حماتي حبس0تني في بدروم كامله بقلم هويدا زغلول
عتمان _مالك يا ايمان شكلك عامل ليه كده انت خايفه مني ولا ايه
ايمان _لا مش خايفه منك امي قالتلي ان انت جوزي وما ينفعش اخاف منك بس انا كنت عايزه عايزه اقعد معاهم شويه
عتمان _مش عايزه تقعدي مع جوزك اللي جايب ليكي الشقه الحلوه دي وجايبلك حاجات حلوه كتير في الاوضه
ايمان _لا اقصد يعني كنت عايزه اقعد مع امي
عتمان_ طيب تعالي معايا اوريكي الحاجات
الحلوه اللي انا جايبها
وبعدها دخلنا الاوضه وهو طفاه
النور وبعد ساعه قام ودخل الحمام وانا فضلت اعيط وتاني يوم كنت نايمه وهو مكنتش جمبي علي السرير ولقيت أمه طالعه الشقه كانت ست مهتمه بشكلها لابسه جيبه وبلوزه وفتحت ودخلت الاوضه وقالت
الام _ما تقومي يا عروسه ابني انتي هتفضلي نايمه لحد الظهر ولا ايه،.وانا فتحت عيني وقولت
ايمان _ايه ده هو انتي مين اقصد يعني مش بتعملي ايه هنا في الاوضه، وبعدها دخل
عتمان عامل يضحك وكان ماسك الفوطه في ايدو بينشف وشه وقال
عتمان _في حد يقول لامه الكلمه دي برده الست دي تبقى امي ومن النهارده
لينا فطار،
وبعدها قومت ودخلت المطبخ وهما كانو قاعدين علي السفره ولقيت الباب
بيخبط جامد خرجت من المطبخ فتحت وكان احمد اخو عتمان بس من الاب كان شكله
صغير كان شاب وسيم عضلات وبدقن
وشعر طويل وقال
احمد _هو فين اوعي كده وبعدها دخل ووقف قدام السفره وقال برده ما فيش فايده فيك يا عتمان روحت واتجوزت تاني وعتمان
عتمان _ما تقعد يا احمد تفطر مالك واقف ليه
وبعدها قام وقف وقال بصوت عالي اه طبعا هتجوز ثاني وثالث لحد ما اجيب الواد اللي هياخد الورث من عينيكم
احمد _هو انت ليه مش راضي تصدق ان المشكله من عندك انت مش من عند حد ثاني وهي بقى العروسه الجديده، وأمه بصت ليا وقالت
بص ليا وانا كنت خايفه اوي وبعدين قال لعتمان
احمد _هو انت اكيد اتجننت معقول هي دي العروسه انت متجوز عيله من دور عيالك
الام _وانت مالك انت ما يتجوز اللي عايز يتجوزها هو جه خد فلوس من جيبك وقالك جوزني على حسابك
وفضلت وافقه مكاني وعتمان قال لامه
عتمان _اخواتي طمعانين فيا قوي يا امي مش عارف هما ليه بيعملوا معايا كده
