رواية رجولة أستاذ.

محتاجه حد معاها واتمنت وجود امانى معاه وده مخلهاش تتنازل او تفكر حتى تاخد رأى طاارق
جوه عربيه طارق اشتغلت اغنيه ولقى طارق نفسه بيبص لفريده وهو بيضحك وبيردد كلام الاغنيه
طارق عندى سؤال وجوابنى عليه انت بتعمل فيا انا ايه احساس عمرى ما حسيت بيه غير وانا وياك
استغربت فريده من طريقه طارق فى الغنا وموبايلها رن
فريده ممكن توطى لو سمحت عاوزه ارد
طارق حاضر
فريده اسمع
طارق عيونى
فريده اسكت اوعى تنطق بكلمه
طارق حاضر اوامر تانيه
فريده لا الو
فريده انا ف الشغل يا طه
سمع طارق الاسم واضايق وحاول بكل الطرق انه يتوقع انه اخوها ابوها اى حد يشوفها بنظره غير نظرته ليها
فريده حاضر يا طه حاضر
بعد الجمله دى اتاكد طارق انه اكيد اخوها
فريده ممممم خلاص حاضر ساعه وهكون عندك لالا متجيش انا هاجى مش هينفع ماشى ماشى سلام
فريده ممكن توصلنى بسرعه لجامعه عين شمس وتروح توصل الحاجات دى ع الفيلا
طارق ممم هعمل كده علشان خاطركبس قوليلى
فريده نعم
طارق هو انتى كنتى بتكلمى مين
فريده ده خطيبى
وقف طارق العربيه فجأه ڠصب عنه وكل علامات الزعل على وشه
طارق خطيبك
فريده اها هو
حس طارق من فريده بنبره عدم فرحه فى كلامها
طارق هو انتى مش لابسه دبله ليه
فريده ابدا اصل احنا قريين فاتحه وبس يعنى وبعدين الكلام ده من يومين
طارق هو انا نحس اوى كده
فريده بتقول حاجه
طارق هو انتى فيه حاجه مضيقاكى
فريده لالا ممكن تودينى الجامعه
اتاكد طارق بخبرته ان فريده مش قابله الخطوبه وان فيه سبب
طارق اوامرك
دخلت فريده الجامعه وطارق بيرقبها بكل لهفه واختفت فريده عن عينه دخلت فريده وشافت طه قاعد وهو مكشر
طه كنتى فين يا هانم
فريده كنت فى الشغل يا طه فيه ايه 
طه انتى اللى تقولى فيه ايه 
فريده انا مش فاهمه منك حاجه ومش هفهم طول ما انت بتتكلم بالشكل ده
طه انا خطيبك يا فريده ولازم تسمعى كلامى
فريده وانا خطيبتك ولازم تسمعنى
طه اتكلمى
فريده انت عاوز ايه دلوقت 
طه عاوز اعرف كنتى فين
فريده انا كنت فى الشغل يا طه
طه واحنا مش كنا متفقين اننا نبقى سوا وتورينى المكان
فريده اه ده بعدين انما مش هدخل اقول لاصحاب الشغل انا وخطيبى
طه والمفروض انى معرفش خطيبتى فين 
فريده بس انت اتصلت وانا رديت عليك وجيتلك فى سعاتها وتعالى وصلنى علشان تعرف المكان كمان طلبات تانيه
اتحرج طه من طريقه فريده المقنعه وانها فعلا مغلطتش بس هو جبروته كراجل وشخصيته سيطرت عليه
طه بس برضوا انتى لازم تعتذرى
فريده اعتذر عن ايه
طه لانك غلطتى
فريده ف ايه طيب
طه انا قولت تعتذرى
فريده بس انا فعلا مش غلطت والله
طه انا هقوم 
فريده مش هتيجى معايا
طه لا ومش هقبل اى حاجه قبل ما تعتذرى
فريده طب خلاص اقعد متزعلش حقك عليا يا طه
قعد طه والابتسامه اترسمت ع كل وش واتغير اسلوبه نهائى فى الكلام
طه انا خاېف عليكى يا فريده
محستش فريده بكلمه طه وقامت
فريده يالا يا طه بقى علشان تروحنى
طه ماشى يالا بينا
حسن خرج من عند باباه بعد حوار من طرف واحد
جومانا انت كل ده جوه تعالى عاوز اقولك حاجه
حسن قولى حاجتين تلاته
جومانا انتوا جبتوا البنت دى منين
حسن ابدا دى طارق اللى جبهالى
اتغيرت ملامح جومانا
جومانا طارق 
حسن مستغربة ليه
جومانا لالا مش مستغربه بس طارق هيعرفها منين 
حسن انا معرفش
جومانا بس انا مش عارفه ليه حساها مش مناسبه يا بيبى
حسن ليه انتى متكلمتيش معاها
جومانا شكلها كده
حسن لو ع شكلها فطارق بيقوم بالواجب دلوقت وهيغيرها خالص انا مش هجيب اى حد برضوا
جومانا ودى بتعرف تتعامل دى
حسن انا لما شوفتها من كسوفها ولماضتها قولت زيك بس لما اتكلمت معاها بصراحه غيرت رأئى هى مثقفه جدا ولبقه وفاهمه كمان هتعمل ايه
جومانا كل ده
حسن مممممم لما تيجى اتكلمى معاها وهتعرفى
دخلت فريده الفيلا بعد ما طه وصلها وعرف المكان خاڤت فريده اكتر من اول مره دخلت فيها هنا واللى زاد خۏفها نظره جومانا اللى ملامحها بتتشكل بسرعه رهيبه لاى احساس جواها ع اكمل وجهه لدرجه تظن فيها ان الملامح خلقت للشړ و فى حين اخر للخير والدلال نزلت جومانا من ع السلم وفريده نفسها السلالم متخلصش والسلالم بتتعلق بجومانا زياده وبتبطىء من خطواطها السريعه
جومانا انتى 
فريده حضرتك تقصدينى انا
جومانا اظن مفيش حد هنا غيرك
بتتحرج فريده وبتكمل جومانا كلامها
جومانا انتى خريجه ايه 
فريده انا لسه طالبه 
جومانا كمان
فريده اها الاستاذ حسن عارف
جومانا كنتى مع طارق فين 
فريده انا وطارق كنا بنشترى لبس زى ما استاذ حسن طلب
جومانا طارق اسمه استاذ طارق
فريده مممممم يا فندم طارق معندوش مانع انى اقوله كده حضرتك معترضه ليه
اتحرجت جومانا من كلام فريده وجرأتها
جومانا انتى بتردى عليا
فريده حضرتك سألتى يبقى لازم ارد يا اما يبقى

من قله الادب وعدم الذوق مردش
جومانا عموما انا ليا كلام تانى مع حسن
فريده بعد اذن حضرتك يا فندم انا طالعه لسالم بيه
دخلت فريده لاوضه سالم اول ما دخلت قالت السلام مع انها عارفه ان محدش هيرد
فريده انا عارفه انا حضرتك مش هترد بس انا بقول السلام لان ربنا محاوطك بالملايكه واكيد بيردوا انا فريده فى كليه اداب هقعد ما حضرتك ع طول مش هقولك اعتبرنى حاجه ..امممم انا رغايه شويه صح بس ده مش معناه انى هسكت يعنى بس ع الاقل انا هسيب حضرتك ترتاح دلوقت وهروح اشوف اوضتى واجيلك هقرالك كل حاجه بتحبها وهنسمع مزيكا سوا
حسن سامع كل ده وابتسم لكلام فريده وتلقائيتها وحس ان في امل..خرجت فريده من الاوضعه لابتسامه حسن واتخضت اول ما شافته
حسن عرفتى اوضتك
فريده ايون يا فندم
حسن مالك اتخضيتى كده ليه
فريده خالص انا اټخضيت ده انت فزعتنى
ضحك حسن بصوت عالى وطلعت جومانا ع صوته وهى بتبصله باستغراب
جومانا خير يا بيبى ضحكونى معاكوا
حسن تعالى بس هقولك اتفضلى يا فريده ع اوضتك
جومانا انا مش مرتاحة للبنت دى يا حسن
حسن ليه بس حرام عليكى
جومانا انت بتدافع عنها كمان
حسن انا مدفعتش بس مش ضدها نهائى وبصراحه مش هقدر استغنى عنها دى الوحيده اللى جت وانا شافيها مناسبه اوى
جومانا وايه حكايه طارق ده كمان اللى رايح جاى معاها
حسن لالا ده انا اللى كنت طالب منه كده وكل واحد بعد كده فى شغله وبعدين هما حرين يعنى
جومانا انا بس علشان ده مش يأثر ع شغلها عند انكل
حسن عندك حق هاخد بالى بعد كده
جومانا بحبك يا بيبى
حسن وانا بمۏت فيكى
قعد طارق فى بيته بيفكر فى فريده وهو مش عارف ليه ايه اللى بيشده للبنت دى ع الرغم من انها عاديه بالنسبه للبنات اللى عرفها او اللى لسه هيعرفها ايه فيها مميز يمكن لانها عاديه هو ده اهم ما يميزها ومسك موبايله وقرر يكلمها بدون ادنى مقاومه لعقله اللى خلاه يفكر فى كده...مسك طارق الموبايل وجاب اسم فريده ومن غير تردد اتكلم ع طول ومن غير حتى ما يخطط هيقولها ايه
شافت فريده نمره طارق ع الموبايل اللى مهتمتش تسجلها عكس ما حفر طارق اسم فريده ع قلبه قبل الموبايل
فريده الو
طارق ازيك
فريده طارق
طارق ايوه بقى وعرفتى صوتى كمان انا عارف انك معجبه بيا من زمان
بتضحك فريده