الدكتوره وكبير الحاره بقلم رحاب القاضي

نور _
راح عند صباح مرات المرحوم عادل ودخل وقفل الباب عليهم..

علا_
انتي متاكده خالد عمل كده؟..

نور _
ايوه وقدامي عشان يغي@ظني بس انا مش فارق معايا..

ضحكت علا _
لا فعلا واضح انه مش فارق معاكي ي غبيه ده هو عمل كده عشان يغ@يظك..

زعقت نور بدموع _
دخل عندها والله واعلم بيعملو اي، بس براحته مش فارقلي..

علا _
اعترفي بقي ي نور انك بتغيري عليه وبتحبيه..

ادايقت نور_
مش عارفه بقي ي علا، ويلا عشان منتاخرش ع الجامعه..

_مشيت نور وكان خالد واقف ورا الشباك بتاع شقة صباح ولما شافها ركبت تاكسي مع صاحبتها ومشيت، بعد من عند الشباك وجه يطلع من الشقه..

بس مسكته صباح من ايده وقالت_
استني، جيت فاي وماشي فاي احنا متكلمناش..

زق/ها خالد وزعق فيها _
ولا هنتكلم اصلا، انا جيت بس عشان خاطر المرحوم وقولت يمكن محتاجه حاجه وسايبك قاعده فالحاره برضو عشان خاطره بس انتي متستهليش اصلا تشيلي اسمه لا وهو عايش ولا حتي بعد مراح للي خلقه..

خاف/ت صباح وسألته _
يعني اي؟..

خالد _
يعني تلمي حاجتك وتاخدي بعضك ومشوفش وشك فالحاره والجو الرخي@ص ده روحي اعمليه فبلدك فاسكندريه انما دي حاره محترمه..

_سابها ومشي وهي كانت متغا/ظه منه، فكل رجالة الحاره بيتمنو منها نظره وهو مش شايفها اصلا وكمان طردها من الحاره كلها..

ــــــــــــــــــــــــــــــــــــــــ

بعد كام يوم..

ام نور _
اغز@ي الش/يطان وكلميه ي نور وقوليلو انك نازله..

لفت نور حجابها وردت ع مامتها _
مش هقوله ولا هكلمه واللي معاه يعمله  بتاع صباح..

ام نور _
يبنتي اهي صباح سابت الحته كلها ومشيت اهدي بقي..

نور _
الله واعلم بقي مشيت ولا هو اللي جابلها حته فمكان تاني عشان يبقي ع راحتو..

ام نور._
لا ي نور انتي كده متعرفيش خالد، هو تلاقيه عمل كده عشان يغيظك بس خالد متطلعش منه العيبه..

اتنهدت نور _
يوووه بقي ي ماما خلاص، انا هنزل ومش هقوله اني نازله هيعمل اي يعني هيجي يزعق يمد ايده اتعودت خلاص بس بعد. كده لا هستاذنه ولا هكلمه،وخلي صباح تنفعه..

مشيت نور وقالت ام نور_
ربنا يعدي الايام دي ع خير ياارب..