رواية نهاية احزاني (حصريا) للكاتب عادل عبد الله
كنت بترجاها تشتري ليا هدوم لكنها كانت بترفض .او كانت تشتري ليا حاجه بسيطه ورخيصة علشان بابا مش يعاتبها .
كنت بقعد لوحدي مش لاقيه حد العب معاه .طلبت من بابا انه يجيب ليا قطة العب معاها لكن خالتي رفضت وقالت ان القطط هتبهدل البيت .
شوفت قطة كانت بتيجي علي سلم البيت وكنت بخرج العب معاها علي السلم .لكن خالتي كانت بتضربني وتمنعني اخرج العب معاها .
لما خلصت الاعدادية كنت عاوزة ادخل ثانوية عامة لكن خالتي قالت لبابا ان مصاريف الثانوية العامة كتير ولسه في عيال تانيين محتاجين مصاريف .وكانت عاوزة تقعدني من المدرسة
الحلقة الثانية
لما خلصت الاعدادية كنت عاوزة ادخل ثانوية عامة لكن خالتي قالت لبابا ان مصاريف الثانوية العامة كتير ولسه في عيال تانيين محتاجين مصاريف .وكانت عاوزة تقعدني من المدرسة .
حسيت ان مستقبلي ضاع بعد ما كان كل حلمي اني اكون دكتورة بابا دخلني دبلوم تجارة !!!!!!!
استسلمت للواقع وبدأت اذاكر كويس علشان اكمل تعليمي بعد الدبلوم .
في الوقت ده بدأت اشعر بالحب ناحية شادي ابن خالي .
شادي كان اكبر مني باربع سنين وكان في الجامعة وكان دايما بييجي البيت عندنا هو وباباه ومامته واخواته لأن انا بنت عمته وفي نفس الوقت خالتي مرات بابا تبقي عمته بردو .
لكن خالتي لاحظت اهتمامي بشادي وحاولت تمنعني عنه لكن انا كنت اول ما ييجي عندنا كنت بقعد معاه ومش بهتم بكلامها .
لحد ما في يوم سمعتها وهي بتقول لبابا بنتك عاوزة تفضحنا .
بابا انزعج اوي وسألها اي اللي حصل
قالتله اني راميه نفسي علي شادي وقالتله ان شادي لو مش متربي كويس كان مشي معايا وعمل معايا حاجات غلط وتبقي في الاخر ڤضيحة .
بابا سألني اذا كنت حاسه بأي حاجه ناحية شادي انا خۏفت اقوله احساسي فقولتله لا هو ابن خالي وبس مش اكتر .
سألني ليه لما شادي بييجي عندنا البيت بفضل قاعده معاه طول الوقت واتكلم معاه هو بس
قولتله علشان بحب كلامه عن الجامعة وانا بحب اسمع اي حاجه عن الجامعة .
وفعلا في اخر سنة في الدبلوم كانت درجاتي عالية جدا .
وحصلت مشاكل كتير بين بابا ومراته علشان ادخل الجامعة وفي النهاية دخلت الجامعة ڠصب عنها .
لما دخلت الجامعة جالي هدايا كتير لكن اجمل هدية كانت هدية شادي .
شادي جاب قطة جميلة اوي اجمل قطة شفتها في حياتي لانه كان عارف اني بحب القطط اوي .وانا سميت القطة بوسي . بقلم عادل عبد الله
اخواتي كمان اسماء وعمرو كانوا بيحبوا القطة بوسي اوي وبيلعبوا معاها .
لكن خالتي عملت حاجة كانت غريبة اوي .
رغم ان اسماء اختي كانت لسه في تالته اعدادي كانت مامتها لما ييجي شادي عندنا كانت بتعمل ميك اب كامل لاسماء وتلبسها فساتين جديدة .
وكانت احيانا تاخدها بميك اب وتروح بيها عند خالي ابو شادي .
الجميع فهموا ان خالتي عاوزة شادي يخطب بنتها اسماء .
انا كنت هتجنن من الغيرة .شادي حبيبي انا .صحيح مش اتكلمنا مع بعض في الحب لكن كنت حاسة انه بيحبني انا .
بدأت انا كمان اهتم بنفسي ومظهري علشان الفت انتباه شادي ويتكلم .
وفعلا بعد كام شهر من دخولي الجامعة شادي كلمني انه بيحبني وعاوز يخطبني .
كان اسعد يوم في حياتي .حسيت اني اخيرا الدنيا ضحكتلي بجد .
خالتي لما عرفت قومت البيت حريقة وكانت رافضة .لكن بابا وافق لأنه كان شايف شادي مناسب ليا وكمان علشان يبعدني عن مراته .
وفعلا تمت الخطوبة وكانت خالتي ھتموت من الزعل .
رغم زعل خالتي لكنها مش قدرت تظهر ده قدام شادي وباباه ومامته .
لكن بدأت تحاول تضايقني بطريقة غير مباشرة .
بدأت تخبي عني كتبي وحاجاتي .لحد ما في يوم حطت سم في اكل القطة بوسي .
ولما رجعت من الجامعة لقيت بوسي ماټت .
مش عارفة اوصفلكم ازاي زعلت عليها زي ما تكون حد من اهلي .بوسي كانت اغلي حاجة عندي في الدنيا .
اخدت القطة انا وبابا وروحنا ډفناها في مكان بعيد .دموعي في اليوم ده فضلت نزله طول اليوم لحد ما دخلت انام .
وقبل ما انام مسكت صور بتاعتي كنت متصوراها مع بوسي وببصلها واعيط .لحد ما نمت .
لكن وانا نايمة حسيت
