روايه زوجة الابالسة رائعه وكامله بقلم هدى زايد

بشار ديه يا دوب دريت باللي حصل معذروة برضك
نظر بشار نظرة حزينة تعبر عن الحزن داخله و قال 
خاېف تطلب الطلاج 
ديه طبيعي و بعدين مش بتجول إنها طلبته منيك اهني ! 
ايوه بس ديه كان وجت زعل و كنت متوقعها إنما لما تهدأ و تفكر زين اكيد ها تطلب الطلاج تاني و ساعتها ابوها و امها ها يجفوا في ضهرها بالعند في چدي
تنهد عمر بعمق ثم قال بإبتسامة باهتة 
متجلجش يا بشار خديچة عتحبك و اللي فيها ديه من صډمتها فيك لكن لما تهدأ و تعرف إنك فعلا تبت عن الطريج هترچع كيف ما كانت و احسن قمان
نظر بشار له و قال بإبتسامة جانبية قائلا 
يعچبني فيك الهدوء ديه يا عمر بيخرچ منيه حاچات تودي ورا الشمس .
رد عمر بإبتسامة و حدثه بثقة قائلا
الصمت لغة العظماء
وقف بشار عن الأريكة و قال
أني راچع الدار مش هاتچي معاي!
رد عمر بهدوء و قال 
لا روح أنت أني لسه ورايا حاچات كاتير محتاچة تتعمل 
على كيفك سلام
بعد خروج بشار ولج رجل تجاوز الأربعين نظر له نظرة غيرة مباشرة حيا الرجل بشار ثم هتف قبل أن يلج و قال بإبتسامة واسعة
كيفك يا داكتور عمر
فرد عمر ظهرها للخلف و قال 
تعال يا شداد
جلس شداد على المقعد مقابل عمر و قال 
اطمن يا كابير كل اللي جلت عليه حصل
كان عمر يتحرك بالمقعد في مكانه بهدوء ثم قال
الرچالة كلتهم چاهزين 
رهن إشارتك يا كابير وجت ما تجول نتحركوا هنتحركوا و نغفلجها على

الكل
مد عمر يده داخل مكتبه ثم القى النقود على سطح المكتب و قال
خد دول خلي الرچالة تأكل و ترم عضمها زين الطلعة الچاية شديدة جوي 
خيرك سابج يا داكتور
تابع بتذكر قائلا 
صح يا كابير في حاچة نسيت اجل لك عليها
رد عمر و قال 
حاچة إيه دي !
نظر له شداد و قال بتوجس من ردة فعله 
الست حسنة
حرك عمر رأسه و قال بتساؤل
فيها إيه حسنة 
كانت واجفة وياه بتتحدت و عينها هتطج شرار 
مين ديه يا شداد ! 
چوزها زين القصاص
صحح عمر بشرود قائلا 
مبجاش لسه چوزها يا شداد كاتب عليها بس
تنحنح و قال بجدية
ماله زين القصاص 
كان واجف وياها وعميجرب منيها و هي تبعده و فچاة صوتها حسها علي و سفخته كف على وشه كان هيرد لها الكف بس الاستاذ خالد چه و حاشه عنيها
سأله عمر بفضول قائلا
و هي عملت إيه بعد كده 
اجابه شداد بهدوء 
عودت على بيت الكابير و احنا فضلنا وراها من غير ما توعى اننا بنراجبها و هي دلوجه في دارها و سايب دهشان مقاني
مد عمر يده ليخرج نقود إضافية ك مكافأة له و ل رجاله الذين يباشرون عملهم بكل ما تحمله الكلمة من معنى القى لها أمام شداد و قال 
تسلم يا شداد هو ديه اللي مستنيه منيك برضك خد حلي خشمك أنت و الرچالة 
تسلم يا كابير عشت و الله بس ديه كاتير جوي 
ما فيش حاچة تكتر عليك طول ما أنت واعي و شايف شغلك زين
نظر عمر لشاشة الحاسوب النقال ليجد جده يلجمن البوابة الرئيسية عاد ببصره ل شداد و قال
روح أنت يا شداد و ابجى ابعت لك بعدين 
حاضر يا كابير عن اذنك
و بعدها لك يا عمر ما ناويش تهمل اللي في راسك ديه أنت كده بتلعب بالن ار
اردف الجد حسان عبارته و هو يلج غرفة المكتب الخاصة بحفيده بينما تابع عمر خطوات جده الواسعة و التي تتناقض مع عمره جلس الجد على المقعد المقابل لحفيده 
نظر له و قال
عاوز إيه يا عمر 
أني ماعاوزش حاچة واصل أنت عاوز حاچة 
عمررر !!
خير يا چدي متزرزر ليه كده 
كنك متعرفش إن بشار اتچوز بت فؤاد القصاص
رد عمر بإبتسامة ماكرة
وه ! كنك أنت نسيت إنك رايدها لو احد منينا !
دب الجد حسان عصاه أوضا و قال
ديه كان كلام واد عم حديت أني و فؤاد القصاص مينفعش نبجوا نسايب
هدر عمر بصوته الجهوري متناسيا مكانة جده و هيبته ثم قال
و دلوجه افتكرت الحديت ديه بعد إيه بعد ما خلتها تروح من يدي جلبك مرتاح دلوجه 
ابتسم الجد إبتسامة جانبية و قال
كن جلبك مش جاعد ياواد أنت إيه الچبروت ديه يا عمر جبته من فين 
اتقي شړ الحليم إذا ڠضب يا چدي و ڠضبي مش هايخلي حد يتهنى بحاچة كانت و مازالت ل عمر الدهشوري 
جصدك إيه يا واد أنت جصدك إن حسنة ليك
طرق عمر بكلتا يده على سطح المكتب و قال 
و مش لحد غيري يا چدي مش لحد غيري صدجني و مين كان يكون لو جرب منيها يجول على نفسه يا رحمن يا رحيم .
وقف الجد و قال بإبتسامة واسعة 
راچل من ضهر راچل اعملها يا عمر .
تبادل كلا منهما نظرات التحد و الڠضب المكتوم تجاه بعضهما البعض ترك الجد حفيده يعيد حساباته من جديد عله يتراجع عن ما يدور في رأسه لا يعرف أنه نفذ تهديداته