رواية غرام العز كاملة
= عليكِ طفاسه يا كارما الله يكون في عون قبضي اللي هيخلص علي كرشك دا، بس عنيا والله، احنا عايزين ننول الرضا بس
*ابتسمت كارما في خجل وصمتت وهذا ما اثار دهشه عز ف كارما من عادتها انها تقطع اي حديث لطيف يقوله عز ب حديث اخر ساخر يُدمر ما يحاول ان يُبنيه*
_ اي يا كارما انتِ سُخنه ولا اي، منطقتيش يعني ولا رميتي طوبتين من اللي بتطلعيهم من بوقك دول
_ يشيخه يارتني ما سألت، ما انتِ كُنتي ساكته وزي الفُل انا اللي لساني عايز قطعه
= لا يا زوز بعد الشر علي لسانك، انشالله الصفرا بنت خالتك وامها
= انا هطلع بقا عشان اتأخرت، وبابا بيرن
_ انتِ قولتيله اي وانتِ نازله
= قولتله في كلب بيهوهو تحت البيت هنزل احطله مايه واكل واطلع
_ يا كارما والله مو-تك هيبقي علي ايدي، انتِ لسانك دا مبرد؟
= بهزر معاك يزوز متقفش، وبعدين مهونش عليك انا عارفه
*قالتها وهي تضحك بينما اردف عز في ابتسامه*
= معنديش مشكله، هقول ل بابا وأكد عليك، بس خالتك مش جايه صح؟
_ ممكن تيجي، مش عارف، عندك مشكله يعني لو جت؟
*ابتسمت كارما ابتسامه خبيثه وقالت*
= لا ابدًا بالعكس اعزمهم، برضه مهما كان دول اهلك وغلاوتهم من غلاوتك عندي
= بعد ما تطلع من المطار هتروح ع البيت؟
_ اه، اومال هروح فين يعني
= طب انا هرن عليك كُل خمس دقايق ولو جدع متردش يا عز، ولو سمعت صوت الصفرا بنت خالتك دي مش هحلك
_ هترني عليا كل خمس دقايق؟ يا كارما قولي كلام يتصدق، دا انا تليفوني مرنش بأسمك من ساعه ما عرفتك، انا اشك انك مسجله رقمي اصلا
_ اشمعنا؟
= اصل عود البت ماشاء الله مزعزع
_ مزعزع؟ اطلعي يا كارما يلا الله يهديكي اطلعي
= ماشي يا عم زوز، يلا جود نايت
_ جود نايت؟ ودا من امتي؟
= ما انتَ مستضيف عندك اجانب في البيت قولت محرمكش من عوجه اللسان برضه، لتبص برا ولا حاجه
_ علي اساس انك هتسبيني ابص بره؟
= لا يا زوز دا انا اغزقهالك، يلا بقا باي
*قالتها وهي تصعد الي مدخل البنايه وتلوح لهُ بيدها بينما هو انتظر حتي اختفت من امامه ثُم ابتسم، فتح موسيقي السياره علي اغنيه ل “ام كلثوم” وظل يُدندن معها طول الطريق، وهو يبتسم، ف تلك الفتاه حقًا تُبدد غضبهُ في لحظه، ذهب عز بعدما احضر والده و والدته الي المنزل، وصعد الي غُرفته ليغير ملابسهُ بأخري مريحه، وقبل ان ينزل الي اسفل وجد هاتفهُ يصدح بأسمها ف ابتسم وهو يلتقط الهاتف ليجيب*
_ اي لحقت اوحشك
= ولا يا زوز صوتك في التليفون عامل زي صوت ممثل همـ،وت افتكره، الا قولي صح جبت مامتك وباباك ولا لسه
*ضحك عز لانها تُغير الحديث كعادتها ف لم يريد ان يُخجلها واكمل حديثه قائلًا*
_ اه وروحت البيت وغيرت كمان، بس اتصلتي في وقتك والله
= ليه جايب اكل ولا اي
_ يخربيت الاكل اللي شاغل بالك طول الوقت دا يا كارما، انا خايف اقولك بتحبيني انا اكتر ولا الاكل تقوليلي الاكل
= لا يا زوز متقولش كده، اكل اي اللي احبه اكتر منك، انا مبحبكش اصلا
*قالتها كارما وهي تضحك بينما صمت الاخر لوهله، ثم اغلق الهاتف في وجهها ، صاحت كارما بعد ان اغلق الهاتف قائله*
= يبن الصرمه يا عز، اتقمص دا ولا اي، دا انا بهزر
*عاودت الاتصال بهِ ولكنه اغلق في وجهها للمره الثانيه والثالثه، حتي ارسلت اليه رساله قائله فيها*
= رد يا ابن عبد البارئ ردت المايه في زورك، بدل ما اجيلك
ابتسم عز بخبث وقرر ان يجعلها تغضب قليلًا، ف ارسل رساله اخري محتواها
_تعاليلي
