مثلث عشق ( سوليية نصار )

وانا أنا خسرت كتير أولهم كارم اللي واضح أنه بيحب خطيبته جدا....معرفش حبها ازاي وامتي..وازاي نسي حبي بس في المرات القليلة اللي كنا بشوفهم فيها كنت بشوف أن عينيه بتلمع ليها ...نفس اللمعة اللي كانت ليا ويمكن اكتر !!!وخـ.سرت اهلي واحترامهم ليا وحور ...حور اللي رفضت تسامحني 
في فرح كارم(بقلم سولييه نصار)
كنت واقفة بعيد وانا شايفاه بيرقص مع خطيبته ..
ملاحظش وجودي اصلا اتاملت المرة المليون البنت اللي فضلها عليا في المرات القليلة اللي شوفتها فيها كانت  حلوة اووي ..ودلوقتي وهي حاطة ميكب طالعة احلي بكتير وهو طاير بيها وفرحان وهي باين انها بتحبه ...دموعي نزلت فقرب مني ابويا وقالي ببرود:

-قولتلك هتند.مي !!
وفعلا ندمت وندمت جدا ...أنا خـ.سرت خـسرت كتير ...خسرت صاحبتي وكارم واحترام اهلي ليا ...بس الاهم إني خسرت نفسي في مثلث العشق ده ...مريت بتجربة خلتني ازور طبيب نفسي في السر عشان يعالج الضـ.رر اللي حصلي 
في بيت حور كانت بتحتفل بعيد ميلاد مؤمن الرابع  مع أهلها ...كانت مرتاحة اووي  ..قدرت تتجاوز أيوب وخيا.نته ليها ووهبت حياتها لأبنها وبس ...رجالة كتيرة اتقدمتلها بعد طلاقها ولكن هي اختارت تعيش لإبنها وبس ..يمكن بعدين تغير رأيها بس اللي تعرفه ومتأكدة منه أنها مستحيل ترجع لأيوب ...أيوب كان ورقة وحر.قتها زي ما حر.قت ورقة مسك ...

كانت مرتاحة لأنهم هما اللي خـ.سروها مش هي خالص وشافت الحسر.ة في عينيهم وهي مش راضية تسامحهم ..زي ما أيوب طلب السماح ...مسك كمان طلبت السماح ولكن ابدا هي مش هتسامح ..ومش هتدخلهم في حياتها تاني ابدا ...عندها دلوقتي الاهم ..
وطت شوية وباست ابنها وقالت:
-بحبك انت اهم حاجة في حياتي ♡
-وانا كمان بحبك يا مامي ♡
ضحكت حور وهي فرحانة بتشكر ربنا دايما أن ربنا اداها مؤمن وهتعمل المستحيل عشان تربيه كويس...تربيه علي الصدق وميطلعش كد.اب زي أبوه 
-ماما ماما ...
قالها مؤمن لمامته فبصت عليه ووطت عشان تشوف عايز ايه ...حط علي رأسها تاج صغير من الورق وقال:
-انتي الملكة بتاعتي ...
ضحكت بسعادة وفضلت تبـ،ـوس  فيه جامد وقالت:
-وانت ملكي ...انت روحي ...بحبك ♡
تمت 
#مثلث_العشق
#سولييه_نصار 
قد يختلف البعض معايا في النهاية بس مش شايفة إلا أن دي النهاية المناسبة❤️