رواية عوالم خفية بقلم ياسر عوده

يساعده تعرف اكتر حاجه هو بيتمناها انه ياخد فرصه تانيه وانه ميبقاش نفسه بس غروره وتكبره هو اللى وصله للى هو فيه .
شهاب انت ازاى مابتخفش منه 
ابتسم بركات هو لما يكون معاك اللى فوق العرش هيفرق معاك اللى ساكن في الارض .
شهاب ازاى ابقى زيك 
بركات مش يمكن تكون احسن منى 
شهاب ازاى بس .
بركات محدش يعرف مكانتنا ايه عند صاحب العرش .
شهاب صحيح سمار كان قالى ان اسمى منهم وانا مش فاهم يقصد ايه 
ابتسم بركات وقاله يهمك تعرف ده في ايه هيفيدك بايه 
شهاب يعنى كلامه صح 
بركات الله اعلم بس اللى احنا نعرفه ان في واحد اسمه شهاب راح للمصطفى ص ولما عرف ان اسمه شهاب قاله بل انت هشام وغير اسمه في ناس فسروها ان اسم شهاب من اسامى الجن الشياطين وده مش اكيد .

شهاب وانا كمان هغير اسمى من النهارده .
ابتسم بركات وقاله المهم تغير اللى في قلبك .
شهاب خلينى معاك يا سيدنا .
بركات انا قولتلك انا مش سيد حد .
شهاب طيب خلينى معاك .
بركات خليك مفيش مشاكل .
شهاب علمنى حاجه اقولها يا شخنا 
بركات قول الحمد لله .
شهاب الحمد لله بس كده 
بركات ايوه الحمد لله بس دى تفتح ابواب وتقفل ابواب واضب انت بس عليها وقول الحمد لله .
شهاب الحمد لله الحمد لله الحمد لله .
نسيب بركات ومعاه شهاب ونروح لمكان غريب كهف من الكهوف في مكان ما يعلمه الا الله هناك هنلاقى سمار وهو مرمى على الارض في حاله اعياء شديد وقدامه ولهان واقف ڠضبان وبيسأله ايه اللى حصلك يا سمار مين عمل فيك كده 
سمار واحد غريب يا ابويا معرفش ظهر منين شكله مجذوب او شحات .
ولهاب پغضب مجذوب يعمل فيك كل ده انت اټجننت يا سمار 
اذكر الله وصلى على الحبيب .
سمار ماتستهنش بيه يا ولهان ده مش انسان عادى لما دخلت جواه شفت اللى عمر ما شفته طول حياتى .
ولهان شفت ايه يا سمار 
ولهان شفت نور نور من شدته كان بيحرقنى يا ولهان .
ولهان وهو مصډوم اللى انت بتقوله ده مستحيل اللى زى ده انتهو من زمان مبقاش في بنى ادمين دلوقتى جواهم نور كل اللى موجود دلوقتى جواهم حقد وغل كراهيه وظلم وجشع انما اللى انت بتقول عليهم انقرضو من زمان .
سمار صدقنى يا ولهان ده حقيقى وموجود .
ولهان عرفنى مكانه فين وهثبتلك انك ضعيف وان مفيش بنى ادمين جواهم نور .
سمار كان في حاله اعياء شديده بس راح مع ولهان لمكان بركات وشهاب الاتنين كانو لسه جوه مسجد السيده زينب ووقف ولهان وسمار خارج المسجد وهنا سمار قاله جوه مع شهاب يا ولهان .
ولهان قاله خليك هنا واستنى وهعرفك هعمل فيهم ايه .
لو بصينا في المسجد هنلاقى ان بركات واقف بيصل ركعتين لله وكمان شهاب واقف يصلى بعد بركات بكام خطوه ركعتين وفجأه وشهاب واقف دخل جواه ولهان وسعتها امره ولهان انه يخرج بره المسجد .
شهاب ساب الصلاه ورجع باتجاه باب المسجد علشان يخرج وهو ماشى ومعدى جنب بركات اللى كان ساجد ومش شايفه وفجأه ولهان لقى ان شهاب وقف في الاول افتكر انه عصى امره ووقف بإرادته بس في لحظات اكتشف الحقيقه اكتشف ان شهاب وقف وهو مش قادر يحركه لان في حد ماسك رجل شهاب ايوه اللى بتفكرو فيه صح بركات وهو ساجد ومكمل صلاته وبايده اليمين ماسك رجل شهاب اليمين ماسكه من قصبه رجله ورغم انه مش ماسكها بقوه بس ولهان حس ان رجل شهاب متسلسله بسلاسل حديد وولهان مش قادر يحركها نهائى .
رفع بركات راسه من السجود وقعد يقول التشاهد الاخير وسلم وبعد كده نظر بركات لشهاب وقاله اخرج من بيت ربنا بدل ما احرقك دلوقتى يا لعين .
طبعا بركات كان بيكلم اللى جوه شهاب وفعلا ولهان حس بايد بركات وهو ماسك رجل شهاب حس نفسه كانه هيتحرق وسعتها ولهان قاله مستنيك بره .
وخرج ولهان من جسد شهاب وخرج بره المسجد .
شهاب اغمى عليه على الفور وبعد ما اطمأن بركات عليه سابه وخرج ل ولهان .
بركات وقف قدام ولهان وكان شايفه وقاله ابعد عن شهاب وحذارى تقرب منه تانى انت فاهم يا لعين .
ولهان وايه اللى يخلينى اسمع كلامك .
سعتها قرب بركات اوى من ولهان وقاله علشان لو مسمعتش كلامى هعملك عبره لكل عشرتك من الجن .
ولهان شاف في عيون بركات ثقه وصدق مشفهاش قبل كده بس غروره خلاه يحاول يجرب مع بركات وفعلا حاول ولهان يلبس بركات وكانت نتيجه الموضوع نفس نتيجه سمار قبل كده وخرج ولهان من جسد بركات وهو كله حروقات وسعتها عرف ولهان انه مايقدرش يقف قدام بركات وهرب ولهان زى سمار من قبله .
ومن اللحظه ديه
مظهرش سمار او ولهان في حيات شهاب اللى فضل باقى حياته يواضب على الكلمتين اللى علمهمله بركات اللى هما الحمد لله .
عاش شهاب باسم هشام وبعد عن كل حاجه بعد عن ميراثه اللى عرف مصدره من مساعده ولهان لابوه الحاج رضوان وبقى يعرف اخبار اخواته من بعيد وعاش حياته بيحمد ربنا على اللى عايش فيه .