رواية لقاء الأحبة كامله

_متشكره ليك عن اذنك انا لازم انزل..___

سيبته ونزلت من غير ما استناه انه يرد اصلا وانا عماله افكر شكله مش غريب علياا انا فعلا متأكده اني شوفته قبل كده بس مش فاكره فين وبعدين هو انا ليه اول ما شوفته حسيت باحساس غريب...

انا بجد ما بقتش فاهمه حاجه..

دخلت البيت وعينت الكتاب قبل ما ماما تيجي من بره ودخلت اكمل مذاكره وكالعاده فضلت اذاكر لحد ما صليت الفجر، وجيت امسك الفون بتاعي اقلب فيه شويه قبل ما انام لقيت مسدج جيالي من نفس الرقم بتاع امبارح بفتحها لقيت..

"عيناكي مثل السحر كلما نظرت اليهما اجدني أغرق"

قريت المسدج والغريب ان وانا بقرأها كنت ببتسم تلقائي ممكن عشان اول مره حد يقولي الكلام ده..

قفلت الفون ورقدت ع السر*ير عشان انام ولسه هروح في النوم لقيت باب الشقه بيخبط جا"مد قومت مخضو*ضه عشان اشوف مين بفتح لقيتها سجده صاحبتي بتعيط وبت"نهج لقيتها بتقول..

-الحقيني يا آيات ماما بتمو*ت..!

لسه هروح في النوم لقيت باب الشقه بيخبط جا"مد قومت مخضو*ضه عشان اشوف مين الي بيخبط بالطريقه دي بفتح لقيتها سجده صاحبتي بتعيط وبتن"هج لقيتها بتقول..

-آيات الحقيني ماما بتمو*ت..

_اهدي وقوليلي في ايه انا مش فاهمه حاجه..!

-ماما يا آيات مره واحده لقيتها اغمي عليها بحاول افوق فيها مش بتفوق ف قولت اجيلك انا معرفش حد غيرك..

اتكلمت بقلق_طب انتي اتصلتي بالاسعاف طيب عشان نلحقها..

-اه وهما زمانهم جايين في الطريق بس انا ما قدرتش استني لوحدي..

_طب اهدي انا نازله معاكي..!

قولتلها كده ونزلت معاها بسرعه حتي اني نسيت اعرف حد منهم ان انا هنزل بس الخو"ف كان مسيطر علياا اصل بجد مفيش حد يعرف طنط صفاء عزيزه علياا قد ايه بجد انا بحبها اوي ساعات بحس ان هي الي ماما الحقيقه والله..

وصلنا البيت عندها ولحسن الحظ ان الاسعاف ما اتأخرتش وجت بسرعه خدتها في العربيه وجيت عشان اركب انا وسجده قالو انه مينفعش احنا الاتنين هو شخص واحد ف طلبت منها انها هي تركب مع مامتها وانا هاجي وراها..

خدت بعضي وروحت عشان آخد تاكسي افتكرت ان انا نازله من غير فلوس اصلا وسيبت فوني فوق ومش عارفه اعمل ايه لاني لو طلعت خايفه بابا وماما يكونو صحيوا ومش هيرضو يودوني، وانا بفكر لقيت صوت حد ورايا..

- انتي واقفه لوحدك في الوقت ده بتعملي ايه..

بتلفت ع الصوت لقيته ونس ف اتكلمت وانا الد"موع بتنزل من عيني من غير ما ا"حس..

_لو سمحت هو انت ممكن توصلني للمستشفى..

-آيات ممكن تهدي مستشفى ايه ومالك بتعيطي ليه..

حكيتله الي حصل وهو مشكورا وافق انه يوصلني للمستشفى، وصلني ولقيته داخل معاياا المستشفى..

_انت رايح فين..هو انت مش هتروح..؟!

-لا مش هروح انا هستناكي عشان اروحك عشان ما ينفعش تروحي لوحدك في وقت زي ده..

هزيت له دماغي من غير ما اتكلم لاني بجد مش قادره اني اتكلم واتناقش في حاجه دلوقتي..

دخلت وسألت ع رقم الاوضه وطلعت لقيت سجده قاعده ع الكرسي وبتعيط جربت عليها وانا بحض*نها..

_سجده اهدي ان شاء الله طنط صفاء هتبقي كويسه..

-يارب يا آيات يارب..!

مش عارفه فضلنا ع الوضع ده قد ايه لحد ما الدكتور خرج وقالنا انها عندها هبو*ط حاد في الدوره الدمويه والسكر عندها مش متظبط وقال انها هتبات النهارده في المستشفي لحد ما يطمنوا عليها..

دخلت اطمنت عليها وسلمت ع سجده واستأذنت عشان مش هعرف اتأخر اكتر من كده وهما عذروني وونس خرج معايا كل ده من غير ما يتكلم ولا كلمه

وصلني ونس لحد البيت وقبل ما اطلع قولتله..

_انا متشكره اوي بجد مش عارفه اشكرك ازاي.. تعبتك معايا يا ونس..

-ولا تعب ولا حاجه اتعبيني انتي بس علي طول ومالكيش دعوه..

ابتسمت وانا بقول_عن اذنك عشان هطلع بقاا..