رواية مكتملة بقلم ورده محمد
الصخره اللى كان قاعد عليها فى البحر وراح ركب عربيته وراح على شقة جدته اخدها وراح على الفيلا
فى شقة اسر
كانت فايزه قعده قلقانه على مليكه وجرس الباب رن
فايزه حد فيكم يقوم بسرعه يفتح الباب تلاقيها هى
مى طلعت تجرى وفتحت الباب وقالت هو انت ادخل
فايزه بخيبت امل تعال يا اسر
اسر هو فى ايه
اسر ازاى يعنى هتكون راحت فين
فايزه مش عارفه مش عارفه وتليفونها مقفول يارب طمنى عليها
اسر انا هنزل ادور عليها
مها هاجى معاك
اسر لا خليكى هنا لو جت اتصلى بيا وعرفينى
مها لا فى هنا ماما ومى لو جت هما يتصلو بينا
اسر طب يلا
فايزه يارب طمنى عليها ولا توجع قلبى عليها ابدآ يارب يا ترى انتى فين يا بنتى
فى فيلا فريد المنشاوى
فريد انتى ليه قولتى ان انا تعبان ما انا كويس اهو الحمدالله
سهير عارفه بس ابنك موضوع جوازه اتفركش انا قولت بقى فرصه نجيب المأذون ونجيب عيلة ممدوح واجوزه رهف واهى برضه من نفس العيله بس على انضف
سهير لما يتحط قدام الامر الواقع ويبقى فى ناس وصحافه مش هيقدر يعمل حاجه اهم حاجه دلوقتى تطلع اوضك وتعمل نفسك تعبان وهو امك هيجو مطلعهمش من عندك فى الاوضه وانا هروح اجهز الجنينه بتاعة الفيلا بسرعه وابلغ سوزى ورهف
فريد ربنا يستر من اللى هيعملو فهد
فريد لله الامر من قبل ومن بعد
وطلع اوضه وراحت سهير تبلغ سوزى ورهف وتبدء بالتحضير
فى العربيه عند اسر
مها مش قادره هتجن من بدرى عماله اصبر فى ماما وانا قلبى ڼار من جوه عليها هتكون راحت فين بس يا ربى وعيطت
اسر اهدى يا مها ان شاءالله خير طب هى معندهاش اصدقاء ولا حاجه
اسر طب ليها مكان معين بتروحو لما بتكون زعلانه
مها تعال نشوفها على البحر ده المكان اللى ممكن تكون راحت فيه
اسر ماشى وراح بعربيته عند البحر ونزل هو ومها قعدو يدوره عليها بس برضه ملاقهاش
مها حتى هنا مش موجوده انتى فين بس يا مليكه
اسر تعالى ندور عليها تانى فى الشوارع
اسر ايوه يا ماما
سوزى انت فين يا اسر
اسر ليه عايز ايه
سوزى تعال بسرعه اختك كتب كتابها انهارده
اسر ايه ازاى يعنى
سوزى لسه سهير مامت فهد المنشاوى متصله بيا وبلغتنى الخبر
اسر ايه قولتى مين
سوزى فهد المنشاوى
اسر فهد المنشاوى ازاى
سوزى يووووه بقى يا اسر لما تيجى ابقى افهمك يلا سلام بقى علشان الحق اجهز اختك واجهز انا كمان وقفلت السكه
مها فى ايه يا اسر وماله فهد المنشاوى
اسر پصدمه كتب كتابه النهارده
مها قطعته وقالت طب ايه المشكله ما احنا عارفين ان كتب كتابه النهارده هو مليكه
اسر لا يا مها مش كده كتب كتاب فهد واختى رهف
مها پصدمه مين طب ازاى
اسر مش عارف ايه اللى حصل
مها طب ومليكه انا مش فاهمه حاجه والله هو فى ايه بيحصل بالظبط
اسر نروح نبلغ مرات عمى ولا بلاش احسن ما تتعب
مها لا طبعآ لازم تعرف روح بينا على البيت
اسر حاضر ومشى بالعربيه ورجع تانى للشقه
فى فيلا فريد المنشاوى
وصل فهد بعربيته ونزل منها وساب جدته ودخل يجرى على الفيلا
فهد بابا ماله يا ماما
سهير بتمثيل باباك تعبان جدآ فوق فى الاوضه
فهد طلع يجرى على اوضت ابوه
ناديه دخلت الفيلا وهى سانده على العكاز بتعها
سهير منوره يا حماتى
ناديه فين ابنى يا سهير
سهير اكلته
ناديه اكلك قطر يكون مستعجل ان شاءالله
سهير انشالله اللى بيكرهنى يارب
ناديه وليه انتى قولى فين ابنى بدل ما اجيبك من شعرك شكلك وحشك العلقات بتاعة زمان فكره
سهير عندك فوق فى الاوضه
ناديه زقتها بالعكاز وقالت اوعى كده من وشى ياريت بدل ما جت فى ابنى كانت جت فيكى
وارتحنا من قرفك يا
شيخه وسبتها وطلعت الاوضه عند فريد
سهير وليه كركوبه ومسكه فى الدنيا ربنا يهدك يا شيخه
وراحت تشوف اللى وراها
فى اوضت فريد
فهد عامل ايه يا بابا
فريد كويس يا ابنى طول ما انت واخوك بخير
فهد ربنا يخليك يا بابا
ناديه ابنى حبيبى مالك يا حبيبى
فريد متخفيش يا ماما شوية تعب بسيط والحمدالله بقيت كويس لما شوفتكم
ناديه ربنا يحميك ويكفيك شړ المړض يا فريد يا ابن بطنى
فريد اقعدى بس ريحى شويه من المشوار
وبص لفهد وقال ايه اللى حصل فى موضوع مليكه يا فهد
فهد بص بغيظ على جدته وقال مفيش يا بابا شوية مشاكل
فريد والله زعلت اوى على البنت دى كانت شكلها كويسه اوى وغلبانه وحبتها بجد
فهد وقف وقال مفيش نصيب
فريد رايح فين
فهد هنزل اشم شوية هوا فى الجنينه
فريد ها لالالا خليك قاعد معايه شويه انت واحشنى اوى يا حبيبى
ناديه فريد هو اى الحكايه بالظبط
فريد ح ح حكاية ايه يا ماما
ناديه الموضوع ده فيه ان شكلك ده مش شكل واحد تعبان ابدآ وشكلك متوتر كده وكأنك مخبى حاجه
فريد ها و و ولا حاجه يا ماما
ناديه فريد انت ابنى ومربياك وعرفاك فى ايه
فريد الصراحه بقى انا لاتعبان ولا حاجه بس سهير اللى قالت ليا اعمل كده ع ع علشان علشان
فهد علشان ايه يا بابا
فريد الصراحه كده امك ناويه تعمل حفله وتجيب المأذون وتجوزك رهف
ناديه مين رهف دى
فريد بنت عم مليكه
ناديه ايه هى الوليه دى اتجنت فى عقلها ولا ايه والنبى لاروح واكسر ليها دمغها دى ووقفت ولسه هتفتح الباب
فهد بتحدى بس انا موافق يا نانا
فريد وناديه اټصدمو من كلام فهد
ناديه ايه اللى انت بتقوله ده
فهد ايه انا حر
ناديه لا مش حر انت واخدها عند مش اكتر وده جواز مش لعبه
فهد برضه انا حر محدش ليه دعوه
فريد يا حبيبى مش دى اللى انت رفضها كذا مره ايه اللى جد المرادى
فهد مش عايز كلام كتير
ناديه ولا انت بلاش عند بدل ما اكسرك دماغك دى
فهد انتى بالذات ملكيش دعوه بحياتى فاهمه وسبهم ودخل اوضه
فى شقة اسر
وصلت مها مع اسر ودخلو
فايزه جريت عليهم وقالت ها ملاقتهاش
اسر للاسف لا
فايزه يا ترى انتى فين يا بنتى يا ترى انتى فين
مها وفى خبر تانى
فايزه جرلها حاجه
مها لالالا بعد الشړ بس اللى اسمه فهد
فايزه ربنا ينتقم منه ماله
مها احم النهارده كتب كتابه على رهف بنت عمى
فايزه پصدمه ايه ازاى وهو كتب كتابه النهارده على مليكه
اسر مش عارف ماما اتصلت بلغتنى بكده
مى ده ايه الاستعباط ده يعنى ازاى كتب كتابه على رهف ومليكه فى يوم واحد
فايزه ياترى انتى فين يا مليكه يارب ردها ليا عاجلا وليس اجلا وطمن قلبى عليها يارب
الكل اللهم امين
مها طب ناويه تعملى ايه
فايزه انت تعرف الفيلا فين يا اسر
اسر اه طبعآ يا مرات عمى دى فيلت فريد المنشاوى مشهورا اوى
فايزه طب ثوانى هدخل البس هدومى وودينى عند الفيلا دى
اسر طب ليه عايزه تروحى
فايزه والله لاروح اخرب عليهم الفرح فوق دماغهم
