مثلث عشق ( سوليية نصار )

-انا كمان بحبك معرفش أمتي وازاي بس حبيتك .
-وحور اللي متجوزها دي ..
قولتها بحر.قة فقال :
-حور مراتي وام ابني وليها مكانتها ...وانتي حبيبتي ...
ز.قيته وانا بقول بقر.ف :
-انت مجنو.ن ..مجنو.ن وانا مستحيل افضل في الشركة دي وأشوف وشك كل يوم ...
ولسه همشي مسكني من أيدي وقربني منه وقال ؛
-مسك انتي بتحبيني ..متقاوميش نفسك ... قولي اه بس وملكيش دعوة بالباقي ...
ز.قيته بعنـ.ف وطلعت من المكتب وانا بعيط 
بعد ما خلصت شغل واتجنبته علي قد ما اقدر قررت أن تاني يوم هقدم استقالتي للمدير ...مستحيل استني ...
روحت البيت وانا تعبانة امي استقبلتني وقالت:

-ابن عمتك اتقدملك النهاردة للمرة الخمسين تقريبا الواد ده مش بيمل ابدا ...
ولقيت ان دي الفرصة المناسبة ليا محستش بنفسي الا وانا بقولها:
-انا موافقة اتجوز كارم ابن عمتي يا ماما !!
#مثلث_العشق
#سولييه_نصار

#يتبع

الجزء التاني

-حور أنا جيت ..
قالها أيوب بتعب وهو بيدخل البيت ...كانت حور بتاكل ابنها فابتسمت وقالت :(بقلم سولييه نصار)
-انا هنا يا حبيبي ...
دخل أيوب وبص علي حور لقاها قاعدة علي الانتريه بتأكل ابنهم مؤمن وهي مبتسمة ليه بفرحة شعرها الطويل متسرح والبيت مرتب كالعادة ...رغم المسؤوليات اللي علي حور الا أنها شاطرة جدا في انها تنظم وقتها وتخلي كل حاجة مثالية وده كان بيحبه ايوب فيها ...بس مؤخرا بقا في رتابة غريبة ما بينهم ...صحيح حور بتحاول علي قد ما تقدر تكـ.سر الملل ولكن أيوب مش بيساعد وده اللي خلي أيوب يحس بفرحة لما عرف أن مسك بتحبه ...

-حبيبي مؤمن ...
قالها أيوب وهو بيح.ضن ابنه وبعدين باس راس مراته ...
ابتسمت حور وقالت:
-ايه اخبار الشغل النهاردة يا حبيبي ...
ابتسم أيوب وهو بيفتكر مسك :
-الشغل حلو اووي يا حبيبتي ...
بالليل ....(بقلم سولييه نصار )
-انا مش قادر اصدق انك اخيرا قبلتي تديني فرصة عشان نتكلم ويارب اكون انا الإنسان المناسب ليكي واقدر اسعدك يا مسك لانك تستاهلي ...