رواية كاملة الفصل بقلم صديقة الحروف
ترجع لعيلة النمر
ماجد مبفكرش
سارة ليه بقا ان شاء الله
ماجد انتي عارفة اللي فيها
ابوكي مش طايقني من ساعة الموضوع القديم ده وعمره ما هيسامحني
سارة ماجد يا حبيبي بابا عقله مش فيه زي زمان يعني مش في دماغه اللي عملته اصلا وتقدر تقنعه ترجع
ماجد وهعمل ايه عشان يسامحني
سارة اتحايل عليه واعتذرله
سارة خلاص قوله انك اتجوزت
ماجد ما انتي عارفة اني طلقتها من زمان
سارة اتصرف يا ماجد ايه مخك مفيهوش افكار
ماجد حتى لو اقنعته وسامحني
اختك مي هنعمل فيها ايه دي پتكرهني اكتر من بابا نفسه
سارة دي اختك وتقدر تسامحك عادي
سارة ماجد انت لازم تسمع اللي هقولهولك كويس
ماهر خلاص اتجوز وبابا خد قراره بانه يكتب كل حاجة باسمه متخيل ماهر هياخد كل حاجة وبابا معندوش مشاكل انت عارف بيحبه پجنون
ماجد انا عارف
سارة بعصبية وعارف ده معناه ايه
معناه القصر والعربيات والاراضي والفلوس كلها هتبقى تحت تصرفه
سارة انت جبلة ولا ايه بقولك ماهر هياخد كل حاجة من ايدينا يعني قريب اوي ممكن انا وانت نبقى مفلسين رسميا
ماجد وتفتكري هنهون على ماهر
سارة انت هتهزر
ماجد انا بتكلم بجد
اتنهدت سارة
سارة بضيق المشكلة الاساسية مش في ماهر المشكلة في ام اربعة واربعين اللي اسمها مي
سارة مي لسه عايشة في صدمة زمان ومش فارق معاها ثم انت عارف ماهر بيحبها اد ايه ومستعد يعملها اي حاجة لكن انا وانت بقا
عايزهم يقسموا التورتة واحنا مناخدش منها حاجة لا يا حبيبي انا حقي هاخده ومش هسمح لحتة عيل يكوش على فلوس عيلة النمر كلها الكلام ده على چثتي
سارة ملكش دعوة انت لازم تبقى معايا اتنين اقوى من واحد ثم انت مش شايف نفسك عامل ازاي مش شايف حالتك ابن بسيوني النمر
________________________________________
يحصله كدة مش لاقية عليك
ماجد انسي يا اختي انا انطردت من رحمة عيلة النمر ومش هرجع تاني
سارة باشمئزاز طول عمرك جبان
انا مش هسمح لحد يخنصر نصيبي وهاخد حقي كامل في كل حاجة وانت خليك مرمي زي الكلب كدة مستني الشفقة كل لحظة والتانية
ماجد وتفتكري هتوصلي ازاي بقا
شالت سارة شنطتها وقالت ليا طرقي يا حلو
سلام
كانت جميلة رايحة اوضتها بليل وبالصدفة عدت على اوضة مي
كان الباب مفتوح وسمعت صوت عياط حزين
دخلت جميلة بسرعة وقالت عمتو فين حاجة
اټفزعت مي ورمت الفستان اللي في ايديها وبدات تمسح دموعها
مي لا يا جميلة مفيش
جميلة متاكدة
وراحت مسكت الفستان اللي رمته مي
جميلة باستغراب ده فستان فرح
مي اقعدي يا جميلة
هحكيلك حاجة
قعدت جميلة وبدات مي تحكي
لما كنت صغيرة تقريبا وانا قدك كنت البنت الكبيرة في العيلة وكان لازم اتصرف بحكمة ووقار طبعا عشان تقاليد عيلتنا خصوصا ان بابا كان شديد جدا علينا
كنت زي الالف في طريقي وعمري ما مشيت معووج
وفي يوم من الايام وعمري ما تخيلت انه يحصل خفق قلبي بالحب
جميلة الحب
مي ايوة الحب
كان جار لينا اكبر مني ب سنين تقريبا ودايما كان يبص عليا من بعيد وفي مرة قابلني وانا جاية من برا واعترفلي بحبه وانا كنت مكسوفة وسيبته بعدها رجعت قابلته تاني
وبدأنا نتقابل ونتكلم وفي مرة قالي انا عايز اتجوزك
قلبي طار من الفرحة في الوقت ده خصوصا انه كان من عيلة غنية زيي وكنت متاكدة ان بابا هيوافق اتقدملي واتخطبنا فعلا ومحدش ابدا عرف بقصة حبنا لانها فضلت سر بينا
وهو بنفسه اللي اختارلي الفستان ده
جميلة ده فستان فرحك
مي بالظبط
جميلة وايه اللي حصل بعد كدة
اتنهدت مي وكملت طه معاد الفرح وتمت التجهيزات وعرفت قبلها انه هيروح يجيب اصحابه من اسكندرية
كنت فرحانة اوي ومتلهفة اعرف اخباره وفجاة
سابني
جميلة پصدمة سابك!
بدات مي تبكي
مي ايوة يا جميلة سابني ساب الدنيا كلها
جميلة ازاي
ازدادت دموعها وقالت العربية انقلبت بيهم وسبحان الله الاتنين عاشو وهو ماټ
بعدها انا بقيت زي المچنونة ودخلت في اكتئاب ونوبات صرع وقعدت فترة اتعالج
جميلة بحزن ومتجوزتيش بعده
مي مقدرتش ابدا كنت بحبه اوي
اوي
والنهاردة بقا هو تاريخ فرحنا المشؤوم
حست جميلة بالحزن وبدات تطبطب عليها وقالت كل ده يا عمتو شايلاه في قلبك
بعد ما هديت مي
مي جميلة انت متشكرة انك سمعتيني بس سيبيني لوحدي شوية
جميلة حاضر
خرجت جميلة برا الاوضة وقفلت الباب وراحت عند ماهر
دخلت جميلة الاوضة ملقتش ماهر
جميلة ماهر انت فين
فجاة خرج ماهر من الحمام شبه عريان مش لابس غير فوطة مغطية وسطه
صړخت جميلة
ماهر جميلة انتي هنا
جميلة باحراج انت ازاي تخرج كدة بالمنظر ده وانت عارف ان في بنت عايشة معاك في الاوضة
ماهر ماهي البنت دي مراتي ولا انا بتهيالي
جميلة خلاص انا هخرج برا لحد ما تغير
ماهر وتخرجي ليه بس
جميلة مش قولتلك قبل كدة انك منحرف اخلاقيا انا حقيقي بكره المنحرفين
ماهر بضحك اسف اسف
بعد ما غير ماهر نام على السرير
جميلة ماهر
ماهر نعم
جميلة لو مش هيضايقك هطلب طلب
ماهر طلباتك كترت اوي على فكرة
جميلة ماهر انا عايزة ازور ماما واخواتي
ماهر تزوريهم
جميلة ايوة بقالي اسبوع مش شفتهم غير ان يوم الفرح ملحقتش اقعد معاهم
فكنت عايزة ازورهم بكرة
هتبقى فاضي
ماهر فاضي ليه
جميلة عشان تيجي معايا طبعا
ماهر باستغراب انا
جميلة بابتسامة ايوة انت هتيجي معايا
لازم تتعرف على عيلتي وهما كمان يشوفوك
في اليوم التاني
وقفت العربية قدام بيت جميلة المتواضع
نزلت جميلة من العربية وساعدت ماهر ينزل فجاة خرج اخوات جميلة من البيت وصرخوا كلهم في صوت واحد جميلة
حضنتهم جميلة كلهم بلهفة
ميز ماهر صوت الاطفال وابتسم
مسكت جميلة ايد ماهر وقالت لاخواتها ده ماهر جوزي
ندى هو ده الامير اللي اتكلمتي عنه
جميلة باحراج هسسس
ابتسم ماهر بحرج
فجاة خرجت منى
منى بفرحة جميلة
جميلة ماما
وحضنوا بعض
منى ياه يا جميلة وحشتيني يا بت تصدقي
وبعدين بصت لقت ماهر واقف
منى استاذ ماهر اتفضل
ساعدت جميلة ماهر يدخل ودخلوا
قعد ماهر على الارض وقعدت جميلة جنبه
منى ثواني هعملكوا الشاي
جميلة ماهر اعرفك على اخواتي
يا عيااال
جم اخوات جميلة
جميلة ندى تعالي اقعدي هنا
قعدت ندى قدام ماهر
خدت جميلة بايدين ماهر وحطتها على وش ندى
جميلة بحنان دي اختي ندى.
بدا ماهر يتحسس ملامحها وقالها ازيك
ندى انت بقا الامير بتاع اختي
بقولك هو انت اديتها قبلة الحياة زي اللي بيحصل
