رواية غرام العز كاملة
بيزعق لعز عشان يزود السرعه وبيزعق وشويه ويدعي واخيرا وصلنا المستشفي ودخلنا الاوضه لقيناها مركبه محلول واديها مكسوره ورجلها مكسوره ونايمه ع السرير.. جريت عليها وبدون سابق انذار حضنتها جامد*
& بس بس اهدي انا كويسه
= *بدموع* كنت همـ،وت لو جرالك حاجه يا ريهام
& متقلقيش حاجه بسيطه يحبيبتي وبعدين وسعي كده ا
= ابو معرفتك انا غلطانه كنت متوغوشه عليكي
& متوغوشه!!
@ احم… ا الف سلامه عليكي ياريهام
& الله يسلمك يا مهاب
@حقيقي قلقت عليكي جدا
& ربنا يخليك يارب شكرا
@ لا دا واجب متشكرنيش
= ياحنين!!
@ بتقولي حاجه يا كارما
= لا يا هوبا سلامتك!! اا انا هروح اجيب عصير واكل عشان جوعت وكده اجيبلكوا معايا؟!
= اشطا يا معلم
*وقربت منه وقولتله وبصوت واطي*
= اي خدمه يا برنس
@ عليا النعمه انتي ارجل من ابويا
= طيب انا نازله..انا ناااازله يا حضره الظابط
_ ما تنزلي اجي اسندك يعني
= الطم علي وشي!! بقولك نازله يا حضره الظابط انا مش فاهمه انت ظابط ازي ومعندكش سرعه بديهه
_ ايوه مش فاهم انتي عايزه ايه
_ ايوا بس.ا…
= ما بسش يلا بسرررعه يا كابتن
*قام عز وهو مش فاهم حاجه وطلعنا من الاوضه واول ما خرجنا و وقفنا في حته بعيد عن الاوضه شويه*
= متبقاش عامل زي العزول كده
_ عزول ازاي مش فاهم
= قصدي انك تسيبهم لوحدهم
_ هما بيحبوا بعض؟!
= انت مأخدتش بالك!! مش بقولك معندكش سرعه بديهه
= هي بتحبه بس بتكابر بقا حماره بعيد عنك
_ وبعيد عني ليه ماهي واقفه جمبي اهي
= تصدق انا غلطانه انى وقفت واتكلمت معاك اصلا
_ ههههههه خدي هنا بس يا كارما بهزر تعالي
= خير عايز ايه
_ بهزر يبنتي في ايه..ايه القفش دا
= مش قافشه انا بس جعانه
= انت عارف انت لو تبطل تريقه شويه هتسلك وتنور والله
_ طيب تعالي اكلك قبل ما تفضحيني
= افضحك!! ليه واخد معاك حلوفه
_ حاجه زي كده يلا تعالي
*وراح شدني من ايدي و سحبني وراه اكنه ساحب جاموسه وراه المهم اخدني ع الكافيتريا اللي في المستشفي وقعدنا في ركن هادي فيها*
_ خير ايه جايبك اطفحك هكون جايبك ليه
= عارف..انت عايز تتكوي في لسانك كده ب مكوه الاسشوار عشان تبطل دبش شويه
_ خدتي عليا علي فكره مش واخده بالك!
= انا واخده بالي انك المفروض جايبني تأكلني فين الاكل
_ حاضر تاكلي ايه
= بيتزا فراخ
_ تمام..يا وييتر
*نادي عز ع الجرسون بهيبته دي وجت بنت كده شعرها اصفر مضروب اكسجين وبطلون مدخلاه بزيت صابون باين وتيشيرت بت اختها تقريبا وعامله مكياج بلياتشو وحاجه اخر مسخره وربنا وعماله تتدلع علي الولا البايره الحربايه اكنه قاعد مع قلقاسه لمواخذه*
+ اؤمر يا فند ـ،م
_ عايز اتنين بيتزا فراخ لو سمحتي
+ يا سلام بس كده عيوني
_ ماشي شكرا
+ حاجه تانيه يفندم
_ لا شكرا لو احتجت هقولك
+ اوعي تتردد لحظه لو احتجت حاجه
= ماخلاااص ياعسل قال لو احتاج هينادي وبعدين هو مفيش غيرك في المكان يعني اللي خلقك مخلقش غيرك مثلا ما تورينا يلا عرض كتافك كدا وهاتي الاكل
*البت بصتلي بقـ،ـرف كده ومتكلمتش ومشيت وانا قاعده متضايقه من الحيوا-نه اللي قاعده تسبل للولا دي*
_ ايه في ايه مالك
= مالي
_ اتعصبتي ع البنت حرام
= حرام!!! ياحنين خلاص روح حصلها يلا وهات الاوردر بدالها طلاما حضرتك خايف عليها اوي كده
_ مش قصدي انتي فاهمه غلط ا….
= انت حر بقا غلط صح انت حر
_ طب وانتي متعصبه ليه
= وانا هتعصب ليه كنت من بقيت عيلتي حضرتك
_ *بأبتسامه* طيب خلاص
= انت بتضحك علي ايه مش فاهمه
_ بس انا فاهم ف بضحك
= والله!! وفاهم ايه بقا حضرتك عشان افهمه انا كمان
_ مش شرط تفهميه دلوقتي..بس هتفهميه بعدين
= ايه شغل الالغاز دا
_ معالينا منه..قوليلي بقا
= اقولك ايه
_ مش عارف بس اتكلمي ارغي وانا سامعك
= طيب انت عايش لوحدك علي كده
_ اه
= باباك ومامتك متوفين زي الروايات بقا وكده
_ بعد الشر لا طبعا اي جو المسلسلات دا
= اومال ايه طيب حيرتني
_ مسافرين..في كندا
= قصدك مهاجرين!!
_ حاجه زي كده
