رواية غرام العز كاملة
_ اتفصلي قولي اللي عندك
= اا حضره القاضي المبجل واا…
_ ششش قاضي ايه..وبعدين ايه مبجل دي انتي فكراني قديس..اهدي كده يا ماما واتفضلي اتكلمي براحه واتكلمي عادي مش لازم فصحي وانا هفهمك بس محتاج ادله مقنعه تخليني اخرجه بكفاله
= لا من ناحيه الاقناع ف انا هقنع حضرتك طبعا
_ تمام اتفضلي
= مبدأيا كده بطلب من حضرتك اخلاء سبيل المتهم
= عشان خاطري
_ افندم
= اا يعني اقصد ان المتهم برئ حتي تثبت ادانته
_ يا استاااذه بنقولك مسكناه متلبس وهو بيسرق لا وكمان هو معترف بكده يعني مأنكرش يبقي برئ ازاي
= هو اعترف!!
_ اه
= طيب يا فند ـ،م ما سهله اهي..مش الاعتراف سيد الادله والانكار مش هيفيدك واثبت مكانك المكان كله محاصر..
_ انتي مريضه يبنتي!!
_ لا بصي انا خلقي ضيق وشغل الهبل دا مش بحبه ف انجزي شوفي هتقولي ايه يا اما روحي يلا
= اروح ايه حضرتك.. دا استاذ رؤوف لو عرف هينفخني ومش بعيد ينفيني لجزيره سيشل زي ما اتعمل في الباشا سعد زغلول رحمه الله عليه..الفاتحه ع روحه….
_ فاااتحه ايه..انتي هتشليني يابت انتي..كلمه كمان والله احطك في زنزانه جمبه مش ناقصه
_ اتمني والله
= حضرتك مش هو سرق!!
_ مظبوط
= تمام والسرقه عقابها النار عند ربنا سبحانه وتعالي
_؟!!!!!!
= خلاص يبقي تسيبه بقا وربنا هيحاسبه وانت مش ربنا عشان تحاسبه
_؟!!!!!!
= انت ساكت ليه!! اقنعتك صح..السكوت علامه الاقناع والله
= ايه دا!
_ اطلعي بره يا استاذه يلا والا هيبقي ليا تصرف تاني معاكي
= يفندم افهم..والله انا اصلا بتوتر من الظباط وماليش في شغل المحقق كونان دا.. دا انا كنت ناويه ادخل اقولك والنبي يا عمو خرجوا وهو مش هيعمل كده تاني… انت متخيل!!
_ وانا قولت اللي عندي و….
*قطع زعيقه دا حد داخل عليه كده وبيقول*
= هوبا..عامل ايه يسطا
@ انا تمام..انتي ايه اللي جابك هنا
= قضيه
_ ايه دا يا مهاب انت تعرفها!!
= طبعا يبني.. دي كرمله بنت خالتي
_ اممم طب بصي قدامك خمس دقايق وتمشيها والا اقسم بالله ما هخليها تشوف الاسفلت اسبوع كامل
@ يبني اهدي كده هي عملت ايه
= والله معملتش حاجه هو اللي عـ،صبي
_ اه طبعا هو انتي بتعملي حاجه انا اللي وحش انا
= اه
@ طب يلا اتكلمي
= ما هو مو-ترني مش عارفه اتكلم خالص
@ طيب يستي متتكلميش معاه خالص..قوليلي انا
*وراح مهاب جه وقعد ع الكرسي اللي قدامي وقالي يلا اتكلمي وفعلا بدأت اتكلم وقولت كل الكلام اللي كنت محضراه وبطريقه كويسه*
@ هاايل يا كارما براڤو عليكي
_ خلاص بعد كده لما تجيلك قضيه ابقي قوليلهم لا معلش مش بعرف اترافع مع حد غير ابن خالتي..او خديه معاكي في الشنطه اسهل..ابقي روح معاها يا مهاب عشان مش بتعرف تتكلم غير معاك
= تصدق انت بني ادم مستفز بجد..وبعدين دا دليل انك شخص مرعـ،ـب اصلا و الواحد ميعرفش يتكلم معاك كلمتين علي بعض
_ اممم انا مرعـ،ـب اه.. دا علي اساس ان ابن خالتك سو سو كيوت مش كده..بصي مش فايقلك يلا روحي
= اه ما انا هروح اكيد مش هبات هنا…بس براءه المتهم!!
_ امم ماشي
*المهم انه ادي فعلا براءه للمتهم وانا كنت فرحانه فرحه الاهبل والله وبعدها خرجت من عنده انا ومهاب*
= وانت بقا بتشتغل في القسم دا انت كمان!!
@ اممم انا وكيل نيابه هنا
= بس انت مش زي الغول اللي جوه دا.. دا عامل شبه البوبع يا مهاب دا انا خوفت منه
@ لا لا دا عشان انا ابن خالتك لكن انتي مش بتشوفيني مع المتهمين ببقا عامل ازاي
= بتبقي عامل ازاي
@ زي السكر في الشاي.. يلا شوفي انتي رايحه فين
= يا ظرييف.. رايحه المكتب
@ طب تعالي اوصلك يلا
= وشغلك!!
@ هخلي عز يغطي عليا في الشغل
