رواية عوالم خفية بقلم ياسر عوده
حدد ده سمار هو اللى حدد مين اول واحد ينتقم منه شهاب وصالح مكنش راجل كويس ودوغرى لا كان ليه افعال مشينه يعنى كان بيحاول يسرق فلوس من الشركه بطرق ملتويه شويه يعنى مثلا كان بيتلاعب بالفواتير اللى خرجه من الشركه زى الحاجه ام الف جنيه يخليها الف ونصف مثلا كان بيكسب مبالغ مش كبيره بس بردو كان اسمها سرقه
كان ممكن اسماعيل يفوت موضوع ان جوز اخته سرق 20 الف جنيه بس طبعا مستحيل يقبل انه يسيب جوز اخته يسرق منه 20 مليون .
وبعد ما حكى اسماعيل السرقه اللى حصلت للى كانو قاعدين وسعتها وجه كلامه ل صالح وقاله انت يا صالح سړقت من شركتى 20 مليون جنيه .
صالح بعصبيه محصلش احلفك على المصحف انى مخدش الفلوس دى .
صالح انا جوز اختك يا اسماعيل هتصدق واحد غريب وتكدبنى اكيد الورق ده مزور .
اسماعيل رجع الفلوس يا صالح بالذوق .
صالح اجيب منين المبلغ ده
اسماعيل كده يبقى حكمت على نفسك بالسجن يا صالح طول عمرك .
اسماعيل كان محضر شيكات وطلب من صالح انه يمضى عليها كان طبيعى ان صالح يرفض بس اسماعيل كان عامل حسابه وهدده بالسلاح انه هيقتله لو ممضاش .
صالح وقف قدام حوريه وقالها انا جوزك يا حوريه انا مسرقتش اللى بيقول عليه متسبيش اخوكى يعمل فيا كده يا حببتى .
حوريه كان لازم اعرف ان ده هيحصل انا مقدرش اعملك حاجه يا صالح مقدرش اقف قدام اخويا اسماعيل لو كنت قدرت اقف قدامه لما طرد اخونا شهاب سعتها يمكن الوضع اختلف دلوقتى لازم كلنا هندفع تمن اللى حصل اخونا شهاب محدش يعرفله مكان ذنبه هندفع تمنه كلنا واهى ابتدت بيك ويا عالم هتنتهى بمين .
رغم ان شهاب شفى غليله من اللى شافه قدام عيونه بس كانت جواه حاجه مش مريحاه هو فعلا صالح غلط بس العقاپ كان كبير اوى اكبر من الغلط اللى عمله انه يقضى باقى عمره في السچن عقاپ كبير اوى .
اذا عجبك الجزء ادعيلى وجزاكم الله عنى خيرا .
توقفنا فى الجزء السابق لما اسماعيل سجن صالح بسبب السرقه اللى حصلت رغم انه مسرقش المبلغ كله اللى شهاب قدم ورقه ل اسماعيل .
اذكر الله وصلى على الحبيب .
كل اللى حصل ده كان مجرد بدايه واللى جاى اكيد اصعب بكتير من اللى فات .
تانى واحد جه عليه الاڼتقام كان صابر يمكن صابر مكنش عمل ذنب كبير كل ذنبه تردده وضعف شخصيته بس ده طبيعه شخصيته يعمل ايه يعنى احنا مش بنبررله بس بنوضح حاجه قبل ما نتكلم على اللى حصله وانتم هتحكمو ه يستاهل ده او لا .
صابر كان متجوز طبعا بس ربنا مكرمهوش وخلف راح هو ومراته هيام لاطباء كتير اوى بس كلهم كان ليهم نفس الرد ان مراته هيام مستحيل تخلف وتبقى ام .
أي واحد مكانه كان ممكن يفكر انه يتجوز وحده تانيه بس هو كان بيحب هيام پجنون بيعشقها بكل ما تحملها الكلمه من معانى علشان كده كان عنده استعداد يضحى باى حاجه مقابل انه يفضل معاها لدرجه انه مستعد يتخلى عن كل اهله حتى ويعيش فقير بس يعيش جنب مراته .
كل اول شهر كان صابر متعود يروح للشركه بتاعت اسماعيل ياخد المرتب الشهرى بتاعه من ورث ابوه طبعا كل حاجه كانت باسم اسماعيل زى ما احنا كنا عرفين بس اسماعيل كان ملزم يقدم مبلغ كبير كل شهر لاخواته وعلشان المبلغ الشهرى ده كان ضخم فاخوات اسماعيل كانو رضين ومنهم صابر طبعا .
صابر كان بيروح الشركه وياخد فلوسه بتاعت كل شهر من اسماعيل ولما راح الشركه كان اسماعيل خرج راح مشوار
