الدكتوره وكبير الحاره بقلم رحاب القاضي

رد. عليها بهدوء _
طيب متزعليش وتتقمصي كده، واستني هبعتلك حد من العيال يوقفلك تاكسي..

نور _
ملوش لزوم انا هوقف تاكسي وهروح..

خالد _
انا قولت استني وبعدين الوقت بدري وممكن متلاقيش..

نور بنفاذ صبر _
ي خالد عشان خاطري بقي والله هتاخر..

ضحك عليها وهي بتكلمه بهدوء شويه وقال _
ماشي ي نور وخلي بالك من نفسك..

اتنهدت نور _
طيب سلام..

_قغلت نور فبص هو لصورتها اللي حاطتها ع موبيله وضحك، وبعدين قام وطلع بره اوضته لقي مرات ابوه وبنتها بيجهزو الفطار..

قربت منه بنت مرات ابوه لبني اللي عندها 20 سنه وجميله جدا وبتحب خالد اووي..

لبني _
اعملك شاي ي سي خالد..

رد عليها بجمود_

شكرًا ي لبني خلي فتحيه تعمله..

لبني بحزن _
فتحيه مجاتش النهارده، بس انا ممكن اعملهولك والله..

خالد _
طيب انا قاعد فالبلكونه..

لبني بفرحه كبيره _
دقيقه وحده وهيكون عندك الشاي..

طلع يوسف من اوضته هو كمان وبصلهم وادايق فهو بيحب لبني  من زمان بس مش قادر يقولها لانه عارف انها بتحب اخوه..

يوسف بز/عيق _
هو محدش يعرف ينام فالبيت ده، اي الدوشه اللي ع الصبح دي..

لبني بهدوء _
معلش ي يوسف والله مقصد اعملك شاي مع سي خالد..

يوسف بهدوء _
ماشي ي لبني معلش هتعبك..

ردت عليه وهي داخله المطبخ _
تعبكم راحه..

بصلها يوسف وسرح فقاله خالد بخبث _
قول لابوك انك عايز تتجوزها وهو هيوافق والله..

يوسف بسهريه _
ابوك هيوافق، بس لبني مش هتوافق..

خالد وهو بيقعد ع الكرسي فالبلكونه _

بصله يوسف وكان عايز يقوله انها مش هتوافق بيا عشان بتحبك انت بس خاف خالد يزعل او تحصل مشكله فسكت..