رواية ظلمني من أحببت كاملة
تاني يوم الصبح
صحيت أسيل ولبست هدوم من عند منه ونزلت على شغلها
بقت واقفه في المحل على رجليها اللي بدأت توجعها ومش راضيه تقعد عشان خايفة لتخسر شغلها بصت من الشباك لقت عربية عروسة معديه من قدام المحل .
مسحت دمعه نزلت منها ورجعت بالذاكرة ليوم فرحها
فلاش باك
جاسر جاي يخدها عشان يوديها الكوافير لقاها قعده بتعيط اتخض وقال: مالك يا أسيل بتعيطي ليه
نسيت سبب عياطها وسرحت في كلمت أسيل منه بصت ليه وسرحت في عيونه وتاهت معاه
جاسر أول ما بص في عيونها نسي الدنيا وما فيها بقي مركز فيها وبيحاول يلقي تفسير للشعور اللي جواه وبيقنع نفسه أنه مش حب وإن دا شعور عادي اعجاب بشخصيتها الغريبه مسكها من دراعتها وقومها ومازالوا سرحانين لحد ما فاقت أسيل على صوت والدتها وهزته
بصتله بخجل وخدود حمر وهو بعد نظره عنها وقال: احم كنتي بتعيطي ليه ؟
أسيل: عشان هسيب ماما وامشي
جاسر: متقلقيش وقت ما تحبي تشوفيها انا مش همنعك عنها
أسيل: بجد يا جاسر
جاسر: بجد يا عيون جاسر
أسيل بتوهان: ها
فاقت اسيل على ايد بتتمد عليها وبتلمس على دراعها
فاقت اسيل على ايد بتتمد عليها وبتلمس على دراعها
أسيل بخضه: انت بتعمل ايه
صاحب المحل: ما تيجي يا قمر دا حتي حرام الجمال دا كله يبقي سرحان كدا
أسيل بزعيق: نزل ايدك بدل ما اكسرهالك أنا مش واحد ز*باله من اللي تعرفهم
صاحب المحل: إنتي هنا تحت رحمتي انتي محتاجة شغل وانا محتاج اتبسط فليه منعملش اتفاق هديكي ضعف مرتبك مسك اديها وحاول يقرب منها
أسيل بصراخ: ابعد عني انت بتعمل ايه يا حيو*ان الحقوناي
صاحب المحل: وطي صوتك هتفض-حينا وساعتها هقول إن إنتي اللي غرغرتي بيا وكدا كدا هاخد اللي أنا عاوزه
أسيل لقت خشيه قدامها مكتوب عليها اسم صاحب المحل مسكتها ونزلت على رأسه ضر*ب لحد ما نزف
صاحب المحل: يخربيتك عملتي ايه والله لوديكي في داهيه
أسيل خرجت تجري وبقت تبص وراها زي الحرامية تشوف حد بيجري وراها وإلا لا
وصلت للبيت ودخلت وهي بتنهج
تفيدة: يلهوي مالك يا بنتي ايه اللي جرا وجاية جري كدا ليه
أسيل: مش قادره تاخد نفسها وحاطه اديها على بطنها وبتتنفس جامد
تفيدة: اقعدي يا حبيبتي اقعدي يا منه اعملي كوباية لمون بسرعة
منه جريت تعمل اللمون وأسيل عيونها من مبطله دموع هي مصدومه وعيونها بتدمع لوحدها
تفيدة اخدتها في حضنها وبقت تطبطب عليها وتقرأ عليها قرآن
منه جابت اللمون وشربهولها بالعافية وبدأت تحكيلهم اللي حصل
