تكملة هتتجوزيه غصب عنك علشان نخلصو من التار ده

سميحه: خد مرتك واطلع ولينا كلام الصبح
زين خدها وطلع
فرح بغضب: انت كنت فين يا استاذ مش سائل في الكلب*ه اللي متجوزها لا وكمان مبترودش
زين بحده: قولتلك مسمعتش ايه مبتفهميش
فرح: مبفهمش تمام وسابته ودخلت الحمام
طلعت وراحت نامت علي الكنبه وهو خلص وشالها ونام علي السرير
زين: بلاش شغل عيال احنا متخانقين بس متنميش بعيد عني سامعه ودي اخر مره هقولهالك الباب خبط

مصطفي: احم زين معلش انا عايزك
زين: مينفعش بكره يا مصطفي
مصطفي: لو سمحت يا زين
زين قام لبس ونزل معاه قعدو في الجنيه

مصطفي: بص يا زين بصراحه انا بحب ريم وسكت شويه وقال: وعايز اتجوزها
زين: وريم رأيها ايه
مصطفي: ابقي اسألها
زين حضنه: انا مش هلاقي زيك يا مصطفي والله وانا هسألها وهقولك
مصطفي بفرحه: ماشي يا حبيبي اطلع نام معلش قلقت نومك

زين بضحك: لا وانت الصادق كنت هتخانق لسه
ضحكو الاتنين وطلعو زين خد فرح في حضنه ونام

الحلقة الخامسة عشر

الصبح قامو ونزلو
زين: ريم مصطفي طالب يدك رأيك ايه
جدته: انت هتاخد رايها معندناش بنات تقول رايها ومصطفي ابننا وموافقين
ردت فرح: معلش يا تيتا بس هي اللي هتتجوز مش حضرتك ف الرأي رايها هيا

جدته بحده: وانت لما جوزوكي واد ولدي كانو خدي رايك جوزوكي علشان خايفين علي رجالتهم البنات ملهمش راي يا مرت الكبير
فرح بصت ل زين بدموع وطلعت
زين بصلها بغضب: تعرفي لولا انك جدتي كنت هتصرف تصرف تاني مع اللي يقول الكلمتين دول ويقهر مرتي وهي معاها حق الراي رأي ريم ولو موافقتش براحتها وسابها وطلع لقاها قاعده شارده
زين باس ايديها: حقك علي قلبي
فرح بابتسامه: انا مش زعلانه وعلي فكره ريم بتحبه وموافقه بس كلام جدتك عصبني

زين: عارف كده واسف يا عيوني
فرح: ولا يهمك
زين: طاب يلا ننزلو بقا نشوفو الموضوع ده
خدها ونزلو كانو كلهم متجمعين
زين: هااا يا ريم
ريم بكسوف: الراي رأيك ياخوي
زين بص علي مصطفي وضحك: وانا موافق
مصطفي قام حضنه: الفرح امتا بقا

زين بضحك: الفرح مره واحده لا الخميس الجاي الشبكه كلهم زرغطو
يوم الشبكه عملوها في جنينة البيت وكانو فرحانين ورقصو كلهم وهيصو و
عدي 3 شهور وجه وقت ما يعرفو نوع الجنين
زين: يلا يا حبيبتي هنتاخر
فرح: حاضر يا حبيبي حاضر اهدي مستعجل ليه كده
زين: خلصتي استني شعرك باين ووقف يظبطلها الخمار
فرح بصتله بحب وابتسمت
زين: مالك بتبصي كده ليه
فرح: بحبك
زين حضنها: والله اول مره تقوليها يا مفتريه
فرح ضحكت وهو قال: يالهوي يلا كده مش هنروح
نزلو راحو للدكتوره
الدكتوره كشفت عليها: ولدين ان شاءلله
الاتنين بصو لبعض بصدم#مه: ولدين
الدكتوره: ضحكت علي شكلهم الف مبروك
فرح بسعاده: الله يبارك فيكي ي دكتوره

طلعو من عند الدكتوره وروحو علي البيت
سميحه: الدكتور قالكم ايه يا ولدي
زين قرب من امه وباس ايديها: ولدين يا حجه ان شاءلله
ريم زرغطت وحضنتهم: مليون مبروووك ياخوي
بت عمته جات: خير ان شاءلله بتزرغطي ليه يا ريم
ريم حبت تكيدها: مرت اخوي حامل في ولدين
بت عمته بصدم#مه: ايي بقا دي تجيب ولدين هه وسابتهم ومشت
فرح بصت ل زين حطت ايديها علي بطنها وقالت بخوف: ربنا يستر
زين ابتسملها: متقلقيش

الحلقة السادسة عشر

عدت الشهور وفرح بقت في التاسع

وقفت قدام المرايه: زين انا بقيت وحشه صح
زين حضنها: مين يقدر يقول كده دا انتي قمر والله
فرح ابتسمتله: انت رايح فين
زين: هنزل القاهره يوم بس وهاجي والله
فرح بدموع: انا خايفه اولد وانت مش هنا بقيت بتسبني كتير علي فكره ابعد وزقته
زين: روح قلبي ده شغلي
فرح: تمام يا زين روح
زين باس ايديها: متزعليش مني يا قلب زين يلا تعالي ننزل وتنامي مع ريم يا فرح والله لو نمتي لوحدك لاطين عيشتك سامعه
فرح: ماشي ونزلو وزين مشي
ريم: مالك يا بت انت شكلك تعبان ليه كده
فرح بضحك: تفتكري هولد الليله
ريم ضحكت: جايز
فرح: تعالي ندخلو جوه بت عمتك جات هي ملهاش راجل دي ولا ايه

ريم ضحكت جامد: لا ودخلو جوه
جه الليل وكل واحد دخل ينام
باليل فرح بتعب: ريم قومي ريييم ااه
ريم بخضه: في ايه
فرح: ااه بولد بولد
ريم جريت قومت امها والدار كلها قامت علي صوت فرح
فرح بعياط والم: انا عايزه جوزي رنيلي عليه ااااه
ريم رنت عليه بسرعه: زين فرح بتولد
زين بخضه: اييييه طيب اديني حمزه بسرعه
زين: حمزه خدها علي المستشفي بسرعه وانا هاجي بس بسرعه يا حمزه الله يخليك
حمزه: حاضر وقفل معاه وشالها ونزلو كلهم علي المستشفي ودخلت العمليات.
زين جه ونزل يجري عليهم
زةجين: طلعت ولا لسه
ريم: لسه

طلعت الممرضه ادتهم الولدين واحد ل ريم والتاني ل زين
زين بلهفه: طيب وفرح
الممرضه: كويسه جدا وهتطلع دلوقتي اوضه عاديه
زين اول ما شافهم دمع وكبر في ودنهم
نقلو فرح اوضه عاديه وكلهم دخلو وزين قعد جنبها
فرح بهلوسه: لو مت اوعك تتجوز بت عمتك العقربه يا زين
زين: يخرب عقلك ي شيخه
ريم ضحكت: والله مراتك دي مجنونه
فرح بدأت تفوق: اااه
زين: حمدلله علي سلامتك يا ام العيال
فرح: عيالي فين متتكلمش معايا لو سمحت
زين جابلها الولدين: هاا هنسمي ايه
فرح: يزن وياسين
زين ابتسم ليها: حلوين زي امهم
فرح عملت نفسها زعلانه زين ميل عليها وهمسلها: زعلانه اصالحك في بيتنا وغمزلها
فرح طلعت من المستشفي وروحت البيت زين حطها علي السرير براحه
سميحه: انزل نام تحت يا ولدي انا وريم هنام هنا علشان نغير ليها هدومها ونوكلها
زين: لا ي حبيبتي انزلي انتي انا معاها
سميحه:مش هتعرف يا ولدي
زين: والله هعرف
سميحه: طيب ريم هتطلعلها الوكل ونزلو
زين قرب منها: حمدلله علي سلامة القمر بتاعي
فرح بصت الناحيه التانيه

زين شالها: غيري وتعالي نتصالحو
دخلها الحمام وغيرت وشالها نيمها علي السرير براحه ودخل هو كمان غير طلع لقي ريم قاعده توكلها
زين: هاتي يا حبيبتي وانا هوكلها انزلي نامي زمانك تعبتي
ريم: لا ياخوي نام انت ولسه بتكمل الولد عيط
ريم: طيب تعالي وانا هاخد ياسين اسكته
زين وكلها وريم سكتت الولد ونزلت وهما نامو
تاني يوم الباب خبط وزين قام فتح بالراحه
ريم: اهل مرتك تحت عايزين يشوفوها
زين: طيب هصحيها وربع ساعه وخليهم يطلعو
زين راح صحاها وغسلها وشها وعدلها
اهلها طلعو امها حضنتها وابوها وشالو الولاد
مامت فرح:مشاء الله علي الجمال
فضلو معاها لاخر اليوم..

الحلقة السابعة عشر

جه يوم السبوع الصبح
زين: صلاح ادب*ح العجول يلا
فرح ندهت عليه من البلكونه ومخدتش بالها انها بشعرها
زين بصلها وهي دخلت تجري طلعلها فوق
زين: عارفه انا مش هنكد عليكي دلوقت بسبب اللي عملتيه بس هحاسبك بعدين
فرح: حبيبي والله مخدت بالي
زين بحده: عاوزه ايه انجزي