رواية همس القلوب بقلم يارا عبدالسلام
انت في الصفحة 1 من 15 صفحات
_انتي رايحه فين بلبسك دا أن شاء الله
_انت مالك
_انا مالي اي يبت انتي انتي مش عارفه انك خطيبتي
_انا مش موافقه اصلا
_ودا لي أن شاء الله
_لانك متح*كم ومت*سلط يا كريم وانا بكر*هك
_بس انا بعمل كدا من خوفي عليكي ولو شايفه أن دا غلط فانا هبعد عنك يا مليكه وهقول لعمو احمد
_طيب
وسابته ومشيت
كريم بص في إثرها بحزن انها مش متقبلاه خالص هوا لسه في تالته ثانوي وهي 12سنه وبتقوله انها بتك*رهه بس هوا بيحبها اكتر من روحه ...
_مالك يا كريم
_مفيش يا مالك
انت رايح فين
_رايح التدريب تيجي معايا
_لا انا هقعد اذاكر
_طيب
كريم مشي وهوا متضايق راح اوضته
ساره أخته جت عليه
_كريم
_نعم يا ساره
_ممكن تفهمني الحته دي مش فاهماها
_طيب تعالي اقعدي
وبعدين قعد فهمهالها وخلص وقعد يذاكر وفضل طول ما هوا قاعد يفكر ازاي يقرب من مليكه لانه بيحبها جدا لكن هي دائما بتقوله انها بتك*رهه لي مش عارف...
مالك قر .ب من مليكه
_مليكه
_نعم
_انتي لي بتعاملي كريم كدا وانتي عارفه انو بيحبك
_يا مالك هوا دائما عاوز يتحكم فيا وفي لبسي وانا لسه صغيره وماما قالتلي أن دي اخر سنه ليا بشعري وهلبس الحجاب وهوا عاوز يلبسهولي من دلوقتي انا عارفه انو بيحبني بس مش كدا انا عوزا حريه شويه
_طيب اعمل اي
_روحي صالحيه
_لي هوا انا اللي مزعلاه
_بس انتي غلطانه
_يوووه يا مالك حاضر
مليكه راحت اوضه كريم وخبطت ودخلت بدون استئذان
_كوكي
_عوزا اي
_انت لسه زعلان
_اه ومش هصالحك
_حتي لو قولتلك اني بحبك
_دايما كدا بتاكلي بعقلي حلاوة بعد لما تقوليلي بكر*هك ومش طايقاك وكلام كبير كدا
_مانت يا كوكي بتعصبني
_يشيخه
_اه والله عاوز كل حاجه علي مزاجك في حاجه اسمها حنيه تسمع عنها
_طراطيش كدا
وبعدين انتي عارفه من يوم متولدتي وانتي بتاعتي وحبيبتي انا ومش بطيق حد يبصلك بصه ولما بتحضني عمو احمد ببقى عاوز اك , ,لك بسناني بس براعي انو ابوكي
_اه ومانعني اني اروح واجي ما مالك ولا اكلم ياسين ومانعني اني احضن ساره في اي يا كريم
_مهو بيلع ب معانا كلنا واختك بتلعب معاه
_كلهم حاجه وانتي حاجه يا مليكه مش هقولك تاني
_برضو بتتعصب صدق انا غلطانه اني جبتلك اصلا سلام....
بعد مرور ثلاث سنوات
_هوا انتي مش بتسمعي الكلام لي
_في اي بقى أن شاء الله
_هوا انا مش قولتلك متروحيش الدرس في المجموعه اللي فيها ولاد
_اه يا مليكه حتى لو كدا كنت هشرحهالك انا بس متروحيش مجموعه الولاد الله اعلم كام واحد يصلك
_اديك قولت وانا مالي انا رايحه اتعلم مش رايحه ابص عن اذنك
في الوقت دا جه يحيي
يحيي باستفهام:تاني يا كريم خناق
_اعمل اي يا بابا عنيده ومش بتسمع الكلام وانا زهقت
_من أولها وزهقت طبعك زيي صعب حد يقنعك وانا الصراحه مش يقتنع
احمد جه
:الله الله الاب وابنه بيتفقوا علي بنتي
_لا يعمي محصلش
احمد بجديه:بص يا كريم طالما انت مش عارف تتعامل مع مليكه يبقى شيلها من دماغك احسن انت في تانيه كليه بص لدراستك لاني شايف انك مهما كبرت هيفضل جهلك لمليكه موجود
_يا عمي لا والله بس انت عارف بحبها بغير ومش بطيق حد يبصلها
_مليكه محترمه ولبسها محترم ولو مش عارف انها بتحبك كنت بعدتك عنها غصب لكن انت جاهل مش عارف تتعامل معاها دي طفله بيضحك عليها بكلمتين وانت مش عندك الكلمتين دول يبقى بلاها واعتبر اني موعدتكش بحاجه
