اخويا طمعان فيا _ كامله _ بقلم هويدا زغلول

مدحت وهو بيسحب منها الورق _

عشان الورق ده حقي وفلوسي..

اميره _

الفلوس دي عملها كامل اخويا وهو شايف اني اولي بيها منك، انت لي بقي عايز تاخد حقي..

مدحت _

هروح اودي الورق ده الخزنه وارجع اربيكي ع جوازك من ورايا ي قليلة الربايه..

_ مشي مدحت وقفل عليها باب اوضتها، وامها كانت واقفه بعيد وبتبكي ع حال بنتها..

ــــــــــــــــــــــــــــــــــــــــ

_ دخل هشام بيت جده وهو مدايق وفنفس الوقت خايف من البيت ومن الكلام اللي بيتقال عليه ليكون حقيقي..

هشام _

اعوذ بالله من الشي-طان الرجيم، هقعد ازاي بس هنا انا، ده حتي هدومي عند بيت اميره..

اتخض وصوت اول ما حد حط ايده ع كتفه..

هشام وهو بيجري _

وحوي ب وحوي، مرحب شهر الصوم، اهلا رمضان..

ام اميره _

انت عبيط يعني هتطفش العف-ريت باغاني رمضان..

هشام بغيظ _

ي ام اميره قولتلك مليون مره كحي وانتي داخله اي مكان، ينفع كده اهو المنطلون اتبل..

ام اميره _

متبلش بيتهيئلك...

هشام _

انتي جايه لي اصلا ورايا لهنا، جايه تكملي كلام بنتم..

ام اميره _

مدحت اللي عمل كده عشان يوقع بينكم وحبس اميره وض-ربها وخد الورق وناوي يرجع يكمل عليها،

 انا جايه اقولك الحقها..

_ اتعصب هشام واظايق من فكرة ان حد مد ايده عليها، ميعرفش لي بس حس بجد انها مسؤله منه ومراته بحد مش كده وكده..

ــــــــــــــــــــــــــــــــــــــــ

فبيت اميره، دخل مدحت الاوضه وكانت هي نايمه وبتبكي..

شدها من شعرها وزعق فيها _

قومي ي بت يلا عشان تروقي البيت وتستني عريسك جاي يشوفك..

بكت اميره وقالتله _

عريس اي انت اتجننت ي مدحت حرام عليك..

شد شعرها اكتر وقال _

هو مش هشام طلقك يبقي نتمم الجوازه الاولانيه بقي..

دخل هشام الاوضه وزعق فيه _

نزل ايدك بدل مقط-عهالك...

مدحت _

انت بتعمل اي يالا هنا؟..

شده هشام وبعده عن اميره ووقف قدامها وهي استخبت فيه وهي بتبكي..

هشام _

جاي لمراتي..