روايه مشاعر كامله
والصبح شادية كانت بتعزف على البيانو فمشاعر نزلت وفضلت واقفة جنبها وبتسمع العزف وكانت بتبص على البيانو اوى فشادية شافتها وبعدبن قالتلها نفسك تتعلمى تعزفى على البيانو فمشاعر قالتلها بصراحة انا نفسى اعزف عليه من زمان فشادية قالتلها تعالى اقعدى جانبى وبدات تعلمها تعزف
نوال رجعت من السفر وجات عشان تشوف جاسر وهى داخلة شافت شادية وهى بتعلم مشاعر تعزف فراحت وقالت لشادية ازاى تقعدى جنب بنت الخدامة وتعزفى معاها كمان فمشاعر قامت وقفت ودموعها نزلت فشادية قالتلها نوال ايه اللى بتقوليه ده انا حرة اقعد مع اى حد ومشاعر مش بنت خدامة دى بنت ست محترمة بتشتغل بشرفها لو سمحتى امشى من قدامى دلوقتى
شادية مسحت دموع مشاعر وقالتلها ماتزعليش من كلامها
نوال دخلت اوضه جاسر واول لما شافها حس انه اضايق فنوال قربت منه وحضنته وبعدين قالتله وحشتنى فجاسر مردش عليها فنوال بصتله وقالتله قررت تعمل الفرح امتى ايه رايك الاسبوع الجاى فجاسر قالها نوال انا مش هقدر اكمل معاكى فنوال قالتله يعنى ايه فقالها انا وافقت اخطبك بس عشان ماما صاحبة مامتك وخوفت تزعل منى وكنت فاكر انى هقدر احبك بس معرفتش احبك وحاسس انى هظلمك معايا لو كملت معاكى فنوال بصتله وقالتله قلبك مش عارف يحبنى لانه مش فاضى فى حد شاغله فجاسر سرح وفكر فى مشاعر فنوال بصتله لقته سرحان فقالتله مش قولتلك قلبك مشغول وبعدين قلعت الدبلة وسابتهاله على الترابيزة
شادية شافت نوال طالعة تجرى وكانت بتبكى وجاسر نزل فشادية قالتله هى مالها فجاسر قالها سبنا بعض فشادية قالتله احسن انك سبتها البنت دى معندهاش قلب جر-حت مشاعر وخلت دموعها تنزل وقالتلها بنت الخدامة فجاسر قال مشاعر رقيقة تعرفى انها وافقت انى اكمل البحث وافضل متابع حالة امها فشادية قالتله انا اول لما شوفت مشاعر حبتها وحستها بنتى معرفش ليه
ومرة فترة وطول الفترة دى جاسر متابع حالة زهرة وفى يوم زهرة فتحت عنيها فمشاعر اول لما شافتها فتحت عنيها طلعت تجرى على جاسر وبعدين جاسر جاب الدكتور وبدا الدكتور يفحصها ويعملها تحاليل واكتشف ان زهرة كليتها بقت سليمة وان الدوا الغلط الى اخدته هو السبب وقال
