقال بحنان: مالك ؟ مالك يا غزاله
بعدت عن حض"نه وهي بتمسح دموعها وقالت بربكه: مفيش.. بس كنت خايفه لأني حاسه أني لوحدي هِنا
مسك دراعاتها وقال: غزل، طول ما أنا موجود أنت مش لوحدك
عيونها دمعت وهي بتبعد عنها وقالت بآلم: بس أنت زيهم.. أنا بحس وأنا معاك أني بخ"ون أهلي وبلدي.. أنت بتد"مرني ليه ؟؟ ليه هاااا ؟
قعد على الكرسي وقال بتعب: غزل أنا مش قادر أتكلم دلوقتي.. اللبس الي ميشيل جابه عجبك ؟
قلبت عينها وقالت بقرف: أه كويس.. بس.. بس
قالت آخر جملتها بربكه فقال بإستغراب: في إيه ؟
فركت إيدها بخجل وقالت: عاوزه أنزل أجيب حاجات خاصه بيا
غم"ز نِذار وقال: تمام معنديش مشكله يا غزاله هانِم، كُلي أي حاجه وخدي الكريديت كارت بتاعي وأنزلي
قال كده وهو بيق"لع الچاكيت بتاعه فمسكت دراعه وقالت: لا مش هعرف أنزل هنا لوحدي.. تعالى معايا
بقلم #هنا_سلامه. #الزعيمه.
