طبيب نصا.ب _كاملة _ بقلم هويدا زغلول

بهدوء _ ايوه طبعا وكمال بيه الشهاده للحق كان بيعاملني زي بنته.. حسام بدموع _ في الوقت ده كانت في بنت في الشركه هنا من اول مره شوفتها فيها وخطفت قلبي بقيت ليل ونهار افكر فيها، وكلمت بابا عليها وقولت ليه عشان اخطبها.. ابتسمت مروه وسالته وقالت _ بجد مين دي قولي عليها، عايزه اعرف ذوق حضرتك ازاي.. ضحك حسام وكمل كلامه وقال ـ هي بنت تقول للقمر قوم وانا اقعد مكانك زي ما بيقولو، بس قبل ما اعترف ليها باي حاجه اخدت اجازه وانا افتكرت ان الاجازه دي عشان مامتها كانت مت-وفيه قريب وقولت اول ما هترجع هعترف ليها علي طول بحبي ليها.. بصتله مروه بقلق وتوتر وحست ان الكلام عليها هي، وفعلا شكوكها اتأكدت لما كمل كلامه وقال.. حسام _ بس للاسهق لما رجعت كانت متجوزه وقتها اتقفلت من كل حاجه وبقيت عايش بلا حلم او هدف، والاصعب اني بقيت اشوفها متع-ذبه اووي في جوازها ده وانا قاعد متكتف وشايف حبيبتي بتتالم.. وقفت مروه واتملت عيونها دموع

وردت عليه وقالت _ ااا انا لازم اخرج عشان اكمل شغل واعوض غياب امبارح و... قام بسرعه وراح وقف قدامها وقال بجديه _ انا عارف انك فهمتي كل حاجه، وانك انتي البنت دي، انا بس عايز اقولك اني جنبك ولو لجأتي ليا والله ما هت-ندمي يا مروه وهكون ليا احسن صديق هيساعدك ويخلصك من اي حاجه تعباكي.. بعدت عنه مروه وقالت وهي بتسمح دموعها _ لو سمحت يا استاذ حسام انا ست متجوزه وكلامك ده كله معايا غلط، وياريت بعد كده لو حضرتك هتتعامل معايا في حدود الشغل تبعتلي غير كده بلاش يبقي في كلام بينا اصلا.. _سابته حزين وطلعت قعدت علي مكتبها فبصت ليها رحمه بح-قد، ورسمت الهدوء علي وشها وقربت من مروه وسألتها وقالت.. رحمه _ خير يا مروه كان عايزك في ايه استاذ حسام.. مروه بدموع _ لا ابدا ده كان بس مدايق عشان غيبت امبارح والشغل ما اتعملش.. رحمه بشامته _ بجد. يعني هو زعق ليكي ودايقك.. افتكرت مروه كلام حسام وقلبها وجعها اووي وقالت لرحمه وهي بتمسح دموعها.. مروه _ انا انا لازم تمشي بسرعه يا رحمه خدي ليا اذن والله مش قادره