الطالبة والمعلم _بقلم هويدا زغلول_

بقي انا لابسه كيس مخده يا مامي..

كريمه _
خشي يا بت جوه يلا في اوضتين متروقين اهم جنب بعض خدس واحده وادي امك واحده...

جومانه _
اسمعي كلام تيته يا حبيبتي وادخلي يلا..

_دخلت جني اوضه من الاوض ودخلت شنطها كلهم وبعدين قفلت الباب وغيرت هدومها وفتحت الشباك وفضلت تتفرج علي الحته بس فجأه وقعت عينها علي احمد اللي كان واقف قدام القهوه بتاعته وعينه عليها، خافت جدا منه ودخلت بسرعه وقفلت الشباك، وهو ضحك وقال..

احمد _
صلاة النبي احسن دي باينلها هتبقي ايام عنب...

ــــــــــــــــــــــــــــــــــــــــ

_دخل احمد بيته بالليل ولقي مراتاته الاتنين قاعدين مستنينه وهما بيبصوله بعصبيه، اتنهد احمد وقال بضيق..

احمد _
يا ساتر ياارب، في ايه منك ليها..

ردت عليه مراته الاولي صباح وقالت _
حمد لله علي سلامتك يا معلم..

قالت مني مراته التانيه بضيق _
نجهزلك العشا يا معلم..

احمد _
بطريقة ريا وسكينه بتعاتكم دي انا مش هدوق لقمه في البيت النهارده..

صباح بحده _
هي مين الخواجيه وبنتها اللي جم الحاره النهارده دول يا معلم

رد عليها احمد بسخريه وقال _
اللي خلاكي تعرفي انهم خواجات هيعرفك هي مين؟..

صباح بسخ@ريه _
اللي يهمنا انك غينك لا تزوغ علي الوليه ولا بنتها..

زعق فيها احمد وقال _
صباااااح اكتمي ياا وليه، مش المعلم محمد القنديل اللي تبقي وليه زيك تقوله يعمل ايه وميعملش ايه، انتي اخرك تدعي ربك اني عيني ما تشوفهاش عشان لو شافتها هجيبهالكم هنا..

مني بح@قد _
يعني اي@ه يا معلم انت ناوي تتجوز؟..

احمد بهدوء قالهم _
ايوه طبعا اومال هقعد معاكم انتو يا نسوان يا كسر وحده فضلت تاخد حبوب منع الحمل لحد مبطلت تخلف خاالص ووحده هي وحامل خبت ومرضيتش تقول لدكاتره عشان الحسد لحد ما العيل راح في بطنها...

مني بدموع _
ما انا قولتلك احمل تاني..

احمد بضيق _
الدكاتره قالت انك لو حملت تاني هتروحي فيها، وانا مش س@فاح عشان اخليكي تخلفي تاني...

صباح بعصبيه _
طيب قولنا بقي