الدكتوره وكبير الحاره بقلم رحاب القاضي

_نزلت نور من بيتهم وكانت رايحه فطريقها لبيت علا عشان يروحو الجامعه، بس طلع فجأه فوشها علي..

نور _
بعد اذنك لو سمحت عديني..

علي _
حقه خالد ميشوفش غيرك مهو الجمال ده مش موجود منه فاي حته..

زعقت نور فيه _
انت مش محترم وعديني احسنلك..

علي _
ولو معدتكيش هتعملي اي هتكلميه يجي..

خافت نور _
انت عايز مني اي؟..

قرب منها فرجعت لورا وقالها _
كده حلو فهمتيني، عايز منك ي حلوه توصلي للبيه بتاعك انه لو قرب من اللي يخصني عنده هيبقي ساهل عليا اووي اخد اللي يخصه وانا اللي هبقي كسبان برضو..

سابها ومشي وهي كانت بتتنف@ض من الخوف، وطلعت موبيلها ورنت ع خالد بس كان موبيله مقفول، كانت خا@يفه تتحرك ولقيت نفسها ريحاله البيت..

_كان خالد فبيتهم قاعد مع عيلته كلها وبيفطرو..

حامد _
قولي ي يوسف العروسه اللي جبتهالك نعمه مش عجباك لي؟..

ادايق يوسف وبص لـ لبني _
مش عايز اتجوز ي حج دلوقتي..

اتعصب حامد_
لي هتقعدلي زي اخوك كده طيب هو مستني ست الحسن والجمال ترضي عليه، انت بقي مستني اي؟..

اتنهد خالد _
مستني ست الحسن والجمال بتاعته هو كمان ترضي عليه...

نعمه _
حتي انت ي يوسف ي خيبتك فعيالك ي حج..

حامد_
طيب قول ي يوسف مين هي وسيبك من خالد وانا هجوزهالك النهارده قبل بكره..

بص يوسف لـ لبني اللي كل شويه تبص لخالد وادايق، وقام وقف وقالهم..

يوسف _
متشغلش بالك ي حج لما ربنا يريد هبقي اتجوز، انا طالع ع المحلات اشوف البضاعه االي جات امبارح..

خالد _
استني طيب نروح سوا..

يوسف _
افطر براحتك وتعالي ورايا..

_طلع يوسف ولقي قدامه نور وشكلها مدايق جدا وخاي@فه..

قلق وسالها _
مالك ي نور في اي؟..

نور _
خالد. جوه ي يوسف؟..

يوسف _
ايوه جوه في اي؟..

نور _
طيب معلش قوله اني هنا بسرعه..

يوسف _
طيب في اي طيب؟..

ادايقت نور _
يعم قوله وخلصني..

يوسف _
طيب بالراحه طيب هدخل اقوله..

دخل يوسف وقال لخالد _
نور بره عايزاك..