رواية احبك منذ نعومة اظافري كاملة جميع الفصول من الفصل الأول إلى الاخير بقلم الكاتبة سلمى تامر
جاسر بصدم#مه وزهول ولغة قهراوية:لا متقولش!عمر بلاعه هيتجوز وبيحب!!يابني دا انا كنت مستنيك تتدخل علينا ببطة او صنية مكرونة بالبشاميل وتقولنا كتب كتابي عليها..دا انت كنت عامل تعاقد مع المطبخ ومش بتطلع منو...كل الاطفال اللي ف سنك كانو بيلعبو ويمرحو وانت ف المطبخ بتاكل
عمر بهيام:ياااه فكرتني بالأيام الجميلة..الواحد كان بياكل من غير محاجه تعطلو
جارس:صبرني يارب..المهم هتعمل اي مع عمي
عمر ببعض القلق:هروح اكلمو
***
عمر دخل القصر مع جاسر والخدامه شافتهم
الخدامه بفرحه:سي عمر چي يابت سعدية اطلعي نادي ستك بسرعه
سعديه:حاضر يا اما..وطلعت تجري لأوضة أم عمر
:سي عمر هنا ياحجه تعالي بسرعه
ام عمر بدموع وشوق وفرحه:عمر ابني
وجرت نزلت تستقبلو
عمر شاف امو نازلة وقلبو دق بإشتياق ليها ولملامحها الوفرحه
وجرى حضنها:وحشتيني اوي يا امي
ام عمر بدموع وفرحه:كيفك ياضي عين امك وحشتني جوي
عمر وهو بيمسح دموعها:مش هبعد عنك تاني يا امي..حتى لو الموضوع اللي جاي فيه متمش
:موضوع اي دا ياولد هوارة
عمر بص وراه ولقى ابوه بملامحو الوسيمه الصارمه
طبعا لازم يكون كدا دا كبير البلد صالح الهواري
*****
(غريبة الناس غريبة الدنيا دي اعز الناس بيتغير عليا مفيش احساس مفيش ولا ذكرى ليا خلصنا خلاص انا ماشي وجبها فيا)💔
لمار كانت قاعده بتعيط وبتفتكر كل ذكرياتها مع احمد من الطفولة لحد متجوزوا...وبتسمع الاغنية دي وبتفتكر حالها معاه..
احمد موثقش فيها ضربها وطلقها وطردها من غير ميسمع منها..مفتكرش ولا ذكرى ليهم مع بعض..معقول يكون نسى حبهم نسا ان هو اللي رباها..نسى انو علمها الصح من الغلط..وانها استحاله تعمل كده
**
بعد فتره حنين دخلت عليها الأوضه
حنين:ممكن تفهميني بقا الكائن دا عمل فيكي كدا ليه؟؟؟
لمار بتنهيدة حزينه حكتلها كل حاجه من اول الاتصال لحد ما احمد طردها
حنين بصدم#مه وصراخ:يعنيي اي فهميني يعني اي!شك فيكي ؟!صدق انك تعملي كدا وطردك وهانك هو انجن ولا اي واااه من الحقير اللي اسمو معتز دا اكيد الحربايه خالتو هي اللي مساعداه
لمار: تعرفي اي اكتر حاجه تعباني ووجعاني؟ان احمد هو اللي رباني..كان ليا كل حاجه..الاب والام والاخ والاخت والصديق والحبيب والزوج والسند..هو اللي كان بيأكلني ويذاكرلي وانا صغيرة
هو اللي كان بيسهر جنبي طول الليل وببقى تعبانه وكنت بشوفو بيصلي ويدعي والدموع ف عنيه لربنا علشان أخف...كان حنين عليا اووي وبيعتبرني بنتو..صعبان عليا انو مع اول مشكله مرت علينا طلقني وطردني وموثقش فيا..انا تعبت اوي بجد
انتي بتانبيني اني خليتو يتجوز عليا؟!دي اقل حاجه اعملهالو بعض كل اللي عملو معايا اهم حاجه سعادتو وربنا يهنيه ف حياتو
حنين بحزن عليها:انتي طيبه اوي يالمار
..وقصه حبكو اللي من الطفوله جميله بجد حرام اللي حصلكو دا
لمار بإبتسامه حزينه:الحمدلله على كل شئ
حنين:طيب يالمار ولو ندم وعرف الحقيقه هتسامحيه؟؟
لمار بجديه:مستحيل طبعا
****
ام عمر بتوسل لصالح:والنبي ياصالح اسمع منو بهداوة ووافجو على اللي عيعوزو
صالح بهدوء:انا مش وحش يا منار وشايفاني هكلو روحي اعملي الوكل وسبيني انا وعمر علشان عاوزو
تعالى معايا ياعمر المكتب
عمر راح ورا ابوه المكتب وقفلو الباب
****
:اجعد ياعمر ياولدي
اي الموضوع اللي عايزني فيه
