رواية لوعة عشق بقلم سحر فرج

ربنا يكرمه بيعاملنى كويس اوى ودايما يقولى يا بنتى .
الام سرحت شويه و ردت بكل حزن وقالت .. ابوه اسمه كمال !!
امال ردت وقالت .. اه يا امى اسمه كمال مهران الشرقاوى.
صاحب اكبر مجموعه شركات فى الوطن العربى .
الام پصدمه بصتلها وقالت .. انتى بتقولى اسمه ايه 
امال بأستغراب بصت لامها وقالت .. فى ايه يا ماما انتى اتفاجئتى بالاسم كده ليه 
الام وشها ظهر عليه الاستغراب والذهول وقالت.. انتى متاكده يا امال من الاسم ده .
امال ردت وقالت .. اه طبعا يا امى انا شغاله معاهم بقالى اكتر من سنتين وعارفه اسمه كويس اوى .. فى ايه يا ماما انتى تعرفيه ولا ايه .

الام سكت شويه وعيونها اتملت بالدموع وبصت لامال وقالت .. اقعدى يا امال وانا هاحكيلك كل حاجه مقدرتش احكيهالك طول العمر ده كله وكنتى على طول تسألينى وانا اهرب من سؤالك انا وابوكى الله يرحمه .
وكنتى بتستغربى اوى من وانتى صغيرة اننا ملناش اهل ولا قرايب زى بقيت اصحابك .
انا هاحكيلك يا بنتى كل حاجه علشان تعرفيها قبل ما يجرالى حاجه واموت واسيبك فى الدنيا لوحدك .
امال ردت وقالت .. بعد الشړ عليكى يا ماما ربنا يخليكى ليا وما اتحرمش منك ابدا.
الام بدأت تحكى وآمال كانت سمعاها . 
فلاش باك 
الاب .. قولتلك مش هاتتجوزيه يعنى مش هاتتجوزيه يا جميله .
جميله .. يا بابا احنا بنحب بعض من زمان وهو هايشتغل وهايبنى نفسه وبكرة يبقى حاجه كبيرة .
الاب .. هى كلمه واحده مفيش غيرها ولو عملتى اللى فى دماغك لا انتى بنتى ولا اعرفك وهاتبرا منك خالص لحد ما اموت انتى فاهمه. 
كمال اخوها بصلها وقال .. اسمعى كلام بابا يا جميله واوعى تسبينا احنا ملناش غير بعض .
بعد ماما الله يرحمها ما ماټت .
جميله بكل حزن بصت لكمال اخوها وقالت .. انت لسه صغير يا كمال وبكرة تعرف يعنى ايه تحب شخص وانك مش هاتقدر تستغنى عن اللى بتحبه ده طول عمرك .
كمال رد وقال .. واحنا بنحبك يا جميله وانا مليش غيرك بعد امى الله يرحمها ومش هاقدر استغنى عنك .
جميله خدته فى حضنها وفضلوا يعيطوا مع بعض هما الاتنين .
وبعدها كل واحد راح على اوضته علشان ينام .
صحى الاب الصبح ودور على جميله فى كل العزبه ملقهاش .
بااك 
الام .. هى دى حكايتى يا امال سبت ابويا وسبت اخويا الوحيد واتجوزت ابوكى اللى كنت بحبه بس كانت ظروفه وحشه وفضلت وحشه لحد ما ماټ .
ولما خلفتك سميتك على اسم امى الله يرحمها امال .
امال ردت وقالت .. انا مش مصدقه كل اللى انتى قولتيه ده انا كأنى بحلم يا امى .
ليه ما قولتيش الحكايه دى من زمان انا اول مرة اسمعها منك وكنت على طول اقولك فين اهلك وفين اخواتك كنتى تردى وتقولى انا اهلى ماتوا كلهم فى حاډثه وانا الوحيده اللى نجيت من الحاډثه دى وماليش اهل خالص .
حتى بابا الله يرحمه كان كده مالوش غير اخ وماټ وانا صغيرة .
الام بصتلها وقالتو ..ابوكى لما هربنا مع بعض كان عايش مع عمته هو واخوه بعد ما أمه وأبوه ماتوا وهى اللى ربتهم وعرفنا بعد كام شهر من هروبنا انها ماټت من زعلها على ابوكى ونزل البلد وهو متخفى وجاب اخوه الاصغر وعاش معانا شويه كنتى انتى صغيرة ساعتها ولانه كان صحته ضعيفه وعنده القلب ماټ وهو صغير . 
وانا كنت عرفت برضه أن ابويا ماټ من زعله عليا وحاولت ادور على اخويا كمال بس ما لقتهوش وعرفت أنه باع العزبه وكل حاجه وساب البلد وده اللى كان تاعبنى وتاعب قلبى طول حياتى .
امال اترمت فى حضڼ امها وفضلوا يعيطوا هما الاتنين .
امال .. يعنى كمال بيه ده يبقى خالى وشريف ده بيكون ابن خالى 
الام ردت وقالت .. لازم نتأكد الاول ومش هاتاكد غير لما اشوفه بعينى اودامى واعرف أنه كمال اخويا فعلا .
امال ردت وقالت .. يبقى لازم نروح على الشركه الصبح انا وانتى .
نوڤيلا
لوعة عشق
الحلقه الخامسه والاخيرة
بقلم سحر فرج
امال.. طيب هانعمل ايه دلوقتى يا امى وهانعرف كمال بيه ازاى انك أخته جميله .
الام.. يطلع النهار بس وربنا يكتب كل خير يا امال يا بنتى وسيلها على الله .
امال.. بس ما قولتليش ازاى يا امى طول السنتين دول وانا ملحظتش التشابه اللى فى الاسماء بينك وبين كمال بيه .
الام .. ما تنسيش يا امال أن اسمى مكتوب فى البطاقه باسم جميله محمد احمد لان زمان لما هربت انا وابوكى .. ابوكى جرى كتير علشان يغير الاسم بتاعى وبطاقتى علشان كان خاېف عليا لا يوصلولى ويعملوا فيا حاجه وحشه .
لأنه كان متخيل أن جدك الله يرحمه اللى هو ابويا ممكن يأذينى لو عرف مكانى .
ومن