رواية ليس أخي بقلم أمنيه يوسف
_وقفنا لما أخو همس طلب إيد ندى أمام كل الحاضرين..
إياد بغضب وغيره "سليم سيب الز"فت من ايدك وتعالى "
همس بصت لندى وابتسموا بشماته على حالة إياد اللي وصلها
ندى بهمس لهمس"قولتلك إنه مش اخويا ولا أنا اخته"
همس بضحك"حقيقي مش قادره ودانه بطلع نار غير عينه ويالهوي يا همس ياريت سليم دا كان ظهر من زمان"
ندى بصتلها وابتسمت...
بعد فتره وبعد ما كلمت خطوبه إياد وهمس وصحابهم مشيوا...كانوا العيلتين قاعدين سوا....والنظرات بين سليم وإياد نار'يه
إياد بغضب "ممكن أعرف إيه اللي عملته دا يا سليم بيه"
همس بنرفزه"انا ممكن اعرف ايه اللي مضايقك كدا وفيها ايه لما اخويا يتقدم لأختك وفي الخطوبه عادي ما بتحصل كتير إيه اللي مزعلك في كدا "
ابو سليم وهمس "انتو هتتخانقوا من اولها يا اولاد وقُدام الكُبار كمان على الاقل احترمونا"
همس وإياد "آسف:ه"
اما سعيد فكان قاعد وهو مبتسم أخيرا ابنه عرف قيمة ندى وعرف هي عنده إيه بالضبط....هو كان عارف ان إياد بيحبها اصل الغيره دي مش غيرة اخ على اخته ابدا...وغير كدا همس مش مُناسبه ليه ابدا
سعيد بهدوء وابتسامه"بُصي يا همس يا بنتي اللي عمله سليم دا مش صح الاصح كان يجي ويتقدم زي باقي الشباب في بيتنا وسط اهلها ومني ومن إياد اخوها ولا إيه يا ابو سليم"
ابو سليم ببتسامه" وإحنا مش هنلاقي احسن من ندى لإبننا "
إياد بصلهم بنرفزه وقال"حضرتك يا بابا انا مش أخوها ومتقولش يتقدم، ندى لسه صُغيره على الجواز "
ندى ردت بسرعه "لا مش صُغيره" هنا إياد بصلها بغضب وجز على سنانه
سليم بهدوء"انا طبعا آسف يا عمي بس حضرتك انا شوفت ندى مرتين في اللي جيتوا فيهم واُعجبت بيها واحنا كشباب الأيام دي بنتقدم للبنات كدا"
سعيد بص لإياد وقال"انت شاب مُحترم بس في الاول الرأي رأي ندى وام ندى وفي أي وقت تنورونا"
ابو سليم بهدوء"واحنا لينا الشرف، وان شاء الله يحصل ما بينهم نصيب"
