رواية اخطأت وأحببتك كاتبة سوليية نصار
انت في الصفحة 7 من 7 صفحات
هنروح بلدنا يا حيلتها عشان نوريك ازاي تحاول تد*نس شرف واحدة منينا...
بصلنا بخوف فروحت ومسكت تقي اللي كانت بتبكي وابتسمتلها وقولت:
-متقلقيش كلنا معاكي...
بالعافية. اخدنا تامر البلد وانا وشباب العيلة وضبناه كويس اووي...اتطمنا أنه مسح كل الفيديوهات الخاصة بتقي...وخلينا ضابط معرفة يمضية علي عدم تعرض ويخلص الموضوع في سرية تامة...وبكده ضمنا أن تأمر عمره ما يقدر يقرب علي تقي...كنت بشوف في نظرات تقي الراحة والسعادة...
-انا مهما عملت مش هعرف اشكرك ازاي يا حسام..انت ابن حلال وتستاهل دايما الاحسن.....رغم اللي عملته بس وقفت جمبي ومتخلتش عني في الوقت اللي حسيت نفسي ضعيفة عشان كده قررت اعمل حاجة صح...
سكتت شوية وقالت:
-طلقني يا حسام...وروح اتجوز رانيا انا عارف انك بتحبها...
ابتسمت وقالت:
-حسام اللي اعرفه مش هيفقد الامل...كلمها وقولها اني جوازنا كان غصب عنك...بس.طلب بلاش تقولها الحقيقة بلاش تقولها علي الغلط اللي ارتكبته...أنا توبت عنه ومش عايزة اتف*ضح...
-بس ابويا
-انا كلمت عمي متقلقش...
لقيت بابا قرب عليا وحضني وقال:
-كنت غلطان لما اجبرتك تتجوز بس كنت عارف انك الوحيد اللي هتحافظ علي شر*ف بنت عمك وتجيب حقها..بس دلوقتي بقولك اختار حياتك اللي عايزها يا حسام....
من تقي عرفت أن علاقتكم مستحيلة...انت مش هتنسي اللي شوفته ولا هي هترتاح معاك...انت عملت الي عليك اتجوزتها وسترتها بس دلوقتي بديك كامل الحرية تشوف حياتك..
وبالفعل طلقت تقي وهي كانت مرتاحة بالقرار ده وانا كمان...مقدرتش اسامح واكون معاها..لاني دايما هفتكر الغلطة اللي عملتها...هفتكر اني شوفت بعيني مراتي في وضع مخ0ل...وهيجرحها دايما غير أن قلبي عرف مساره واكيد تقي هتنسي مشاعرها ليا وتلاقي اللي يحبها...
كانت تقي بتبص لحسام ومراته وهما بيرقصوا مع بعض...عيونها كانت مدمعة وقلبها و*اجعها...هي حبت حسام غلطت وحبته وهو مش ليها واتمنت أنه يسامحها بس كده افضل...افضل ليها تبتدي مع حد ميعرفش ماضيها ايه...قرب هشام منها وهو بيبتسم وقال:
-علي فكرة أنا احلي منه وبعرف ارقص سلو احسن منه وواقع اووي كمان ومحتاج عروسة تكون أقصر مني بخمسة سنتني واول حرف من اسمها يكون تقي...
-قولتي ايه...ابويا عايز يفرح بيا وانا مستنيكي من زمان..
-اديني فرصة افكر
-ايه الغرور ده يا ست ولا انتي عشان زي القمر...
مشيت تقي من قدامه وهي بتضحك من قلبها...
بعد شهرين اتجوز هشام وتقي كمان..طبعا مقولتلوش علي الماضي بتاعها وانا اللي.طلبت منها تعمل كده لأنها تابت بجد ورجعت لربنا ومن حقها تبدأ حياة جديدة
تمت
النهاااااية
