" أظافرك يا آنسة " بقلم ندى الحداد
انت في الصفحة 15 من 15 صفحات
- عارف لو ماجبتش مانجا مش هسامحك بس.
- اصلًا.
- اصلًا.
- طيب تعالي نروح دلوقتي لأني تعبت، وبكره هجبلك مانجا كتيرر.
- بجد.
- بجد.
لفينا كتيرر وملقيناش حد فاتح اصلًا هه، يعني بجد انا عايزة مانجا وفوقت متأخرّ زي كده، هو احنا فـ روايه هبطانه اقوله روح جيب مانجا الاقيه فدقيقة جابها، وبس بقى عدى اليوم وعدى اسبوع وما أكلتش المانجا ولا خرجني زي مقال، وقبلت اعتذاره بدون مانخرج، شوفتوا انا زوجه شاطرة ازاي.
- علفكره أنت قولتلي هنخرج وماخرجناش.
- حاضر والله هنخرج بس لما أكون فاضي.
- يعني مانت نايم اهو.
- اتكلم ببساطة: مانا مش فاضي عشان نايم.
- يبقى فاضي.
- لا نايم.
- يلا نخرج عشان ما انكدش عليك.
- حاضر بكره هخرجك جامد أوي.
- ياسين.
- مالو ياسين بس عملك إي.
- هي بقت كده.
- اتعدل وفرك عيونه: روحي البسي هخرجك.
- ثواني وهكون جاهزه.
لبست ونزلنا كانت الساعه عشره بالليل، روحنا اتعشينا، ماهو لازم الشرط يتنفذ، وعملت السيشن بردو، وروحنا للبيت اللي كنت هخ/بط عليه أول مره واشترينا منهم مانجا، وعدى اليوم بكل لُطف.
روحنا للبحر ووقفنا هناك شوية.
- بشكر ربنا عليك وبشكر اللحظة اللي جمعتني بيك، ياسين أنت علمتني حاجات كتيره أوي، انا ماكنتش أعرفها، خلتني أقرب من ربنا، ولبسي بقى شرعي، وعلمتني أقرأ القرآن، تعرف انا هعيش العمر كله حطاك فـ عنيا.
- حط ايده على كتفي: ده كله بفضل ربنا، عشان ربنا بيحبك بعتني ليكي.
- ربنا مفيش أجمل منه، حقيقي الإنسان لو عاش العمر عمرين عشان يوصف عظمة ربنا مش هيقدر ولا هيعرف اصلًا لأن ربنا ملوش وصف من جماله وعظمته وابداعه فالخلق.
- باس دماغي: سدرة انتي عوض كبير من ربنا ليَّ.
- برأيك هكون أم كويسه.
- وليه لا، هتكوني أحسن أم فـ الدنيا، ابننا هيكون محظوظ لأن انتي هتكوني أمه، زي مابتعرفي تمتصي غض/بي وعصب/يتي، هتعرفي تكوني أم كويسه جدًا وجدًا كمان، زي مابتعامليني كأني أبن ليكي مش جوزك هتعرفي تعاملي أبننا كويسه، هو هيكون محظوظ إن انتي أمه، لانك هتطلعيه سوي نفسيًا وهيعرف يتعايش مع المجتمع اللي احنا بقينا فيه، شب عارف دينه وبيحترمه، ويحترم البنت اللي فالشارع لانها ممكن تكون أخته أو أمه أو مراته...إلخ.
- أوعدك إني هكون كده ولو ماكنتش فعشانك هحاول وهكون.
آتيت أنتَ وغيرت كُل حياتي.♡
