رواية غرام العز كاملة
سيبته وطلعت ل ريهام فعلا وبعتله مهاب وقعدت انا وريهام نحكي عن حاجات كتييييير اوي وفضلنا لحد الساعه 11 كده بنتكلم لحد ما ريهام اخدت دواها ونامت وانا فضلت قاعده زهقانه مش جايلي نوم واقعدت بقا اجلد في ذاتي شويه*
عقلي:- فاكره يابت يا كارما لما خلود اللي في ابتدائي غشت منك الاجابه وقالتها والمستر اداها نجمه
معدتي:- لالالا فاكره انتي لما اشتريتي ب قبضك كله اكل واتسرق منك وانتي مروحه..وقعدتي طول الشهر فقيره وجعانه
عقلي:- طيب هي ليه كلمه اربعه من خمس حروف وكلمه خمسه من اربع حروف
كارما:- هو كده.. ربنا خلقها كده
كارما:- لما ربنا ياخدك ابقي اسأله بقي ومتقرفنييش
معدتي:- طب ليه مينفعش نشرب لبن ورا السمك..!
كارما:- عشان القطط متزعلش
عقلي:- طب العربيه اسرع ولا البحر اوسع
كارما:- خيبتي اكبر..
قلبي:- طيب ا..
*قطع تفكيري المهزأ دا صوت باب بيتفتح براحه اوووي وبهدوء مرعـ،ـب خلاني افتكر كل افلام الرـ،عب اللي اتفرجت عليها في حياتي دلوقتي…وتخيلت ان في رجل كلها د,م هتخش عليا وهتاكلني ولسه هرقع بالصوت لقيت عز داخل*
رواية غرام العز الفصل السادس 6 بقلم فرح وائل
= عز!! الله يخربيتك انت ايه اللي جابك هنا؟!
_ ششششش وطي صوتك
= اوطي صوتي ليه.. وانت ايه اللي جابك اصلا
_ ما اكيد مش هسيبك تباتي لوحدك مع نحنوح دكتور البهايم دا
= ع فكره هو في دور وانا في دور تاني خالص ثم انت مالك اصلا كنت ولي امري
= تعالالي هنااااا صحيح انا افتكرت… خطيبتك منين يا عسل هاا.. ليه اتعميت ولا خلصت رجاله البلد كلها ف اتزنقت فيك
*قولت كده وانا متعصبه وعروقي بارزه وتوقعت ان الكلام دا هيضايقه ويجر-حه ويخليه يحس علي دمه شويه ويسيبني في حالي… بصو هو مش في حالي اوي يعني عشان اكون صادقه بس لالا خليه يغور مش ناقصه انتفاخ قولون هي.. بس المشكله ان متعصبش ولقيته بيبصلي ببرود كده…*
= ولما انا مطولش قولت كده ل عادل ليه… ولا هي هرمونات وانت بتفرغها يعني ولا ايه عشان افهم بس
_ يارب نخف استظراف شويه عشان المراره يدوبك
= *بهدوء* عز
_ نعم
= لو سمحت ممكن اعرف انت قولت كده ليه
_ ……….
*سكت كتير ومردش وسكوته كان كفيل يخليني اولع منه حرفيا وهاين عليا اكسر جهاز النفس ع نفوخه اللهي يجيله ضيق تنفس ما يعرف ياخد نفسه حتي ( بعد الشر طبعا..ههه بهزر معاكو يارب يمو-ت ويريحنا من الشغلانه اللي مش جايبه همها دي..”سمعاكي ياللي بتقولي بعد الشر عليه يا كلبوبه.. اتلمي الواد خاطب”..)… المهم اخدت بعضي وكنت خلاص خارجه بره الاوضه عشان كفايه استفزاز لحد كده بس لقيته بيقولي*
= كلام جميل… بس المفروض انا دلوقتي اعمل اي قولي سبب..انت عارف؟! عادل دا اكتر واحد خباص ونمام في الدنيا وزمانه قال لكل الناس اللي انا اعرفهم او معرفهمش ومش بعيد الكلام دا يوصل ل بابا وماما.. عز انت مش متخيل نتيجه المصيبه اللي انت عملتها واللي انا مش متخيلاه اكتر هو برودي المتناهي اللي انا بكلمك بيه دا…يعني بدل ما اقوم انفضك لا بكلمك بهدوء
_ مشوفتش واحده بوء قدك بأمانه..يبنتي انا سندت عليكي هتقعي اتنيلي
= اه فاكر نفسك هولاكو وماله الطموح حلو.. بس انا بتكلم جد.. انا المفروض اعمل ايه في موقف زي دا
_ متقلقيش انا هتصرف
= تتصرف هتعمل ايه…انت فاكر ان كل حاجه هتيجي بلوي الدراع وشويه العضلات النفخ اللي انت فرحانلي بيهم دول هيحلو الموضوع…عز الله يستر اهلك قولي هتعمل اي عشان انت مبيجيش من تحت راسك غير المصايب
_ بعيدا عن لسانك اللي هقطعه قريب دا ان شاء الله.. بس انا هتصرف فعلا متقلقيش
= انا كده خوفت اكتر
_ بقولك اي ما تفكك من الهري بقا دا وشوفيلي حاجه في ام المستشفي دي اكلها عشان انا جعاان
= ما طفحتش في بيتكو ليه… انت جاي تقرفني
