رواية غرام العز كاملة

*قاطعته كارما قبل ان يكمل سبهُ لها قائله في ابتسامه*
= بستثنيك يا عزو
*ابتسم عز كالابله وحك عنقه بأحراج من تدليلها لاسمه ثم اكمل قائلًا*
_ لو كده ف معنديش مانع
= طيب يلا بقا نخلص القضيه الشؤم دي، عشان رؤوف مش طايق زفره اللي جايبني
_ يا كارما بقا ابوس ايدك اي الكلام دا، اي زفره دي؟
= ولا يعز انتَ ساكن فين وغوشتني عليك

_*بضحك* وغوشتك ازاي يعني؟
= اصل انتَ ابن ناس اوڤر الصراحه، مش بتاكل بتنجان ولا عارف يعني اي زفره؟ وكسه لتكون ساكن في كومباوند
*قالتها كارما بسخريه ولكنها تفاجأت بالاخر يهز رأسه بإيجاب دليلًا علي الموافقه فأردفت بصد-م#مه*
= ان شاء الله هزه راسك دي تكون مرض كـ،ـلابي او كهربا ع المخ، بس ميكونش قصدك انك ساكن فعلا في كومباوند
_*بضحك* لا ساكن فعلا في كومباوند
= ياخي اي الحِزن اللي انا فيه دا، يوم ما اتخطب لواحد يكون ساكن في كومباوند
_ اي الاوڤر دا يا كارما هو انا بقولك ساكن في زريبه
= اقعد ساكت انتَ مش فاهم حاجه، انتَ هدمت طموحي، انا كان نفسي اتجوز راجل بسيط نفطر انا وهو ع عربيه فول الصبح ونركب سوا الميكروباص وناخد الكنبه اللي ورا لينا لوحدنا ونعمل اص، ويجيب بطيخه وفاكهه وهو جاي من الشغل، وانا اقوله يوه تعبت نفسك يا ابو فريده انشالله ما نعدمك.
_ يوه؟ واي ابو فريده دا كمان
= اي مش عاجبك فريده؟ ولا عايز تسميها ع اسم واحده من اكساتك؟
_ لا والله، بس انا مش شايف ان فيه مشكله نعمل كل دا وانا ساكن في كومباوند عادي
= والله؟ بقا انتَ يا ابن الزواد هتاكل ع عربيه فول ولا هتركب ميكروباص؟
_ كارما انتِ ليه بتنسي ان انا ظابط، يعني اكيد شوفت ايام انيل من اللي انتِ بتحكيه دا
= يعني هتاكل فول ولا لا طمني ع مستقبلي
_*وهو يضحك* هاكل والله، بس نتجوز ومش هبطل اكله
= بس خلي بالك بقا لاحسن بيتخن المخ، وانت مش ناقص
_ يا كارما والله هناولك يد في سنانك ترد بوقك ع البارد

= متتكلمش كلام انتَ مش قده بس، ويلا اما نشوف القضيه دي عشان عاوزه اروح بيتنا الجو حر
*زفر عز بنفاذ صبر من تلك الثرثاره، ثم اومئ في هدوء وبدأوا في القضيه وبدأت كارما تتحدث ويستمع لها عز وبعد 15 دقيقه اردفت كارما بعصبيه*

= هو اي اللي مش هطلعها؟ والله لو ما اخليت سبيل المتهمه لهخليك انا زي السمك الفليه يا ابن عبد البارئ
_ انتِ عبيطه يبنتي؟ اخلي سبيلها ازاي وهي جايه في قت.ل عن عمد ومعترفه كمان
= يعني مش هتخرجها؟
*اجاب الاخر ببرود وهو يستند بظهره علي الكرسي ويبتسم وهو مستمتع بغض.ب تلك المجنونه الغير مبرر*
_ لا مش هخرجها
= طب عشان خاطري
_ بطلي هبل يا كارما وخدي ورقك وروحي يلا
=*اردفت بغض.ب* ماشي يا عز الكـ،ـلاب انتَ، والله ما هتجوزك وابقي روح اتجوز القتـ،يل اللي عمال تحاميله دا
*قالتها وهي تخرج من المكتب بغض.ب وتغلق الباب خلفها بعنـ،ـف بينما ردد عز اخر جمله قالتها في صد-م#مه*
_ عز الكـ،ـلاب؟ هي قالت عز الكـ،ـلاب ولا انا سمعت غلط؟ يخربيت جنانك يا كارما
*باشر عمله وهو يبتسم كلما تذكر غضبها عليه كالطفله لانه لم يقبل قضيتها فقط؟*
*روحت المكتب يعيال وانا متعصبه وعايزه اطلع فشته في ايدي كده، اكيد مش هخلص من لسان رؤوف وانا مش فيقاله بصراحه، حته الرنجه اللي ضـ،ـربتها الصبح دي شكلها حمضانه ولا اي، المهم دخلت المكتب وانا دايخه لاقيت رؤوف في وشي*
_ ها عملتي اي يا كارما
= اتحولت للتحقيق
_ تمام ماشي، روحي كملي شغلك
= تمام ماشي؟؟ تمام ماشي ازاي يعني، استاذ رؤوف انت سُخن ولا جاتلك حصبه ولا اي طمني
_ لي يبنتي بتقولي كده
= اصل انا كُنت مستنياك تقوم تفشفش الترابيزه دي ع نفوخي ودماغي تتفتح واروح المستشفي وارفع عليك قضيه تعرض واخد تعويضات من الفلوس اللي علي قلبك قد كده دي، انتَ بوظتلي السيناريو يا استاذ رؤوف
_ الفلوس اللي علي قلبي؟؟
= ماشاء الله يعني، انا عيني بارده متخافش
_ انتِ كلك علي بعضك بارده، امشي يا كارما من وشي
= مقبوله منك يعم، عشان بتقبضنا بس
*قالتها كارما وهي تدلف الي مكتبها مبتسمه لانها تفادت توبيخ رؤوف بينما اردف رؤوف بعدما غادرت قائلًا*
_ يعم؟ انا مش عارف اي اللي مصبرني ع البت دي لحد دلوقتي