روايه كامله بقلم فاطمه ابراهيم
بتقول أيه
بقول الحقيقة اللي بتحايل عليك أنا والباشا تسمعه من ساعة ما جينا وانت مش عاوز تسمعها.. جاي أنورك ووريك الصورة كاملة علشان أكون خلصت ضميري وانام وأنا مستريح سعادت البيه عمك لما جالي يطلبلك حياة للجواز كانت وقتها مكتوب كتابها ع سليم بس لسه مدخلوش بسبب تقصير الفلوس معاهم لحد ما جه عمك وقالنا ع حكاية الجواز العرفي دي وأننا هنطلع زي دي ممكن اروح فيها ابو زعبل بس لما هي قعدت مع عمك وسمعت الكلام عرفت أن الجوازة هتبقي ع ورق وبس يعني كأنها شغالة عندكو بعقد وان الحكاية دي حصلت كتير فمفيش قلق منها وأن سعادتك أول ما تزهق منها هتطلقها ... الموضوع كبر وترسم في دماغها وعجبها الحكاية ووافقت ع طول بس أنا قولت لا يمكن أبدا دا جن ان أيش عرفني أنا أن الموضوع مش خطړ بس الون ع الوادن بقي ي بيه وكمان بصراحة وعدتني تفتكرني بقرشين حلوين فوافقت وبكدا تبقي كسبت هي وسليم الفلوس علشان يتموا الجوازة وأنا اخدتلي قرشين وخلصت الحكاية
رد فتحي بتلقائية تدليس ايه ي بيه أنا في محكمة الأسرة هو حضرتك مسألتش نفسك هي جابت سليم لحد هنا ليه ! مفكرتش دخل البيت ازاي في وقت كله كان مشغول فيه! هه مش غريبة يعني تكون جت معاه صدفة أنه يدخل وميلاقيش حد يقوله رايح فين وجاي منين إلا لو هي اللي مكلماه يومها وقالتله أنها لوحدها والجو هادئ
لا ي بيه مش همشي غير لما اخد حقي .. بنت الحر ام دي كلت عليا نصيبي اللي وعدتني بيه ولما طمعت اكتر استدرجت سليم لحد هنا وخلصت عليه علشان تخلص من زنه عليها في أنها تنهي اللعبة وترجعله ولما رفضت هددها أنه هيقابلك ويقولك ع كل حاجة فقررت تقت له منها تخلص منه ومنها تخليك تثق فيها ي بيه وخطتها تكمل لما تحبها
نعمان بسخرية عرفت دلوقتي أصلها ايه!! عرفت ابوك وجدك وصوني أكون جمبك في كل قرار بتاخده ليه!
وقف عمار پصدمة وهو بيفتكر كل الأحداث اللي حصلت وكل الألغاز اللي ملقاش ليها حل وفي نفس الوقت بيتفتكر نظرات حياة ودموعها وكلامها وقتها وفي وسط تشويش أفكاره خرج فتحي صورة من جيبه لحياة هي وسليم وهما ماسكين إيد بعض بسعادة وقت ما كانوا مرتبطين
أخرج برا بدل ما ارتكب فيك جناا ية حااالا برااااااا
عمار پغضب بص لعمه الراجل دا كدااب مستحيل حياة تفكر بالطريقة دي مستحيل
أنت لسه مفوقتش من الوهم دا ي عمار أيه مستني لحد ما تلاقيها بتقولك في وشك أنك مع فل!! أنا جيت وخفيت الج ثة من غير ما اعرف اللي حصل بس علشان أحافظ عليك واسمك ميوصلوش أي شبهات أنما لحد كدا وكفاااية مش هسمحلك ټغرق وتغرقنا كلنا معااك فووووق
رد نعمان بزهق لاااا أنت خلاص اټجننت رسمي أنا ماشي
تاني يوم
فاقت حياة لقت قدامها شاب لابس ميري وبإبتسامة الحمد لله على سلامتك
فضلت مركزة ثواني لحد ما الرؤية اتظبطت قدامها وبصوت خاڤت أنت ااا أنا أنا شوفتك قبل كدا
إبتسم الظابط عندك حق احنا فعلا اتقابلنا وفي ظروف مشابهة لدي كمان بس مش وقته خلينا في المهم أنا الظابط نادر الشافعي الحقيقة أنا قرأت المحضر والتحريات كويس اوي بس عاوز أسمع منك أنتي اللي حصل
بصت في الأرض بكسرة قرأت اللي اتقال عليا ولسه عاوز تسمع مني!
أنتي لسه ع ذمة التحقيق يعني مثبتش أنك مذنبة
حركت إيديها پقهرة والكلا بشات دي ليه لو أنا مش مذنبة !!! واحدة أنطعن في شرف ها من واحد الناس فاكرة أنه أبوها تفتكر الناس هتصدقني وتكدبهم ! أنا خلاص مش قادرة اقاوم تاني أنا عاوزة أمو ت أكيد هلاقي هناك الراحة اللي اتحرمت منها عمري كله .. أكيد مفيش هناك أب بيعذ ب بنته ولا حبيب بيخ ون حبيبته ولا ناس كل همها ټجرح قلوب غيرها
اتكلم بهدوء رهيب استغربته حياة طيب ايه رأيك أبدأ أنا الكلام ... نبدأ مثلا بالحبيب اللي بيخ ون حبيبته قصدك عمار ولا سليم
عيطت حياة اكتر ودف نت وشها في المخدة پقهرة فقفل نادر الدفتر وطلب من أمين الشرطة يخرج برا ووجه نظراته ليها وتكلم حياة أنا عارف أنك مظلومة وأنا هنا علشان نفسي اطلعك منها أنا أصريت أخد قضيتك من زميلي علشان أنا اللي أحقق معاكي أرجوكي ساعديني اطلعك من القضية دي ي حياة أنا بجد عاوز أساعدك
بصتله بستغراب من كلامه هو أنت بتعمل كل دا ل...
قاطعها بتلقائية ليه يمكن جاوبتك ع السؤال دا في الاول ومختيش بالك قولتلك لأني عارف أنك مظلومة
بستغراب ياااه هو ممكن حد غريب عنك يصدقك للدرجة دي ويبقي واثق فيك حتي اكتر من أقرب الناس ليك!
ممكن ليه لا
ضحكت حياة پقهرة وهي بترشف وردت ليه لأ ! عمار مجاش لحد دلوقتي يمكن الناس في دنيتكم غير عندنا .. يمكن القلوب مختلفة زي ما الهدوم والوشوش مختلفة ي نادر بيه بس للاسف المرة دي ثقتك مش في محلها .. أنا مذنبة عملت جرم كبير أوي ولازم اتحاسب عليه
جرم كبير!!
راغت عينيها بالدموع وهي بتتكلم دافعت عن نفسي وشرفي من كل ب استغلني لسنين طويلة علشان شافني بنت بسيطة مليش حد اتسند عليه... أني رفضت أكون سلعة رخي صة اتباع للي يدفع اكتر واتذل واتهان لحد ما يزهقوا مني ويرموني بعدها دا جرم كبير .. أني أقف وطلب يكون ليا كرامة مش واحد شايفني دايما من منظار مقارنة بيني وبين حد حاططني في خانة الاختبار يشكلني زي ما يحب يبقي دا جرم
