صاحبي بيحب مراتي _بقلم هويدا زغلول _ كامله

ايوه بقي دلوقتي بقيت ايه..

هبه بتوتر 
ايه ده با رؤوف انت بتعمل ليه ممكن تقعد مكانك

رؤوف
هو انا مش عارف ازاي وامتي بس شكلي كده حبيتك يا هبه..

_اتكسفت هبه اوي وقبل ما ترد عليه طلعت هناء من المطبخ وقالت بحده..

هناء
هبه ممكن تيجي تقوليلي كوبيات العصير فين؟..

بص ليها رؤوف بحده، وقامت هبه بسرعه وقالت
حاضر هجيبهم انا وهجيب العصير..

دخلت هبه المطبخ ووقف رؤوف قدام هناء وقال

ورحمة ابويا وامي لو ما بطلتي حركاتك دي لاندمك علي اللحظه اللي شوفتيني فيها..

هناء
اعمل كده ووقتها اقسم بالله يا رؤوف افضحك قدام الكل بالشات اللي بينا والمكالمات اللي متسجله..

طلعت هبه ومعاها العصير وقالت
اتفضل يا رؤوف..

اخد منها رؤوف العصير وقال
تسلم ايدك يا هبه... معلش يا هناء وديلهم انتي العصبر جوه وسيبي ليا عروستي شويه..

اتعصبت هناء واخدت العصير ودخلت البلكونه، وقالت هبه بكسوف..

هبه 
ايه االي انت بتعمله ده احرجتها..

رؤوف 
لا ولا احراج ولا حاجه هي المفروض من نفسها تمشي وتسيبني اقعد مع خطيبتي لوحدنا..

هبه 
طيب اعمل حسابك بقي يا خطيبي بكره تعزمني بعد شغلي انا وصحابتي علي الغدا عشان اعرفهم عليك..

رؤوف 
بس كده من عينيا وكمان اختاري المكان اللي نروحه بنفسك..

هبه 
لا لا احنا ناس بسيطه ايه رئيك ناكل كشري ونشرب قصب بعدها..

ضحك رؤوف 
ههههه لا لا انتي والله مش طبيعيه، خلي الكشري والقصب لما نبقي لوحدنا انما بكره العزومه هتبقي علي ذوقي انا..

هبه 
طيب ربنا يستر..
_بالليل كانت هناء متعصبه جدا وطلع عماد وقعد معاها وقولت ليها بهدوء..

عماد. 
ايه مش جايلك نوم ليه يا حبيبتي..