رواية مكتملة للكاتبه منال عباس
لله انتى اخبارك
مريم بخجل انا كويسه كنت عايزة اسألك عن قريبك اللى كان موجود امبارح عندكم
مروان تقصدى رامز دا ابن خالتى
ليأتى صوت رامز من وراءه
رامز مين بيجيب فى سيرتى
مريم بخضه رامز اقصد حضرة الضابط رامز
بتسأل عليك اسيبكم انا علشان اتاخرت على كامى وتركهم وغادر
رامز كنتى بتسألى عنى
مريم بارتباك واضح انا لا اقصد
رامز ممكن تهدى اتفضلى غيرى هدومك انا عارف انك خلصتى شغلك
واستأذنت طنط أننا هنتغدى مع بعض
رامز بقولك ايه مريم روحى غيرى هدومك انا منتظرك واعتبريه أمر وضبط وإحضار
مريم بابتسامه لاسلوبه فى الحديث
طيب أمرى لله
عند فريدة
تجلس بحجرتها وتخرج البوم الصور وتشاهد صور احمد مع أخيها
يطرق الباب زاهر أخيها تغلق الالبوم بسرعه وتقوم وتفتح له الباب
فريدة لا ابدا انا كويسه
زاهر طب قومى تعالى اقعدى معانا
فريدة حاضر ثم نظرت له وتحدثت
عارف قابلت مين امبارح
زاهر مين
فريده احمد
فريدة احمد صاحبك احمد سعيد عز الدين
زاهر يااااااه احمد تعالى احكيلى شوفتيه فين دا واحشنى جدا يتبع
الجزء الثاني
البارت الثالث عشر
تخبر فريدة أخيها زاهر عن أحمد
زاهر ياااه احمد تعالى أحكيلى شوفتيه فين دا واحشنى جدا
زاهر طب اخدتى رقم فونه اتصل عليه
فريدة الحقيقه انحرجت بس عرفته أنه يزورنا
زاهر طب كلمى مدام ماسه واطلبي منها رقم احمد علشان أكلمه
فريدة بفرحه حاضر وجريت بسرعه تلتقط هاتفها لتتصل على ماسه
فريدة الو مدام ماسه
ماسه الو اهلا يا دكتور فريدة
فريدة عامله ايه دلوقت
ماسه مفيش حاجه نايمه ديما ومش بتحرك زى ما طلبتى
فريده معلش فترة وتعدى كنت عايزة استأذنك فى طلب
ماسه من غير استأذان اتفضلى
فريدة زاهر اخويا يبقي صاحب دكتور احمد وهو كان بس عايز رقمه علشان يكلمه
ماسه اه طبعا ثوانى امليكى رقمه
واعطتها رقم احمد
كتبت فريدة الرقم وشكرت ماسه وأغلقت الهاتف
مسكت الرقم ودونته على هاتفها بسرعه ثم ذهبت ل زاهر لتعطيه الرقم
زاهر شكرا يا فوفا وأخذ الرقم وجلس
فريدة ايه مش هتتصل عليه
زاهر فى نفسه ياااه يا فريدة بعد السنين دى كلها لسه قلبك متعلق بيه
فريده بكلمك يا زاهر ساكت ليه
والدتها هو مين اللى يكلمه
فريدة احمد صديقه اللى كان بيجى هنا ايام الجامعه
نظرت لها والدتها فهى تعلم جيدا كم كانت ابنتها متعلقه به
الام زاهر ساكت ليه
زاهر لا ابدا هتصل عليه اهو واتصل على احمد
احمد الو
زاهر الو عاش من سمع صوتك
احمد اعذرنى مين معايا
زاهر حقك ما انت من الناس اللى خلصوا الجامعه وما سألوش تانى ونسيوا أصحابهم
احمد زاهر صح انا آسف بجد
اخبارك يا زاهر والله واحشنى وعلى بالى ديما
زاهر يا شيخ المهم طمنى عليك اتجوزت ولا لسه
احمد الحقيقه لأ انا هنا عند بنت عمى اكيد هنتقابل انت واحشنى جدا انت وماما وواحشنى القهوة من ايديها
زاهر يبقي ننتظرك النهارده على العشاء ولا نسيت العنوان
احمد لا ازاى أن شاء الله اجيلك سلم على الجميع واغلق الهاتف
عند مريم
رامز تحبي نتغدى فين
مريم فى البيت انا معرفش اتغدى من غير ماما
رامز يبقي ناخد الاكل معانا وناكل كلنا سوا
مريم باستغراب ليه
رامز ايه اللى ليه
مريم ليه بتعمل معايا كدا
رامز الحقيقه مش عارف من اول ما شوفتك وانتى شدتينى ليكى يا آنسه مريم انا عارف انى اكبر منك بكتير
لترد مريم بسرعه لا مش كتير انا عندى 28 سنه
رامز بابتسامه انا عندى 39 سنه والحقيقه حاسس بناحيتك بمشاعر حلوة ونفسي اتعرف عليكى اكتر وتعرفينى
مريم ليه
رامز هيكون ليه يعنى عايز ارتبط بيكى يا مجننانى
مريم بخجل ازاى دا انا انا
رامز بقلق فى حد فى حياتك
مريم لا والله العظيم
رامز طب علشان انا اكبر منك بكتير صح !
مريم لا مش كبير ولا حاجه
رامز اومال ايه ليه رافضه
مريم هو انا رفضت امتى
رامز بفرحه افهم انك موافقه مبدئيا نتعرف ونقرب من بعض ونفتح قلوبنا لبعض
مريم طب هتغدينى ايه علشان اوافق
رامز بضحك اللى تؤمرى بيه يا ست البنات
مريم طب يلا بينا على الحاتى كباب وكفته ولا انت بخيل
رامز يلا بينا وانا اجيبلك كل اللى فى المحل بس انتى توافقى
عند ماسه
صبا حبيبتى انتى لسه برضو ما أكلتيش حاجه والله ازعل منك
ماسه ارجوكى يا صبا انا ماليش نفس
صبا طب اشربي بس اللبن وحياة ساجد ما
