رواية بنت الأكابر بقلم ندا الشرقاوى

أحمد.... أنا آسف

قمر... وه أحمد المحمدي بيعتذر ومن مين، من حرمة

أحمد.... لا بعتذر من الكبيرة قمر المحمدي

قمر.... ليه وعلشان اي

أحمد...... علشان فوقت يا قمر، عرفت احنا ليه ممسكناش الاملاك عرفنا ليه محدش فينا بقا الكبير، لكن أنا عاوز اكون معاكِ وادير الشغل معاكِ

قمر.... بس مش هتبدا كبير زي ما أنا بدات صغيره وكبرت تكبر زيي

أحمد..... موافق

قمر.... وأمك طول ما أنت في طوع امك مش هتكبر ولا ليك اسم مش بقولك كده انك تخرج من طوعها لكن امك اخرتها مش خير

أحمد.... للأسف عارف ربنا يهديها

قمر..... قوم بقا اسبقني على الشركة هبلغ معتز يقابلك لحد ما اخلص تمرين واجي

أحمد..... هتنزلي كده

قمر ابتسمت قائلة..... كل بلد وليها لبسها يا عم أحمد وانا اصلا مش محجبه، بلاش تعرض لعيلة الراوي يا أحمد

احمد.... أنا عملت اي

قمر.... أنا بقولك بس يالا بينا، اطلع على الشركة

خرجا سويًا اتجه أحمد إلى الشركة، وقمر إلى الممشى والچيم

بعد مرور عدة ساعات كانت انتهت قمر من الرياضة وعادت إلى المنزل مره أُخرا لتُبدل ثيابها وتتجه إلى الشركة 
دلفت إلى الشركة متجهة ناحية المصعد، صاعدة إلى الدور الأخير لمكتبها 
وقف المصعد لتخرُج قمر متجه إلى مكتبها وقفت أمام المساعدة الخاصة بها

قمر..... مستر معتز معاه حد جوه

المساعدة(سمر)......ايوه يا فندم معاه ابن عم حضرتك

قمر.... تمام ممكن 3 قهوة وحده مظبوطة واتنين سادة

سمر..... تمام يا فندم

دلفت قمر إلى الداخل وجدت معتز في يده بعض الاوراق يشرح لأحمد 
معتز.... نورتي يا برنسيسة

قمر.... نورك يا ميزو، هاا اي الاخبار

معتز.... كله تمام

قمر..... ناوي على اي يا أحمد، هتقعد في مصر شهرين وتنزل البلد كل كام يوم ولا اي

أحمد..... موافق

قمر..... تمام.... يالا اتنوا الاتنين عاوزه اشوف شغلي وبلغ سمر تبعت القهوة لمكتبك لاني طلبت ليكوا قهوة