رواية أماني وعوضي جميع الاجزاء كاملة بقلمي مآآهي آآحمد
لكن افتكرت هي فين! فا ردت بسرعه و بذكاء
والدتي رافضة ادخل فالشغل ده بعد مۏت بابا و خلت اخويا يوصي كل معارف بابا يرفضوا يدوني الفرصة دي مع اني استحقها
كنتي فاكره انك مش هتتكشفي
لين بثقة كنت عارفة اني هتكشف بس كنت اتمني يحصل بعد ما اعدي الاختبارات
اشمعنا
عشان عارفه اني هنجح
وانتي جبتي الثقة دي منين من المدرسة العسكرية
خد نفس و قام وقف قصدها مريم تبقي زميلتك اعتقد لو اعتذرتي لها هحاول احل الموضوع و نشوف موضوع الاختبار زي ما بتقولي
بصتله بستغراب حضرتك هتسمحلي ب ده
انتي وصلتي لحد هنا بأنتحال شخصيه و ده مكان حساس فا يا نكسبك يا مستقبلك يضيع انتي وشطارتك
خرج من المكتب وسابها و المقدم ياسين كان بره
رد وهو ماشي فالممر و ياسين كان بيتحرك معاه ډخلها الاختبارات
ايه! حضرتك دي تعتبر متهمه ب
قاطعه ياسين اسمع كلامي عاوز اشوف هتعمل اي
يافندم بس ازاي حضرتك توافق
دي بنت اللواء عدلي المهدي
الى تعرض للاغتيال! وحضرتك هتوافق عشان كدا
وقف وبصله ياسين تفتكر احنا ممكن ندخل حد شغلنا ليه ويتعين رسمي
كلهم عندها في طاقة و قوة في عينيها بتقول انها عايزة تجيب حق ابوها و دي عمرها ما هتخون
المعلومات السرية او تأثر في شغلها انا مخترتهاش عشان بنته
عندك حق سيادتك
ركز معاها انا متأكد انها كانت بتتمرن عاوزها تكون جاهزه للتعين خلال أسبوع يا ياسين و انت هتقدر على ده انا عارف و اه مش عاوزاها تحس انها هنا واسطه لأن ده مش حقيقي.
وصلوا ساحه كبيرة و كان في حلبة مصارعه ياسين بصلها بعد ما دخل الحلبة هتتفرجي عليا!
دخلت وبصتلة بس ده مش تبع الاختبارات
ياسين بابتسامه صفرا لا ما انا عايز اشوف قوتك البدنيه الأول و عايز اعرف هتدافعي عن نفسك ازاي قصادي.
بصتله بستغراب قصادك!
دي قصة مختلفة قولت نغير جلد بقي شوية عشان الناس زهقت و بتقول الروايات بقت شبه بعض و طبعا الرواية دي هتبقي مليانه حاجات فيما بعد مش حقيقة يعني بعيد عن الواقع خالص بس هتبقي مسلية و مشوقة قولولي رأيكم و اكمل ولا لاء
الهدف 1
وصلوا ساحه كبيرة و كان في حلبة مصارعه ياسين بصلها بعد ما دخل الحلبة هتتفرجي عليا!
ياسين بابتسامه صفرا لا ما انا عايز اشوف قوتك
البدنيه الأول و عايز اعرف هتدافعي عن نفسك ازاي قصادي
بصتله بستغراب قصادك
اها دافعي
ردت بثقة ادافع انا بهاجم
ضحك بغرور تهاجمي قصدك تضربيني طيب ومالو
خد وضع الاستعداد و هي كذالك و بدء الماتش
لين كانت خفيفة و سريعه و بتصد لكمات ياسين و لكن شايفه انوه متهاون معاها وبدأت تتنرفز وتتكلم وسط الماتش
حضرتك بتلعب ماتش مع ملازم مش طفلة
رد عليها و هما مكملين ضړب انتي متتحمليش ضړبة واحده حقيقية مني وبعدين انتي لسه متعينتيش ملازم.
استفزها فا بدأت تهجم عليه و تحاول ټضربة و لكنه بيصد كل محاولاتها بمهارة عالية
اتكلم وهو بيحاول يبعد انا مقدر مجهودك لكن مش هتلمسيني لمسه واحده
ياسين كان يقصد انها مش هتقدر ټضربة مهما عملت!
لين قربت منه أكتر و حاولت ټضربة برضو فا كتف ايدها الاتنين ولفها لي و كان ماسكها بتحكم
هاه ممكن اكسرلك ايدك دول دلوقتي العصبية مش هتفيد بحاجه محتاجه تتمرني اكتر
سيب ايديا
ببرود فكيها بنفسك
لين مردتش ببوقها حاولت تتحرك ولكن و مسكته ليها كانت قوية فا ضړبته براسها ف جبهته لأنه كان وراها و فكت نفسها بسرعه وهو بيمسح جبتهه و هي ملاحظه انوه متأثرش و واقف عادي خالص!
ضحك عشان يستفزها انتي غدارة بس مش بطال لكن برضو لسه مش جاهزه كا هجوم اها.. الاختبارات هتبدء بكره الساعه
قال جملتة و مشي وسابها
انا قوية و هو عرف ده و بينكره عشان متغرش كان بيلاعبني و هو بينهج! يعني بذل مجهود عشان انا مكنتش سهله فالماتش و اكيد لما ابدء اتمرن التمرينات الخاصة بتاعتهم هكون احسن! انا هكمل طريقي لحد ما اوصل لهدفي
دخلت اوضة كبيرة خاصة بالمستجدين كل السراير بدورين و الكل كان نايم لقيت سرير فاضي فا دخلت نمت عليه بعد ما غيرت هدومي وقبل ما اغمض عيني
لامؤاخذه يا
لين
ده سريري
قومت بصمت و لسه هطلع الدور الى فوق
لو عايزة تبقي تحت معنديش مشكلة!
مش هتفرق
طلعت فوق عشان انام سمعت صوتها مره تانية
انتي جديدة اول مرة اشوفك
ايوه
انا اسمي جميلة بقالي هنا اسبوعين
بتعملوا اية الصبح
بنتنفخ
في ولاد هنا صح
ما هم معانا هنا الأوضة الأكبر من دي جمبنا فيها اضعافنا ولاد بس بيتمرنوا نصهم مع المقدم آسر يعني احنا متفرقين مع القادة.
طيب هنتمرن ملامكه مع ولاد
اها.
حمدت ربنا في سري الواحد عاوز يتمرن مع ولاد مش بنات و تلزيق و هيهيهيهي اغلبهم ضعيف!
تصبحي على خير يا لين
عيني كانت بتغمض صحيت على رنه موبايلي فا ختو بسرعه و خرجت بره
الو مين
لين انتي كويسة!
ماما! بتكلميني من رقم مين
مش مهم! كدا مش بتردي عليا عملتي الي في دماغك وسبتي البيت
استنتجت
انها كدا لسه معرفتش اني روحت مبني القوات الخاصة انا عند واحده صحبتي هرجع بس مش دلوقتي يا ماما ممكن تهدي!
فضلت تترجاني ارجع
و حاولت اغير الموضوع و اسايسها اتمشيت و انا بتكلم لحد بره شوية و بعدين قفلت معاها
اية ده المياه دي هنغرق ولا ايه
انتي بتعملي اي هنا
لفيت بسرعه لاقيتة المقدم ياسين!
كان مبلول لاحظت البسين الى وراه و بصتله بستغراب انا كنت ب.. بتكلم فالموبايل
كان مفروض تنامي من ساعه و نص عشان تصحي فايقه لليوم بكره اتفضلي
تمام يا سيادة المقدم
انسحبت بهدوء انا هنا تحت رحمة متسلط لحد مش عارفه لحد اي بس مش هستحمله كتير وبعدين طب ماهو صاحي اهو و بيبلبط!
صلي على محمد.
تاني يوم الساعه 600 بالثانيه
صحيت على صوت سرينه مزعج جدا و عالي سرعني!!! افتكرت المكان بيولع!!
اتحركوااااااااااااااا
كان صوت المتسلط بينادي عشان ننزل الساحه
معرفش ازاي كلهم جهزوا فخمس دقايق و انا نزلت اخر واحده لاقيته لمحڼي وشاورلي اروحله
متأخره 9 دقايق !
مش هتكرر ان شاء الله هلحق اجري معاهم
اتفضلي
وفعلا لحقتهم و كنا بنجري مسافة كبيرة حولين الملعب كله الى فيه الحلبة و البسين و قعدنا كدا ساعه لحد ما وقفنا المقدم ياسين
كدا الساعه جري خلصت تعبانين صح
كان باين علينا بننهج جامد و محتاجين مياه
هتجروا كمان تسع دقايق الى زميلتكم لين اتأخرتهم عشان انتوا عارفين طبعا ان السيئة تعم.
كلهم بصوا بيدورا علي الى اتأخرت دي و انا كنت محرجه جدا و فعلا جرينا تاني!
استغفرالله العظيم.
جرا اية يا سيادة المقدم مش خلصوا وقت
